1 أيث-كورينث 7:19 - ثريفيث 2020

¹⁹ مڒَا يتْطهَّار نِغ وَار يتْطهِّير شَا، مَانَاينِّي يتْوَاحْسَاب ذ وَالُو. مڒَا يتݣّ س ڒُوْصِيَاث ن أَربِّـي ذ مَانَاينِّي إِݣ يتْوَاحْسَابن.

1 أيث-كورينث 7:19 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:19

مَارَّا ؤُو غَا يحَرْفن يجّن ن ڒُوْصِيّث ذ ثَمزْيَانْت زِي شَّرِيعَا، سّنِّي اَذ يسڒْمذ إِ يِوْذَان خ مِين يتݣّ نتَّا، أَتَاف اَذ يِيڒِي ذ اَمزْيَان س وَاطَّاس ذِي ڒْمُلْك وجنَّا. وَلَكِن ونِّي غَا يطَاعن إِ شَّرِيعَا يݣَّا زَّايس، سّنِّي اَذ يسڒْمذ إِ يِوْذَان اَذ ݣّن اَم نتَّا، أَتَاف اَذ يِيڒِي ذ اَمقّْرَان س وَاطَّاس ذِي ڒْمُلْك وجنَّا.

يوحنا 15:14

مڒَا تݣّم ڒُوْصِيَاث ينُو، أَتَاف كنِّيو ذ يمدُّوْكَاڒ ينُو.

أيث-روما 3:30

لِأَنَّا أَربِّـي نتَّا ذ يجّن. ذ نتَّا إِݣ يسمْصْڒَاحن أَيث-إِسْرَائِيل اَكِذس س لإِيمَان، ذ يِنِّي وَار يدْجِين شَا زِي أَيث-إِسْرَائِيل س نّفْس لْإِيمَان.

1 أيث-كورينث 8:8

إِيوَا مَاشِي ذ لْمَكْلَا إِي ذَانغ غَا يسْقَارّْبن غَار أَربِّـي؛ لَّا، وَار ذَانغ ينفّع شَا مڒَا نشَّا نِغ وَار نشِّي شَا.

أيث-ݣلاطيا 3:28

وَار ذِنِّي لَّا اَئِسْرَائِيلِي نِغ ذ اَيُوْنَانِي. وَار ذِنِّي لَّا يسْمغ نِغ ذ ونِّي يدْجَان حُرّ. وَار ذِنِّي لَّا اَرْيَاز لَّا ثَمْغَارْث. أَقَا كنِّيو مَارَّا إِذْوم ثْمُوْنم ذ يجّن ذِي عِيْسَى لْمَسِيح.

أيث-ݣلاطيا 5:6

لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.

أيث-ݣلاطيا 6:15

لِأَنَّا بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع شَا؛ لَّا، ينفّع مڒَا بْنَاذم يخْڒق-د قَاع ذ جْذِيذ.

أيث-كولوس 3:11

وَار يتْغِيمِي بُو ويُوْنَانِي نِغ ذ اَئِسْرَائِيلِي، نِغ ذ ونِّي يطهَّارن نِغ ذ ونِّي وَار يطهِّيرن شَا، نِغ ذ اَبَرْبَرِي نِغ ذ اَوحْشِيو، نِغ ذ يسْمغ نِغ ذ ونِّي يدْجَان حُرّ. لَّا، لْمَسِيح نتَّا ذ مَارَّا، أَقَاث ذِي مَارَّا.

لواحي ن يوحنا 22:14

سَّعْذ ن يِنِّي يتْصبَّانن يتْشَامِّيرن نْسن، حمَا اَغَارْسن يِيڒِي ڒْحَقّ ذِي ثْشجَّارْث ن ثُوْذَارْث اَذ اَذْفن ثَنْدِينْت زِي ثوُّوْرَا نّس.