1 أيث-كورينث 7:17 - ثريفيث 2020

¹⁷ كُڒ يجّن اَذ يعِيش ثُوْذَارْث نّس مَامش ذَاس ت يُوْشَا سِيذِيثْنغ، مَامش ذَاس د يڒَاغَا أَربِّـي. أَمُّو إِي تْوصِّيغ نش مَارَّا ثِجُوْمَع ن ڒْمُوْمِنِين.

1 أيث-كورينث 7:17 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 19:12

ذِنِّي ڒبْعَاض زݣ وَامِي خڒْقن وَار زمَّرن اَذ مڒْشن. ذِنِّي ڒبْعَاض نّغْنِي قّْنن-ثن يِوْذَان. أُو ذِنِّي ڒبْعَاض نّغْنِي ؤُݣِين اَذ مڒْشن خ سَّبَاب ن ڒْمُلْك وجنَّا. ونِّي يزمَّرن اَذ يقْبڒ ثِمسْڒَايِين-أَ اَثنْت يقْبڒ."

1 أيث-كورينث 10:32

وَار غطّْڒث حَدّ وَاخَّا نِثْنِي ذ يسْرَائِيْلِيْين نِغ ذ ييُوْنَانِيْين نِغ ذ جْمَاعث ن ڒْمُوْمِنِين ن أَربِّـي.

1 أيث-كورينث 11:16

مڒَا ذِنِّي شَان يِجّن يرْزُو اَذ يمْغَانّن خ مَانَايَا، نشِّين وَار ننُّوْم شَا شَان لْعَادَا نّغْنِي، ؤُڒَا ذ ثِجُمَاع ن ڒْمُوْمِنِين ن أَربِّـي وَار نُّوْمنْت شَا شَان ڒْحَاجث نّغْنِي.

1 أيث-كورينث 11:34

شَان يِجّن مڒَا يدْجُوْز، ئِتْخصَّا-يَاس اَذ يشّ ذِي ثدَّارْث نّس بَاش خْمِي غَا ثْمُوْنم اَتَاف وَار كنِّيو يتْحِسِّيب شَا أَربِّـي. خْمِي د غَا اَسغ نش اَتَاف اَكنِّيو وصِّيغ خ ثْمسْڒَايِين نِّي نّغْنِي.

1 أيث-كورينث 14:33

لِأَنَّا أَربِّـي وَار يدْجِي بُو ن ڒْفَاوْضَا وَلَكِن ن ڒهْنَا. ذ ثَانِيتَا ذ لْعَادَا إِي ذَايْسنْت ذِي مَارَّا ثِجُمَاع ن ڒْمُوْمِنِين.

1 أيث-كورينث 16:1

عْلَاحْسَاب صَّذَاقَا إِ ڒْمُوْمِنِين صَّالِحِين، سْوجْذث كنِّيو مَامّش ثنْت وصِّيغ إِ ثْجُمَاع ن ڒْمُوْمِنِين ذِي لْإِقْلِيم ن ݣَلَاطْيَا.

1 أيث-كورينث 4:17

خ مَانَاينِّي إِي خف كنِّيو د سّكِّيغ تِيْمُوْتَاوُس. نتَّا يعِيزّن خَافِي اَم شَان ممِّي، ذَايس تِّيقث ذِي سِيذِيثْنغ. أَكنِّيو يسْفكَّر خ يبْرِيذن ينُو ذِي لْمَسِيح مَامّش ثن سڒْمَاذغ ذِي مَارَّا يمُوْشَان ذ مَارَّا ثِجُمَاع ن ڒْمُوْمِنِين.

1 أيث-كورينث 7:18

شَان يجّن، مڒَا يڒَاغَا-يَاس-د أَربِّـي أُو نتَّا تُوْغَا ݣِّين-اَس طَّهَارث، مَاشِي اَذ يرَاح اَذ يكّس طَّهَارث نِّي. شَان يجّن، مڒَا يڒَاغَا-يَاس-د أَربِّـي تُوْغَا وَار ذَاس ݣِّين شَا طَّهَارث، مَاشِي اَذ يرْزُو اَذ يݣّ طَّهَارث.

1 أيث-كورينث 7:24

آي اَيثْمَا، أَذ يقِّيم كُڒ يجّن ذِي لْحَالَا نِّي إِي ذِي ذَاس د يڒَاغَا أَربِّـي.

1 أيث-كورينث 7:7

رزُّوْغ مَارَّا يرْيَازن اَذ يڒِين اَم نش. وَلَكِن كُڒ يجّن غَارس ثِزمَّار إِي ذَاس يُوْشَا أَربِّـي، ئِجّن غَارس ثِين، ئِجّن غَارس ثَا.

22 أيث-كورينث 11:28

إِيوَا قَاع ثِمسْڒَايِين-أَ أُو عَاذ ذَايِي اَمْنُوْس كُڒ نْهَار عْلَاحْسَاب مَارَّا ثِجُوْمَع ن ڒْمُوْمِنِين.

22 أيث-كورينث 8:18

أَك تِيتُوْس نسّكّ ؤُمَاثْنغ نِّي مَعْرُوْف غَار مَارَّا ثِجُوْمَاع ن ڒْمُوْمِنِين خ ڒْخذْمث يتݣّ عْلَاحْسَاب لْإِنْجِيل.

أيث-ݣلاطيا 1:22

تُوْغَا نش عَاذ وَار ذَايِي سِّينن شَا ذݣ وغمْبُوْب ينُو ثِجُوْمَاع ن ڒْمُوْمِنِين ن لْمَسِيح ذِي ثْمُوْرْث ن يَهُوْذِيَا.

1 أيث-سلونيك 2:14

آي أَيثْمَا، ثْذوْڒم اَم ثْجُمَاع نِّي ن ڒْمُوْمِنِين ن أَربِّـي ذِي عِيْسَى لْمَسِيح ثِنِّي إِي يدْجَان ذِي ثْمُوْرْث ن يَهُوْذِيَا. لِأَنَّا يوْذَان ن ثْمُوْرْث نْوم تْبُوْصَارن خَاوم اَم أَيث-يَهُوْذِيَا تْبُوْصَارن خ ثْجُمَاع ن ڒْمُوْمِنِين إِي ذِنِّي.

2 أيث-سلونيك 1:4

خ مَانَايَا ذ كنِّيو إِݣ يدْجَان ذ شَّان نّغ جَار ثْجُمَاع ن ڒْمُوْمِنِين، نسَّاوَاڒ خ صّْبَر نْوم ذ لْإِيمَان نْوم ذِي مَارَّا اَعدّب نِّي ذ مَارَّا ڒمْحَاين نِّي إِي خَاوم إِي تكّن.