1 أيث-كورينث 6:15 - ثريفيث 2020

¹⁵ مَا وَار ثسِّينم شَا بلِّي دَّات نْوم نتَّاث ذ طْرُوْفَاث ن دَّات ن لْمَسِيح؟ إِيوَا طْرُوْفَاث-أَ، مَا ٱثنْت يْسِيغ اَثنْت سْمُوْنغ اَكذ لْفَسْدَاث؟ لَّا، عمَّارْص!

1 أيث-كورينث 6:15 ပူးပေါင်းရင်းမြစ်များ

لوقا 20:16

أَذ د يَاس نتَّا س يِيخف نّس اَذ ينغ يخمَّاسن نِّي مَارَّا، أَذ يجّ اَمَرْجع نِّي وضِيڒ إِ ينّغْنِي." وَامِي سْڒِين إِ مَانَايَا نَّان: "أَربِّـي يسْتَر!"

أيث-روما 12:5

أَمنِّي إِي ندْجَا ؤُڒَا ذ نشِّين. وَاخَّا نشِّين اَطَّاس إِي إِذْنغ أَقَانغ مَارَّا إِذْنغ ذ يجّن ن دَّات ذِي لْمَسِيح، كُڒ طَّارْف يتحْذَاجَا ونّغْنِي.

أيث-روما 3:31

إِذن، مَا أَ نسْبطّڒ شَّرِيعَا س لإِيمَان-أَ؟ عمَّارْص! لَّا، نشِّين نتْحَامَا شَّرِيعَا.

أيث-روما 3:6

لَّا، عمَّارْص! مَعْلِيك اَمنِّي، مَامّش غَا يݣّ أَربِّـي اَذ يحَاسب دُّنشْت-أَ؟

أيث-روما 6:15

إِيوَا نشِّين مَا أَ نعْصَا أَربِّـي خْمِي اَقَانغ سْوَادَّاي ن اَرْضَا نّس وَار ندْجِي شَا سْوَادَّاي ن وفُوْس ن شَّرِيعَا؟ لَّا، عمَّارْص!

أيث-روما 6:2

لَّا، عمَّارْص! نشِّين نمُّوْث-اَس إِ ڒْمُعْصِيّث، ئِخصَّا-يَانغ ڒخُّو وَار نتْسِيغِي شَا أَ نْعِيش ذَايس.

أيث-روما 7:13

إِيوَا، مَا يذْوڒ مِين يصبْحَان ذ سَّبَاب إِي زِي غَا مّْثغ نش؟ لَّا، عمَّارْص! لْعَكْس، ذ ڒْمُعْصِيّث إِي يݣِّين مَانَاينِّي، ثسْخدَّام مِين يصبْحَان حمَا اَذَايِي ثْنغ. مَايمِّي؟ حمَا اَذ تسْمظْهَار يخف نّس نتَّاث ذ ڒْمُعْصِيّث. ثُمَّا س لْفُرْصَا ن ڒُوْصِيّث-أَ ڒْمُعْصِيّث ثسْمظْهَار-د بْڒَا ڒَاحدّ مشْحَاڒ يقْبح شَّرّْ نّس.

أيث-روما 7:7

إِيوَا مِين غَا نِينِي؟ مَا شَّرِيعَا ن مُوْسَى نتَّاث س يِيخف نّس ذ يجّن ن ڒْمُعْصِيّث؟ لَّا، عمَّارْص! مَعْلِيك شَّرِيعَا وَار ثدْجِي، أَتَاف وَار سِّينغ مِين ثعْنَا ڒْمُعْصِيّث. مَعْلِيك وَار ذَايس ڒُوْصِيّث نِّي <وَار عشّق>، أَتَاف وَار سِّينغ مِين يعْنَا وعشَّاق.

1 أيث-كورينث 11:3

وَلَكِن خْسغ اَكنِّيو سْفهْمغ مْلِيح قَا اَزدْجِيف ن مْكُڒ اَرْيَاز نتَّا ذ لْمَسِيح أُو ذ نتَّا إِݣ يتْرَايَان. أَزدْجِيف ن مْكُڒ ثَمْغَارْث نتَّا ذ اَرْيَاز أُو ذ نتَّا إِݣ يتْرَايَان. أَزدْجِيف ن لْمَسِيح نتَّا ذ أَربِّـي أُو ذ نتَّا إِݣ يتْرَايَان.

1 أيث-كورينث 12:27

فَا كنِّيو ذ دَّات-أَ يعْنِي ذ جْمَاعث ن لْمَسِيح، كُڒ يجّن زَّايْوم ذ يجّن طَّارْف زَّايس.

1 أيث-كورينث 6:13

أَذ يِينِي يجّن: "إِيوَا لْمَكْلَا ن وعدِّيس، أَعدِّيس ن لْمَكْلَا." وَلَكِن أَربِّـي اَثن يهْذم س ثْنَاين إِذْسن. دَّات مَاشِي ن لْفَسَاد، دَّات نتَّاث ن سِيذِيثْنغ. أُو سِيذِيثْنغ يتْذبَّر إِ دَّات.

1 أيث-كورينث 6:17

وَلَكِن ونِّي يمُوْنن اَكذ سِيذِيثْنغ اَذ يذْوڒ ذ يج ن اَرُّوْح اَكِذس.

1 أيث-كورينث 6:19

نِغ مَا وَار ثسِّينم دَّات نْوم نتَّاث ذ ثَمْزِيذَا ن اَرُّوْح يقدّْسن إِݣ يزدّْغن ذَايْوم؟ إِيوَا غَارْوم اَرُّوْح-أَ زِي أَربِّـي. كنِّيو وَار تْرَايِيم شَا خ يِيخف نْوم

1 أيث-كورينث 6:3

مَا وَار ثسِّينم شَا بلِّي أَ نحْكم خ لْمَلَائِكَاث؟ إِيوَا أُو لَابُد أَ نحْكم خ ثْمسْڒَايِين ن ثُوْذَارْث-أَ!

أيث-ݣلاطيا 2:17

فَا نشِّين نْرزُّو أَ نمْصْڒَاح اَك أَربِّـي س لْإِيمَان زِي لْمَسِيح. مڒَا س مَانَايَا منْبَعْد نُوْفَا يخف نّغ اَم ڒݣْنُوْس يعصَّان زَعْمَا، مَا اَتَاف لْمَسِيح يتْشجَّاع-اَنغ غَار ڒْمُعْصِيّث؟ لَّا، عمَّارْص!

أيث-ݣلاطيا 3:21

إِذن شَّرِيعَا ن مُوْسَى، مَا تْعَارَّاض لْوُعُوْد ن أَربِّـي؟ لَّا وَالُو! شُوْف، مَعْلِيك ثمُّوْش شَان شَّرِيعَا يتِيشّن ثُوْذَارْث إِ بْنَاذم، أَتَاف اَذَانغ ثَارّ نِيشَان اَك أَربِّـي شَّرِيعَا نِّي.

أيث-ݣلاطيا 6:14

وَلَكِن نش عمَّارْص اَذ فْتَخَارغ إِلَّا زِي صَّلِيب ن سِيذِيثْنغ عِيْسَى لْمَسِيح. زِي صَّلِيب نّس إِي زِي ثتْوَاصلّب دُّنشْت إِ نش، أُو زَّايس عَاوذ نش إِي زِي تْوَاصلّْبغ إِ دُّنشْت.

أيث-ؤفسوس 4:12

نِثْنِي اَذ سْوجْذن إِ صَّالِحِين اَذ خذْمن شّْغڒ ن أَربِّـي بَاش جْمَاعث ن لْمَسِيح اَذ تجْهذ.

أيث-ؤفسوس 5:23

ڒَاحقَّاش اَرْيَاز يتْرَايَّا خ ثمْغَارْث نّس مَامْش عَاوذ يتْرَايَّا لْمَسِيح خ جْمَاعث ن ڒْمُوْمِنِين. جْمَاعث-أَ يسنْجمْ-يت لْمَسِيح أُو ذ نتَّاث إِݣ يدْجَان ذ دَّات نّس.

أيث-ؤفسوس 5:30

لِأَنَّا نشِّين ذ طْرُوْفَاث ن دَّات نّس.

أيث-كولوس 2:19

بْنَاذم نِّي يسخْصَار لْعَلَاقَا اَك ونِّي يتْرَايَّان ذ اَزدْجِيف. أَزدْجِيف نِّي نتَّا يتْدبَّار إِ دَّات نّس اَمن-ثكْمَاڒ وَامِي نتَّاث ثْمُوْن س يپُـوْرْصُوْثن ذ ڒمْفَاسڒ نّس بَاش دَّات اَذ تمْغَر عْلَاحْسَاب مِين يخس أَربِّـي اَذ تمْغَر.