1 أيث-كورينث 5:11 - ثريفيث 2020

¹¹ لَّا، وَلَكِن ڒخُّو نش ؤُرِيغ-اَوم-د بَاش وَار تْعَشَارم شَا ڒْمُوْمن ونِّي يقَّارن قَا نش ذ ؤُمَاش وَلَكِن نتَّا يتݣّ لْفَسَاد نِغ ذ اَضمَّاع نِغ يعبّذ لْأَصْنَام نِغ يقَّار ڒْبَاطڒ نِغ يسسّ اَطَّاس ن شّْرب نِغ ذ اَغشَّاش. ئِجّن اَم وَانِيتَا، وَار تتّم شَا اَكِذس قَاع.

1 أيث-كورينث 5:11 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 18:17

وَلَكِن مڒَا يُوْݣِي اَغَارْسن يصنّط، ئِنِي-ث إِ جْمَاعث ن ڒْمُوْمِنِين. أُو مڒَا يُوْݣِي اَغَارْسن يصنّط، حْسب-يث ذ ڒْكَافر نِغ ذ اَخدَّاع.

أَسڒْمذ ن سِيذِيثْنغ عِيْسَى لْكِتَاب ن مَتَّى 23:25

يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنَافِقِين! كنِّيو ثْسِيرِيذم مْلِيح ڒْكَاس ذ طبْصِي غَار بَارَّا، وَلَكِن غَار ذَاخڒ اَقَا شُّوْرن س ثُوْكَّارْذَا ذ طّْمَع!

لوقا 18:11

ئِبدّ وفَرِّيسِي نِّي يتْࢲَدْجَا ذِي نّفْس نّس ينَّا: يَا أَربِّـي تْشكَّرغ-شك، مِينْزِي وَار دْجِيغ شَا اَم يِوْذَان نّغْنِي يدْجَان ذ يخوَّانن نِغ ذ يِنِّي وَار يدْجِين شَا نِيشَان نِغ ذ يِنِّي يزنَّان نِغ اَم وَانِيتَا إِݣ يجمّْعن ضَّرِيبَا!

لوقا 21:34

مَا ثخْسم اَذ تشّم ؤُڒ نْوم؟ حْضَاث يخف نْوم زِي لْمَدّْلَا ن سّكْرَا ذ وَاطَّاس ن شّْرب ذ ڒهْمُوْم ن دُّنشْت-أَ. قَا اَذ د يَاس نْهَار نِّي اَنݣَّارُو عْلَاغَفْلَا اَم يِجّن ن ثخْشفْث.

ڒخذايم 1:15

ذݣ وُوْسَّان نِّي يكَّر بُطْرُس يبدّ ذِي ڒْوسْط ن ڒْمُوْمِنِين (ذِنِّي شَان مِيَّا أُو عِشْرِين إِذْسن) ينَّا-ٱسن:

ڒخذايم 9:17

ئِرُوْح أَنَاس يُوْذف ثَدَّارْث نِّي يسرْس يفَاسّن نّس خ شَاوُل ينَّا-ٱس: "آي ؤُمَا شَاوُل، نش قَا يسّكّ-اَيي-د سِيذِيثْنغ عِيْسَى، ونِّي إِي ذَاش د يمظْهَارن ذݣ وبْرِيذ نِّي إِي د ثُوْوِيذ. ئِسّكّ-اَيي-د غَارك حمَا اَذ تْذوْڒذ تْوَاڒِيذ اَذ تشَّارذ س أَرُّوْح يقدّْسن."

أيث-روما 13:13

ئِتخصَّا لَابُد أَ نُوْيُوْر س لْإِحْتِرَام اَم ونِّي يݣُّوْرن ذِي ثْفَاوْث ن نْهَار. وَار نْتݣّ شَا لْمَدلَّا ن سّكْرَا ذ وَاطَّاس ن شّْرب ذ لْفَسَاد ذ ڒقْبَاحْث ذ ومنْغِي ذ ڒحْسذ.

أيث-روما 16:17

آي اَيثْمَا، تتَّارغ زَّايْوم اَذ تحْضَام يخف نْوم زݣ يِنِّي يفرّْقن ڒْمُوْمِنِين خ وَايَاوْيَا تݣّن-اَوم مِين يسفْشِيڒن، يعْنِي ضد ثْغُوْرِي نِّي إِي ثْڒمْذم كنِّيو. بعّْذث خَاسن خ يِيْنَا.

1 أيث-كورينث 10:14

س مَانَاينِّي آي يمْعِيزّن ينُو، اَروْڒث زِي لْأَصْنَام.

1 أيث-كورينث 11:21

مَايمِّي؟ لِأَنَّا كُڒ يجّن مِين يتݣّ: ئِجّن يتْرَاح يتتّ وَاهَا بْڒَا مَا ٱذ يرَاجَا ونِّي نّغْنِي، ئِجّن يدْجُوْز، ئِجّن يسسّ اَطَّاس ن وَامَان وضِيڒ.

1 أيث-كورينث 5:13

لْكُفَّار غَار بَارَّا اَخَاسن يحْكم أَربِّـي. صَافِي، مَامّش يقَّار لْكِتَاب: <سُوْفْغث خَاوم بْنَاذم اَعفَّان.>

1 أيث-كورينث 6:10

ذ يشفَّارن، ذ يضمَّاعن، ذ يِنِّي يسسّن اَطَّاس ن شّْرب، ذ يِنِّي يقَّارن ڒْبَاطڒ، ذ يغشَّاشن وَار تْوَارَاثن شَا ڒْمُلْك ن أَربِّـي.

1 أيث-كورينث 6:6

وَلَكِن مَاشِي مْلِيح اَوْمَاثن تمْشَرَّاعن اَك وَايَاوْيَا زَّاث إِ يِنِّي وَار يُوْمِينن شَا.

1 أيث-كورينث 6:9

مَا وَار ثسِّينم شَا بلِّي يِنِّي وَار يُوْمِينن شَا وَار زْمَّرن اَذ وَارْثن ڒْمُلْك ن أَربِّـي؟ وَار خدّْعم شَا يخف نْوم. يِنِّي يتݣّن لْفَسَاد، ذ يِنِّي يعبّْذن لْأَصْنَام، ذ يِنِّي يزنَّان، ذ يحَنْجِيرن يفسّْذن اَك يرْيَازن، ذ يرْيَازن يفسّْذن اَك يرْيَازن،

1 أيث-كورينث 7:12

فَا يِنِّي نّغْنِي، قَّارغ-اَسن نش (يعْنِي وَار ت يقَّار شَا سِيذِيثْنغ، غِير نش): مڒَا شَان ؤُمَاثْنغ غَارس ثَمْغَارْث مَاشِي ذ ڒْمُوْمنَا ثقْبڒ اَكِذس ثْعِيش، ممْنُوْع اَذَاس يدْجف.

1 أيث-كورينث 7:15

إِنَّمَا، ونِّي نِغ ثنِّي وَار يُوْمِينن شَا مڒَا يسْمح، صَافِي اَذ يسْمح. يعْنِي ڒْمُوْمن-أَ ذ ڒْمُوْمنَا-يَا غَارْسن لْحُرِّيَا س ظُرُوْف-أَ لِأَنَّا يڒَاغَا-يَاوم-د أَربِّـي اَذ تْعِيشم ذِي ڒهْنَا.

1 أيث-كورينث 8:11

أُو س ثُوْسْنَا-يَا نّش زَعْمَا اَذ تْدمَّرذ ؤُمَاثْنغ وَانِيتَا يضعْفن إِي خف يمُّوْث لْمَسِيح.

أيث-ݣلاطيا 2:12

مِين يعْنَا لْغَالط نِّي؟ أَقَا قْبڒ مَا ٱذ د يَاس يجّن ن ڒْحِزب يعْنِي شَان يِوْذَان زِي يَعْقُوْب تُوْغَا بُطْرُس يتتّ اَك ڒْمُوْمِنِين يدْجَان ذ ييُوْنَانِيْين. وَلَكِن وَامِي د يُوْسَا ڒْحِزب نِّي، ئِبْذَا بُطْرُس يتْبعَّاذ خ ييُوْنَانِيْين نِّي ينعْزڒ خَاسن. مَايمِّي؟ لِأَنَّا يݣّْوذ زِي ڒْحِزب نِّي يعْنِي ن طَّهَارث.

أيث-ؤفسوس 5:18

وَار سْكَرث شَا س شْرب إِݣ يتَاوِين غَار لْمَدلَّا ن سّكْرَا؛ لَّا، شَّارم س أَرُّوْح يقدّْسن.

أيث-ؤفسوس 5:5

لِأَنَّا ونِّي يتݣّن لْفَسَاد نِغ ذ مِين يسخْنِيزن نِغ ذ مِين يسظْمَاعن، يعْنِي نتَّا ذ ونِّي يعبّْذن لْأَصْنَام، أَقَا تسّْنم بْڒَا شّكّ بلِّي مَارَّا يِنِّي يتݣّن مَانَايَا وَار غَارْسن بُو لْوَارث ذِي ڒْمُلْك ن لْمَسِيح نِغ ذِي أَربِّـي.

أيث-كولوس 3:5

خ مَانَايَا نْغث مِين يدْجَان ذَايْوم ذِي طَّبِيعَا نْوم ن دُّنشْت-أَ يعْنِي لْفَسَاد ذ مِين يخنْزن ذ شّهْوث ذ ڒْخَاضَر اَعفَّان ذ طْمَاع إِݣ يدْجَان نتَّا اَم لْعِبَادَا ن لْأَصْنَام.

2 أيث-سلونيك 3:14

ونِّي وَار يتْطِيعِين شَا إِ وَاوَاڒ نّغ ذِي ثبْرَات-أَ ݣّم-ث ذِي ڒْبَاڒ نْوم، وَار كِذس ݣُوْرم شَا بَاش اَذ يسذْحَا.

2 أيث-سلونيك 3:6

فَا آي أَيثْمَا، نتْوصَّا-كنِّيو عْلَاحْسَاب يسم ن سِيذِيثْنغ عِيْسَى لْمَسِيح اَذ تْبعّْذم زِي مْكُڒ ڒْمُوْمن يتْبَاعن فَرْق-شّْغڒ، نتَّا وَار يذفَّار شَا تَّعْلِيم إِي ثْقبْڒم زَّايْنغ.

1 تيموتاوس 3:3

ئِتْخصَّا وَار يتݣّ شَا لْمَدلَّا ن سّكْرَا، وَار يشِّيث شَا اَذ يِيڒِي تْرَانْكِيڒ. ئِتْخصَّا وَار يتْمنْغِي شَا س وَاوَاڒ، وَار يظمّع شَا ذِي تْمنْيَاث.

1 تيموتاوس 6:5

يرْيَازن-أَ تْهوَّاڒن جَارَاسن س ڒَعْقُوْڒَاث نْسن يعوّْجن ثْودَّر-اَسن لْحَقِيقَا. تْفكَّرن بلِّي لْإِيمَان ذ يجّن ن وبْرِيذ بَاش اَذ ربْحن تْمنْيَاث.

2 يوحنا 1:10

ونِّي إِي غَارْوم د يتَاسن وَار د يتِيوِي اَكِذس تَّعْلِيم-أَ، ئِتْخصَّا-كنِّيو وَار ث ثْسِيذِيفم شَا غَار ثُوْذْرِين نْوم وَار ذَاس ثقَّارم شَا حتَّا ؤُڒَا ذ أَزُوْل.

لواحي ن يوحنا 2:14

وَلَكِن عيّْبغ خَاش شَان ثْمسْڒَايِين وَامِي اَكِذش شَان يوْذَان إِي تْبَاعن تَّعْلِيم ن بَلْعَام. نتَّا تُوْغَا يسْڒمَاذ-اَس إ بَارَاك مَامّش غا يݣّ ثَخْشبْث إِ اَيث-إِسْرَائِيل بَاش اَذ شّن دْبِيحث يتْقدَّامن إِ لْأَصْنَام اَذ فسْذن.

لواحي ن يوحنا 2:20

وَلَكِن عيّْبغ خَاش وَامِي ثجِّيذ إِزَابِيل ثَمْغَارْث تَارَّا يخف نّس ذ نَّبِـيَا. ثْخدّع لْعِبَاد ينُو، ثْسڒْمَاذ-يثن اَذ فسْذن، أَذ شّن زِي دْبِيحث يتْقدَّامن إِ لأَصْنَام.

لواحي ن يوحنا 21:8

وَلَكِن شّْمَايث ذ يِنِّي وَار يُوْمِينن شَا ذ يِنِّي يدْجَان ذ يعفَّانن ذ يِنِّي ينقّن يوْذَان ذ يِنِّي يفسّْذن ذ يسحَّارن ذ يِنِّي يعبّْذن لْأَصْنَام ذ مَارَّا يِنِّي يسْخرِّيقن قَا اَمْشَان نْسن اَذ يِيڒِي ذِي ڒبْحَر يرقّن س ثْمسِّي ذ ڒكْبْرِيْيث. قَا ثنِّي ذ ڒْموْث وِيس ثْنَاين."

لواحي ن يوحنا 22:15

غَار بَارَّا ن ثنْدِينْت دْجَان ذِنِّي يقْزِينن ذ يسحَّارن ذ يِنِّي يفسّْذن ذ يِنِّي ينقّن يوْذَان ذ ينِّي يعبّْذن لْأَصْنَام ذ مَارَّا يِنِّي يسْخرِّيقن إِي تْحِبَّان يخَرِّيقن.