1 أيث-كورينث 5:10 - ثريفيث 2020

¹⁰ وَلَكِن تُوْغَا وَار سِّيوِيڒغ شَا خ لْكُفَّار ن دُّنشْت-أَ يِنِّي يتݣّن لْفَسَاد نِغ ذ يضمَّاعن نِغ ذ يغشَّاشن نِغ ذ يِنِّي يعبّْذن لْأَصْنَام. مَعْلِيك اَمنِّي اَذ يِيڒِي لَابُد اَذ تفّْغم زِي دُّنشْت-أَ قَاع.

1 أيث-كورينث 5:10 ပူးပေါင်းရင်းမြစ်များ

لوقا 18:11

ئِبدّ وفَرِّيسِي نِّي يتْࢲَدْجَا ذِي نّفْس نّس ينَّا: يَا أَربِّـي تْشكَّرغ-شك، مِينْزِي وَار دْجِيغ شَا اَم يِوْذَان نّغْنِي يدْجَان ذ يخوَّانن نِغ ذ يِنِّي وَار يدْجِين شَا نِيشَان نِغ ذ يِنِّي يزنَّان نِغ اَم وَانِيتَا إِݣ يجمّْعن ضَّرِيبَا!

يوحنا 15:19

مَعْلِيك كنِّيو زِي دُّنشْت-أَ، إِڒِي كنِّيو ثْعِيزّم خ دُّنشْت-أَ. وَلَكِن كنِّيو وَار ثدْجِيم شَا زِي دُّنشْت. نش يخْضَرغ-كنِّيو زِي دُّنشْت-أَ، س مَانَاينِّي تْعِيفَّا-كنِّيو دُّنشْت.

يوحنا 17:6

سْبيّْنغ-د يسم نّش إِ يمحْضَارن-أَ إِي ذَايِي ثُوْشِيذ زِي دُّنشْت-أَ. شك ثدْجِيذ ذ بَاب نْسن قْبڒ، ثُوْشِيذ-اَيِي-ثن، قَا طَاعن إِ وَاوَاڒ نّش.

يوحنا 17:9

تتَّارغ عْلَاحْسَاب إِ نِثْنِي. وَار تتَّارغ شَا عْلَاحْسَاب إِ دُّنشْت-أَ؛ لَّا، تتَّارغ عْلَاحْسَاب إِ يِنِّي إِي ذَايِي ثُوْشِيذ مِينْزِي نِثْنِي نّش.

يوحنا 8:23

ينَّا-ٱسن عِيْسَى: "كنِّيو زݣ وَادَّاي يعْنِي زِي ثْمُوْرْث، نش زݣ وجنَّا. كنِّيو زِي دُّنشْت-أَ، نش وَار دْجِيغ شَا زِي دُّنشْت-أَ.

1 أيث-كورينث 1:20

ونِّي يتفْهَامن زَعْمَا، ڒخُّو مَانِي يدْجَا؟ أَمْسڒْمَاذ ن شَّرِيعَا زَعْمَا، ڒخُّو مَانِي يدْجَا؟ لْفِيْلَسُوْف ن ڒْوقْث-أَ زَعْمَا، ڒخُّو مَانِي يدْجَا؟ يَاك أَربِّـي يسْبُوْهڒِي ڒفْهَامث ن يِوْذَان ن دُّنشْت-أَ ثَانِيتَا؟

1 أيث-كورينث 10:27

مڒَا شَان يِجّن مَاشِي ذ ڒْمُوْمن يعَرض-يكنِّيو بَاش اَذ تشّم اَكِذس أُو كنِّيو ثْرزُّوْم اَذ تْرَاحم، شّث مِين مَا ثُوْفِيم سرْسن-ت زَّاث نْوم وَار تْسقْسَام شَا، جّث ضَّمِير نْوم مَرْتَاح.

1 أيث-كورينث 5:11

لَّا، وَلَكِن ڒخُّو نش ؤُرِيغ-اَوم-د بَاش وَار تْعَشَارم شَا ڒْمُوْمن ونِّي يقَّارن قَا نش ذ ؤُمَاش وَلَكِن نتَّا يتݣّ لْفَسَاد نِغ ذ اَضمَّاع نِغ يعبّذ لْأَصْنَام نِغ يقَّار ڒْبَاطڒ نِغ يسسّ اَطَّاس ن شّْرب نِغ ذ اَغشَّاش. ئِجّن اَم وَانِيتَا، وَار تتّم شَا اَكِذس قَاع.

1 أيث-كورينث 5:9

تُوْغَا ؤُرِيغ-اَوم-د ذِي ثبْرَات نِّي ينُو وَار تْعَاشَرث شَا يِنِّي يتݣّن لْفَسَاد.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

أيث-ؤفسوس 2:2

ذَايْسنْت إِي تُوْغَا تْعِيشم خْمِي ثݣُّوْرم ذݣ وبْرِيذ ن دُّنشْت-أَ ثْذفَّارم اَرَّايس ن ڒحْكَام إِي يدْجَان جَار وجنَّا ذ ثْمُوْرْث يعْنِي شِّيطَان إِي يدْجَان نتَّا ذ اَرُّوْح نِّي إِݣ يخدّْمن ذݣ يِنِّي إِي يعصَّان أَربِّـي.

أيث-فيليـپـي 2:15

أَمُّو اَذ تِيڒِيم بَرِئِن بْڒَا ڒْعِيب ذِي ڒْوسْط ن يِوْذَان ن ڒْوقْث-أَ يعوّْجن يخَروْضن. ذَايْسن إِي ثْرقّم اَم يِيثْرَان ذِي دُّنشْت-أَ خْمِي ذَاسن تْقدَّامم اَوَاڒ ن ثُوْذَارْث. أَمنِّي اَذ فْتَخَرغ ذِي نْهَار نِّي ن لْمَسِيح نش وَار ؤُزِّيڒغ شَا وَار خْذِيمغ شَا ذِي ڒْخَاوِي وَاهَا.

1 يوحنا 4:5

نِثْنِي زِي دُّنشْت-أَ. فَالِيهَذَا سَّاوَاڒن س ڒَعْقُوْڒَاث نْسن ن دُّنشْت-أَ وَاهَا، ئِوْذَان ن دُّنشْت-أَ تْصنَّاطن-اَسن.

1 يوحنا 4:7

آي يمْعِيزّن ينُو، أُو لَّابُد أَ نْتخْس اَيَوْيَا ڒَاحقَّاش ڒمْحِبّث تكَّا-د زِي أَربِّـي. ونِّي يتخْسن نتَّا يخْڒق-د زِي أَربِّـي يسّن أَربِّـي.

1 يوحنا 5:19

نسّن إِلَّا نشِّين زِي أَربِّـي، نسّن عَاوذ مَارَّا دُّنشْت-أَ اَقَات سْوَادَّاي إِ ثْزمَّار ن لْمُفْسِيد.

لواحي ن يوحنا 12:9

ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.