1 أيث-كورينث 4:5 - ثريفيث 2020

⁵ خ مَانَايَا وَار قَّارم وَالُو خ ڒْحُكم قْبڒ ڒْوقْث، يعْنِي قْبڒ إِي د غَا يَاس سِيذِيثْنغ. ذ نتَّا إِي غَا يسْبيّنن ثِمسْڒَايِين نِّي غَار نُّوْر ڒخُّو نُوْفَّرنْت ذِي ثَادْجسْت، أَذ د يسْمظْهَار كُڒ لْغَرَض ن يِوْذَان إِي غَارْسن ذݣ وُوْڒَاون نْسن. ڒخْدّنِّي كُڒ يجّن اَغَارس يِيڒِي وسمْغَار نّس زِي أَربِّـي.

1 أيث-كورينث 4:5 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:26

وَار تݣّْوْذم شَا زَّايْسن. مَارَّا مِين يتْوَاسْنُوْفَّرن اَذ د ينفْضح. مَارَّا مِين ينُوْفَّرن اَذ يتْوَاسّن!

أَسڒْمذ ن سِيذِيثْنغ عِيْسَى لْكِتَاب ن مَتَّى 24:30

أُوْشَا اَذ تْمظْهَار لْعَلَامَا ن مِّيس ن بْنَاذم ذݣ وجنَّا، ڒخْدّنِّي إِي غَا حزْننْت مَارَّا ثِقبَّاڒ ن ثْمُوْرْث. أَذ ࢲرنْت مِّيس ن بْنَاذم يهوَّا-د ذݣ وسيْنُو ن وجنَّا س لْعَظَمَا ذ جّْهذ نّس يمْغَارن.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:46

سَّعْذ ن وخدَّام نِّي، خْمِي د غَا يذْوڒ سِيذس اَث يَاف يخدّم.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:21

ينَّا-ٱس سِيذس: ثݣِّيذ مْلِيح آي اَخدَّام اَصبْحَان، شك ذَايك ڒَامَان. ذَايك ڒَامَان خ ذْرُوْس، ڒخُّو اَش كلّْفغ خ وَاطَّاس. أَذف اَذ تْفَرْحذ اَك سِيذش.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:23

ينَّا-ٱس سِيذس: ثݣِّيذ مْلِيح، آي اَخدَّام اَصبْحَان، شك ذَايك ڒَامَان. ذَايك ڒَامَان خ ذْرُوْس، ڒخُّو اَش كلّْفغ خ وَاطَّاس. أَذف اَذ تْفَرْحذ اَك سِيذش.

لوقا 6:37

وَار تْعيَّابم حَدّ حمَا وَار كنِّيو يتْعيِّيب شَا أَربِّـي. وَار تْزَاوَاڒم حَدّ حمَا وَار كنِّيو يتْزَاوَاڒ شَا أَربِّـي. سمْحم إِ يِوْذَان، أَذَاوم يغْفَر أَربِّـي.

يوحنا 21:22

ينَّا-ٱس عِيْسَى إِ بُطْرُس: "نش مڒَا خْسغ وِيْن اَذ يدَّر اَڒ غَا د ذوْڒغ، وَار ذَاش يرُوْح بُو ڒْحَاڒ. شك ذْفَار-اَيِي-د!"

يوحنا 21:23

سّنِّي يفّغ ڒخْبَار غَار وَاوْمَاثن قَّارن: <أَمحْضَار-أَ وَار يتْمتِّي شَا.> وَلَكِن ذ صَّح عِيْسَى وَار يِينِّي شَا بلِّي اَمحْضَار-أَ وَار يتْمتِّي شَا. مِين ينَّا؟ ينَّا-ت اَمُّو: <نش مڒَا خْسغ وِيْن اَذ يدَّر اَڒ غَا د ذوْڒغ، وَار ذَاش يرُوْح بُو ڒْحَاڒ.>

يوحنا 5:44

مَامّش غَا ثݣّم اَذ تَامْنم؟ إِيوَا كنِّيو تخْسم لْعَظَمَا ن وَايَاوْيَا، وَار ثْرزُّوْم شَا خ لْعَظَمَا ن أَربِّـي اَوحْذَانِي.

أيث-روما 14:4

شك مِين ثعْنِيذ بَاش اَذ تْعيّْبذ اَخدَّام ن مِيدّن؟ ئِنْجح نِغ وَار ينْجِيح، وَانِيتَا ذ شّْغڒ ن سِيذس. أُو ذ صَّح نتَّا اَذ ينْجح لِأَنَّا سِيذِي أَربِّـي يزمَّر اَث يسنْجح.

أيث-روما 2:1

إِذن آي اَرْيَاز، شك مڒَا تْعيَّابذ خ يِوْذَان، أَتَاف وَار غَارك بُو ڒْحَقّ مِين مَا ثعْنِيذ. لِأَنَّا خْمِي تْعيَّابذ خ شَان يِجّن، تْعيَّابذ خ يِيخف نّش، مَايمِّي؟ لِأَنَّا شك تݣّذ كِيف-كِيف مَامّش تݣّن نِثْنِي!

أيث-روما 2:16

ئِقَّار لْإِنْجِيل إِي زِي تْحدَّاثغ: مَانَايَا اَذ يِيڒِي ذِي نْهَار نِّي خْمِي غَا يحَاسب أَربِّـي خ وفُوْس ن عِيْسَى لْمَسِيح مَارَّا مِين ينُوْفَّرن ذݣ وُوْڒَاون ن يِوذَان.

أيث-روما 2:29

وَلَكِن اَئِسْرَائِيلِي يدْجَان ذ صَّح يتِيڒِي غَارس مَانَايَا غَار ذَاخڒ. أُو ذ طَّهَارث ن صَّح تِيڒِي ذݣ وُوْڒ س أَرُّوح ن أَربِّـي، وَار يدْجِي بُو س شَّرِيعَا. بْنَاذم-أَ وَار ث تْشكَّرن شَا يِوْذَان، ئِتْشكَّر-يث أَربِّـي.

أيث-روما 2:7

أَذَاسن يُوْش ثُوْذَارْث وَار يفنِّين شَا إِ يِنِّي يصبَّارن تݣّن لْحَسَانَاث، لِأَنَّا رزُّوْن خ لْهِمَّا ذ ؤُوقَّار ذ ثُوْذَارْث نِّي يتْدُوْمَان.

1 أيث-كورينث 1:7

س مَانَايَا وَار ذَاوم ثْنقِّيص ؤُڒَا ذ يجّن ن لْقُدْرَا رُوْحِيَا خْمِي تْرَاجَام اَذ د يمظْهَار سِيذِيثْنغ عِيْسَى لْمَسِيح.

1 أيث-كورينث 11:16

مڒَا ذِنِّي شَان يِجّن يرْزُو اَذ يمْغَانّن خ مَانَايَا، نشِّين وَار ننُّوْم شَا شَان لْعَادَا نّغْنِي، ؤُڒَا ذ ثِجُمَاع ن ڒْمُوْمِنِين ن أَربِّـي وَار نُّوْمنْت شَا شَان ڒْحَاجث نّغْنِي.

1 أيث-كورينث 11:26

مِينْزِي مڒْمِي مَا ثشِّيم زݣ ؤُغْرُوْم-أَ ثسْوِيم زِي ڒْكَاس-أَ، أَقَا تْخبَّرم س ڒْموْث ن سِيذِيثْنغ اَڒ د غَا يَاس.

1 أيث-كورينث 15:23

وَلَكِن كُڒ يجّن نُّوْبث نّس: لْمَسِيح نتَّا ذ ثَفدْجَاحْث ثَمزْوَارُوْت. خْمِي د غَا يعْقب نتَّا، أَذ د تَاس نُّوْبث ن يِنِّي يدْجَان زَّايس نتَّا.

1 أيث-كورينث 3:14

ونِّي يبْنَان خ دْسَاس-أَ ڒْخذْمث نّس نِيشَان وَار ت تتّ شَا ثْمسِّي، أَتَاف اَث يجَازَا.

1 أيث-كورينث 3:8

فَا ونِّي يتࢲُّوْن ذ ونِّي يسسَّاون ڒْخذْمث نْسن ذ يجّن، كُڒ يجّن اَث يجَازَا عْلَاحْسَاب ڒْخذْمث نّس.

22 أيث-كورينث 10:18

لِأَنَّا مَاشِي ونِّي يتْقدَّامن يخف نّس إِي غَا يتْوَاقبّْڒن؛ لَّا، ونِّي إِي غَا يتْوَاقبّْڒن ذ سِيذِي أَربِّـي إِي ث غَا يقدّْمن.

22 أيث-كورينث 10:9

وَار خْسغ شَا اَذَاوم تْغِيڒ بلِّي نش اَكنِّيو سِيݣّْوْذغ س ثبْرَاثِين ينُو.

22 أيث-كورينث 4:2

نشِّين نتْبعَّاعذ خ ثْمسْڒَايِين ن ڒفْضِيحث إِݣ يتْوَاخدّْمن س ثْنُوْفْرَا. وَار نسْخدِّيم شَا ثَحْرَايْمِيث، وَار نتْحرِّيف شَا اَوَاڒ ن أَربِّـي. نشِّين زَّاث إِ أَربِّـي نْسڒْمَاذ لْحَقِيقَا بْڒَا مَا اَت نسْنُوْفَّر. أَمُّو غَارْسن مَارَّا يوْذَان ذِي ضَّمِير نْسن بلِّي ذَايْنغ تِّقث.

22 أيث-كورينث 5:10

لِأَنَّا لَابُد أَ نْبدّ مَارَّا إِذْنغ زَّاث إِ لْعَرْش ن لْمَسِيح مَانِي إِي غَا نتْوَاحْكم. كُڒ يجّن اَث يجَازَا خ مِين يسْذَاهدْج عْلَاحْسَاب ثِمسْڒَايِين نِّي إِݣ يݣَّا وَامِي يزْذغ ذِي دَّات، ذ ثِصبْحَانِين نِغ ذ ثِعفَّانِين.

1 أيث-سلونيك 5:2

أَقَا ثسّْنم مْلِيح بلِّي يُوْم ن سِيذِيثْنغ اَذ د يَاس اَم د يُوْسَا يج وشفَّار س دْجِيڒث.

يعيبرانيين 4:13

وَار ذِنِّي ؤُڒَا ذ يجّن ن ثْمسْڒَايْث زِي مِين د يتْوَاخڒْقن ثْنُوْفَّار زِي أَربِّـي. قَاع ثِمسْڒَايِين تْوَافضْحنْت-يد تْوَاظْهَارنْت-يد إِ ثِيطَّاوِين ن ونِّي ؤُمِي غَا نُوْش ڒحْسَاب نّغ.

ثبرات غار يعقوب 4:11

آي أَيثْمَا، وَار قَّارث بُو ڒْبَاطڒ خ وَايَاوْيَا. مِينْزِي ونِّي يقَّارن ڒْبَاطڒ خ وُوْمَاس نِغ يتْعيَّاب-يث، أَتَاف يقَّار ڒْبَاطڒ خ شَّرِيعَا يتْعيَّاب-يت. خْمِي تْعيَّابذ شَّرِيعَا اَتَاف شك وَار زَّايس ثخدّْمذ شَا؛ لَّا، أَتَاف شك ذ ڒْقَاضِي نّس وَاهَا.

ثبرات غار يعقوب 5:7

آي أَيثْمَا، صْبَارث اَڒ د غَا يَاس سِيذِيثْنغ. خْزَرث غَار وفدْجَاح مَامّش يتْرَاجَا ثَفدْجَاحْث ن ثْمُوْرْث نّس، ئِتْرَاجَا-ت س يِجّن ن صّْبَار اَڒ غَا يُوْوث ونْࢲَار اَمزْوَارُو ذ ونِّي اَنݣَّارُو.

ثبرات غار يعقوب 5:9

آي أَيثْمَا، وَار سَّاوَاڒث شَا ذݣ وَايَاوْيَا حمَا وَار تْوَاعِيقِيبم شَا؛ قَا ونِّي يتحْكَامن يبدّ-د غَار ثوَّارْث.

1 بطرس 1:7

ڒمْحَاين-أَ ؤُسِينْت-يد بَاش اَذ د سْمظْهَارنْت إِلَّا لْإِيمَان نْوم نتَّا اَقَاث ذ صَّح؛ نتَّا يسوَّا كْتَار زِي دّْهب إِݣ يفنَّان وَاخَّا يتْوَاسِّيصْفَا ذِي ثْمسِّي. حمَا لْإِيمَان نْوم اَث شكَّرن اَذَايس يِيڒِي شَّان ذ لْقِيمَا خْمِي د غَا يمظْهَار عِيْسَى لْمَسِيح.

1 بطرس 5:4

خْمِي د غَا يمظْهَار ؤُمكْسَاو اَمقّْرَان اَتَاف اَذ تْقبْڒم يجّن ن تَّاج عمَّارْص اَذ يكْشف.

2 بطرس 3:12

خْمِي تْرَاجَام إِ لْيُوْم ن أَربِّـي اَث تْسݣُّوْرم بَاش ذغْيَا اَذ د يَاس. نْهَار نِّي اَذ د يَاوِي ڒفْنَا ن يجنَّاثن س ثْمسِّي، أَذ تْوَامْحَان مَارَّا يثْرَان ذ ثْزِيرِي اَذ فسْين خْمِي غَا تْوَاسْشمْضن.

2 بطرس 3:4

أَذَاوم قَّارن قَا نتَّا يوْعذ اَذ د يذْوڒ، هِيوَا مَانِي يدْجَا؟ قَا زݣ وَامِي طّْصن ڒجْذُوْذ نّغ صَّالِحِين ذِي ڒْموْث قَاع ثِمسْڒَايِين-أَ ݣُّوْرنْت مَامش تُوْغَا ݣُّوْرنْت وَامِي د ثخْڒق دُّنشْت.

ثبرات زي يهوذا 1:14

فَا أَخْنُوْخ ونِّي إِݣ يدْجَان ذ اَيَّاو ن آدَم زِي جدِّيثْوم وِيس سبْعَا نتَّا يعْڒم يجّن ن وَاوَاڒ زِي أَربِّـي ينَّا-ث خ يثَرَّاسن-أَ: "خْزَرث، أَقَا يُوْسَا-د سِيذِيثْنغ س وَاڒَاف ن ؤُڒُوْفَاث ن يمْقدّْسن نّس

لواحي ن يوحنا 1:7

أَقَا يُوْسَا-د اَك وسيْنُو، أَث ࢲرنْت مَارَّا ثِيطَّاوِين ذ يِوْذَان نِّي إِي ث يشُوْكّن. أَخَاس حزْنن مَارَّا ڒْقُوْم ن ثْمُوْرْث. وَاه، آمين.

لواحي ن يوحنا 20:12

ࢲْرِيغ يمتِّينن بدّن زَّاث إِ لْعَرْش نِّي اَم ومزْيَان اَم ومقّْرَان. نُوْرْزْمن لْكُتُب، ئِنُوْرْزم يجّن ن لْكِتَاب نّغْنِي نتَّا ذ لْكِتَاب ن ثُوْذَارْث. تْوَاحَاسْبن يمتِّينن س مِين يُوْرِين ذِي لْكُتُب عْلَاحْسَاب ڒخْذَايم نْسن.