1 أيث-كورينث 4:12 - ثريفيث 2020

¹² نشَّاث تَمَارَا، نْخدّم س يفَاسّن نّغ. مڒَا نِثْنِي تْزبَّاڒن ذَايْنغ، نشِّين نتْبَرَّاك-يثن. مڒَا نِثْنِي تْعدَّابن-اَنغ، نشِّين نْصبَّر.

1 أيث-كورينث 4:12 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:11

سَّعْذ نْوم مڒَا تْزَوَارن-كنِّيو، عدّْبن-كنِّيو، نِغ نَّان ذَايْوم ڒْعِيب س يخَارِّيقن خ سَّبَاب ينُو.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:44

وَلَكِن قَّارغ-اَوم نش: خْسث ڒْعَذْيَان نْوم، تَّارث إِ أَربِّـي خ يِنِّي كنِّيو يتْعدَّابن،

لوقا 23:34

ينَّا عِيْسَى: "آ بَابَا، غْفَر يوْذَان-أَ قَا وَار سِّينن شَا مِين تݣّن." ڒْعَسْكَار نِّي ݣِّين لْقُرْعَا خ وَارُّوْض نّس حمَا كُڒ يجّن مِين غَا ييْسِي.

لوقا 6:28

بَرْكث ونِّي إِي كنِّيو ينعْڒن، تَّارث إِ أَربِّـي خ يِنِّي كنِّيو يتْعدَّابن.

يوحنا 15:20

فكَّرث ذݣ وَاوَاڒ إِي ذَاوم نِّيغ يعْنِي اَخدَّام وَار يدْجِي شَا ذ اَمقّْرَان زݣ ؤُوقَّاف نّس. مڒَا عدّْبن-اَيِي، أَتَاف اَكنِّيو عدّْبن. مڒَا سْڒِين إِ وَاوَاڒ ينُو، أَتَاف اَذ سْڒن عَاوذ إِ وَاوَاڒ نْوم.

ڒخذايم 20:34

كنِّيو ثسّْنم نش تُوْغَا خذْمغ س يفَاسّن ينُو بَاش اَغَارِي يِيڒِي مِين حْذَاجغ نش ذ مِين حْذَاجن يِنِّي اَكِذِي.

ڒخذايم 7:60

يوْضَا خ يفَادّن ينَّا-ٱس س جّْهذ: "آ سِيذِي، وَار خَاسن حسّب شَا ڒْمُعْصِيّث-أَ!" وَامِي ينَّا مَانَايَا صَافِي يفّغ-يث بُوْحْبڒ نّس.

أيث-روما 12:14

بَرْكث إِ يِنِّي كنِّيو يتْعدَّابن، بَرْكث وَار ثن نعّْڒم شَا.

أيث-روما 12:20

لْعَكْس: ڒَعْذُو نّش مڒَا يدْجُوْز، ؤُش-اَس اَذ يشّ. مڒَا يفُّوْذ، ؤُش-اَس اَذ يسو. أُو مَايمِّي؟ مڒَا ثݣِّيذ-اَس اَمُّو، أَخْمِي ثْسرْغذ-اَس ڒفْحَم خ وزدْجِيف نّس.

أيث-روما 8:35

وِي ذَانغ غَا يعزْڒن زِي ڒمْحِبّث ن لْمَسِيح؟ ؤُڒَا ذ يجّن! ڒَا ذ اَزيَّار، ڒَا ذ تَمَارَا، ڒَا ذ اَعدّب، ڒَا ذ بُوْهيُّوْف، ڒَا ذ ثُوْعَرْيَانْت، ڒَا ذ لْخَطَر، ؤُڒَا ذ سِّيف.

1 أيث-كورينث 9:6

مَا نش ذ بَرْنَابَا وَاحذْنغ إِي وَار غَار يدْجِي ڒْحَقّ ذِي شَّارْض، مَا يتْخصَّا-يَانغ إِ نشِّين أَ نخْذم ذِي شَان ڒْحَاجث نّغْنِي بَاش أَ نْعِيش؟

22 أيث-كورينث 11:8

نش جمْعغ تْمنْيَاث زِي ثْجُوْمَع نّغْنِي ن ڒْمُوْمِنِين قبْڒغ زَّايْسن مَانَاينِّي بَاش اَكِذْوم خذْمغ.

أيث-ؤفسوس 4:28

ونِّي إِݣ يتَاشَارن لَابُد اَذ يبعّذ زِي ثُوْكَّارْذَا نِّي، أَذ يخْذم يجّن ن ڒْخذْمث ذ ثَصبْحَانْت س يفَاسّن نّس بَاش اَذ يعَاون زَّايس ونِّي يتحْذَاجن.

1 أيث-سلونيك 2:9

آي أَيثْمَا، أَقَا ثْعقْڒم خ ڒْخذْمث نّغ قَا نشِّين نُوْوْثَا خَاس تَمَارَا. وَامِي كنِّيو نتْبشَّار س لْإِنْجِيل ن أَربِّـي، قَا نْخدّم دْجِيڒث ذ نْهَار بَاش وَار نتْبسِّيڒ شَا خ شَان حَدّ زَّايْوم.

2 أيث-سلونيك 3:8

وَار نشِّي بُو وغْرُوْم اَك حَدّ بَاطڒ. لَّا، نْخدّم دْجِيڒث ذ نْهَار، نشَّاث تَمَارَا نْربّڒ بَاش وَار نتْبسِّيڒ خ حَدّ زَّايْوم.

1 تيموتاوس 4:10

خ مَانَايَا نشِّين نْخدّم نربّڒ لِأَنَّا نݣَّا لْأَمَال نّغ ذِي أَربِّـي يدَّرن ونِّي يسنْجَامن مَارَّا يوْذَان خَاصَّتَان ذ يِنِّي يتَامْنن.

1 بطرس 2:23

وَامِي تُوْغَا خَاس تْبُوْصَارن، نتَّا وَار خَاسن د يَارِّي شَا اَبُوْصَار نْسن. وَامِي تُوْغَا ث تْعدَّابن، نتَّا وَار ثن يهدّذ شَا؛ لَّا، نتَّا يسلّم يخف نّس ذݣ يفَاسّن ن ونِّي يتحْكَامن نِيْشَان.

1 بطرس 3:14

وَلَكِن وَاخَّا ثتْوَاعدّْبم مڒَا ثݣِّيم ڒْحَقّ، أَذ يِيڒِي ذ سَّعْذ نْوم. وَار تݣّْوْذم شَا زݣ يِوْذَان، وَار ثن تجَّام شَا اَكنِّيو سْذهْشن.

1 بطرس 3:9

وَار تَارَّاث شَا شَّرّْ س شَّرّْ نّغْنِي نِغ ڒْعِيب س ڒْعِيب نّغْنِي. لَّا، بَرْكث ينّغْنِي، مَايمِّي؟ مِينْزِي يڒَاغَا-د خَاوم إِ مَانَايَا بَاش اَذ تْخَاڒْسم س يِجّن ن لْبَرَكَا.

1 بطرس 4:19

فَالِيهَذَا يِنِّي يتْوَاعدَّابن س اَرَّاي ن أَربِّـي، ئِتْخصَّا-يَاسن اَذ سلّْمن ڒَعْمَار نْسن ذݣ يفَاسّن ن لْخَالِق نْسن نتَّا إِي ذِي ثدْجَا تِّقث، أَذ قِّيمن تݣّن مِين يدْجَان ذ اَصبْحَان.

ثبرات زي يهوذا 1:9

وَلَكِن مِين يݣَّا لْمَلَاك اَمقّْرَان مِيْكَائِيل وَامِي يمْنغ اَك إِبْڒِيس يمْنَاقَر اَكِذس خ دَّات يمُّوْثن ن مُوْسَى؟ وَاخَّا ذ مِيْكَائِيل-أَ وَار يزْعِيم شَا اَذ يِينِي شَا ن وَاوَاڒ وَار يحْڒِين خ إِبْڒِيس، ينَّا-ٱس شك اَش ينْهَا سِيذِي أَربِّـي!