1 أيث-كورينث 3:5 - ثريفيث 2020

⁵ إِيوَا مِين يعْنَا أَپُــوْلُّوْس؟ مِين يعْنَا بُوْلُس؟ نشِّين ذ يخدَّامن وَاهَا، ثُوْمْنم خ وفُوْس نّغ مَامّش ذَانغ د يُوْشَا سِيذِي أَربِّـي أَ نخْذم.

1 أيث-كورينث 3:5 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:15

يُوْشَا-ٱسن عْلَاحْسَاب مِين ؤُمِي زمَّرن. يْجّن يَوْشَا-ٱس خمْسَاڒَاف ن ڒُوْزْنَاث ن نُّقَارْث. يْجّن يُوْشَا-ٱس اَڒفَاين. يْجّن يُوْشَا-ٱس اَڒَاف. سّنِّي يرُوْح نتَّا اَذ يسَفر.

لوقا 1:2

ؤُرِين نِيشَان عْلَاحْسَاب مَامْش ذَانغ خْبَرن ڒشْهُوْذ ذ يخدَّامن ن وَاوَاڒ ن أَربِّـي يدْجَان ذݣ ومزْوَارُو.

يوحنا 3:27

ينَّا-ٱسن يَحْيَى: "وَار يزمَّر بْنَاذم اَغَارس ثِيڒِي شَان ثْمسْڒَايْث مڒَا وَار ذَاس د تُوْسِي شَا زِي أَربِّـي.

ڒخذايم 18:24

ئِجّن ن ؤُئِسْرَائِيلِي قَّارن-اَس أَپُـوْلُوْس نتَّا يخْڒق ذِي ثنْدِينْت ن إِسْكَنْدَارِيَا، يُوْسَا-د غَار ثنْدِينْت ن ؤُفَسُوْس. نتَّا يفْسُوْس ذݣ وَاوَاڒ يغْرَا اَطَّاس ذِي لْكُتُب.

ڒخذايم 19:1

أَپُـوْلُوْس وَامِي يدْجَا ذِي ثنْدِينْت ن كُوْرِينْث ذِي لْإِقْلِيم ن ؤُخَايَا، ئِكَّر اَرَّسُوْل بُوْلُس يكَّا خ وبْرِيذ ن يذُوْرَار يُوْوض غَار ثنْدِينْت ن ؤُفَسُوْس. يُوْفَا ذِنِّي شَان يمحْضَارن

1 أيث-كورينث 12:28

ذِي جْمَاعث-أَ ن ڒْمُوْمِنِين يرتّب أَربِّـي ذ اَمزْوَارُو أَرُّسُل، وِيس ثْنَاين لْأَنْبِيَا، وِيس ثْڒَاثَا يمْسڒْمَاذن، منْبَعْد يِنِّي يسْخدَّامن لْمُعْجِيزَاث ذ يِنِّي غَار دْجَانْت لْقُدْرَاث بَاش اَذ سْݣنْفَان يوْذَان، ذ يِنِّي يتْعَاوَانن، ذ يِنِّي يتْكلَّافن س ڒْخذْمث، ذ يِنِّي يسَّاوَاڒن س ڒبْعَاض ن لُّغَاث رُوْحِيَاث.

1 أيث-كورينث 16:12

أُو عْلَاحْسَاب ؤُمَاثْنغ أَپُـوْلُّوْس، تَّارغ زَّايس اَطَّاس حمَا اَغَارْوم د يَاس اَك أَيثْمَاثْنغ نّغْنِي وَلَكِن نتَّا يُوْݣِي اَغَارْوم د يَاس ڒخُّو. أَغَارْوم د يَاس اَخْمِي اَغَارس ثِيڒِي يجّن ن لْفُرْصَا.

1 أيث-كورينث 3:10

نش عْلَاحْسَاب اَرْضَا إِي ذَايِي يُوْشَا أَربِّـي ݣِّيغ يجّن ن دْسَاس اَم يِجّن ن لمْعَلّم يفْسُوْس نتَّا. يُوْسَا-د يجّن نّغْنِي يبنَّا خ دْسَاس-أَ. وَلَكِن أُو لَابُد كُڒ يجّن اَذ يَارّ ڒْبَاڒ مَامّش غَا يبْنَا خ دْسَاس-أَ.

1 أيث-كورينث 3:7

ونِّي يتࢲُّوْن ذ ونِّي يسسَّاون نِثْنِي وَار دْجِين ذ وَالُو. ونِّي يدْجَان نتَّا ذ أَربِّـي يعْنِي نتَّا يسغْمَاين.

1 أيث-كورينث 9:17

مڒَا بشَّرغ س ڒْخَاضَر ينُو، أَتَاف اَذَايِي يجَازَا أَربِّـي. مڒَا وَار يدْجِي بُو س ڒْخَاضَر ينُو، يعْنِي اَتَاف تݣّغ يجّن ن لْمسْؤُلِيَا بزّز خَافِي وَاهَا.

22 أيث-كورينث 11:23

مڒَا نِثْنِي ذ يخدَّامن ن لْمَسِيح، ؤُڒَا ذ نش حْسن عَاذ ذ اَخدَّام ن لْمَسِيح (سَّاوَاڒغ زَعْمَا س ثُوْبُّوْهْڒِيَا-يَا). نش شَّاثغ تَمَارَا كْتَار زَّايْسن، حبّْسن-اَيِي كْتَار زَّايْسن، ؤُوْثِين-اَيِي س وسْغُوْن كْتَار زَّايْسن. نش مشْحَاڒ ن ثْوَاڒَاثِين تْوَاجَاهغ ڒْموْث.

22 أيث-كورينث 3:3

ثْبَانم-د بلِّي كنِّيو اَم يِجّن ن ثبْرَات زِي لْمَسِيح، نسِّيوض-يت نشِّين. وَار ثُوْرِي شَا س سْمخ، ثُوْرَا س أَرُّوْح ن أَربِّـي يدَّرن. وَار ثنْقِيش شَا ذِي ثڒْوِيحِين ن وزْرُو، ثنْقش ذِي ثڒْوِيحِين ن وُوْڒ ن بْنَاذم.

22 أيث-كورينث 3:6

ذ نتَّا إِي ذَانغ يُوْشِين ثِزمَّار-أَ بَاش أَ نِيڒِي ذ يخدَّامن ن يِجّن ن ڒْعَهذ ذ جْذِيذ. ڒْعَهذ-أَ مَاشِي س شَّرِيعَا؛ لَّا، ڒْعَهذ-أَ س أَرُّوْح ن أَربِّـي. لِأَنَّا شَّرِيعَا ثْنقّ، أَرُّوْح ن أَربِّـي نتَّا يسدَّر.

22 أيث-كورينث 4:1

س مَانَايَا، وَار نْتفْشِيڒ شَا مِنْزِي غَارْنغ ڒْعَهذ-أَ وَانِيتَا س اَرَّحْمث ن أَربِّـي.

22 أيث-كورينث 4:5

وَار نتْبشِّير شَا س يِيخف نّغ، نتْبشَّار س عِيْسَى لْمَسِيح يعْنِي نتَّا ذ سِيذِيثْنغ. أُو نشِّين ذ يخدَّامن نْوم عْلَاحْسَاب عِيْسَى.

22 أيث-كورينث 4:7

فَا ڒْكنْز-أَ وَانِيتَا اَقَاث غَارْنغ ذݣ يغرَّافن ن وشَاڒ يعْنِي ذِي دَّات نّغ، بَاش اَذ د يمظْهَار بلِّي جّْهذ-أَ اَمقّْرَان اَطَّاس يتَاس-د زِي أَربِّـي مَاشِي زَّايْنغ.

22 أيث-كورينث 5:18

مَانَايَا مَارَّا زِي أَربِّـي، يسمْصْڒَاح-اَنغ اَكِذس س لْمَسِيح يُوْشَا-ٱنغ-د أَ نْبشَّر س ڒْعَهذ ن صُّلْح.

22 أيث-كورينث 6:1

فَا نشِّين إِݣ يخدّْمن اَك أَربِّـي نْتتَّار إِ كنِّيو نقَّار-اَوم: مَاشِي اَذ تْقبّْڒم اَرْضَا ن أَربِّـي وَار زَّايس ثْخدّْمم شَا.

22 أيث-كورينث 6:4

إِنَّمَا، نشِّين نتْقدَّام-اَوم يخف نّغ س مَارَّا مِينْزِي نشِّين ذ يخدَّامن ن أَربِّـي: يعْنِي نْصبَّر اَطَّاس؛ تكّنْت خَانغ ڒمْحَاين ذ تَمَارَا ذ وزِيَّار؛

أيث-ؤفسوس 3:7

ذوْڒغ ذ اَخدَّام ن لْإِنْجِيل-أَ عْلَاحْسَاب لْبَرَكَا ن أَربِّـي وَامِي ذَايِي ت يهْذَا يسخْذم-يت س جّْهذ نّس.

أيث-كولوس 1:23

وَلَكِن لَابُد اَذ تقِّيمم ذِي لْإِيمَان نْوم نِيشَان اَذ تْبدّم خ دْسَاس، وَار ثْسمّْحم شَا ذِي لْأَمَال ن لْإِنْجِيل تُوْغَا إِي تسْڒِيم. لْإِنْجِيل-أَ تْوَابشَّرنْت زَّايس قَاع ثِمسْڒَايِين يتْوَاخڒْقن سْوَادَّاي وجنَّا، أُو نش بُوْلُس ذوْڒغ ذ اَخدَّام نّس.

أيث-كولوس 1:25

جْمَاعث-أَ ذوْڒغ غَارس نش ذ يجّن ن وخدَّام نّس عْلَاحْسَاب لْوَاجِب نِّي زِي أَربِّـي إِي ذَايِي د يمُّوْشن بَاش اَكنِّيو بشَّرغ س وَاوَاڒ يكْمَاڒ ن أَربِّـي.

1 تيموتاوس 1:12

تْشكَّرغ سِيذِيثْنغ عِيْسَى لْمَسِيح ونِّي إِي ذَايِي يُوْشِين جّْهذ نّس يُوْفَا ذَايِي تِّقث يسِيذف-اَيِي غَار ڒْخذْمث نّس.

1 بطرس 4:10

ئِتْخصَّا-يَاس إِ مْكُڒ يجّن اَذ يسخْذم لْقُدْرَا نِّي إِي ذَاس يمُّوْشن اَك يِوْذَان. أَذ يسخْذم نِيْشَان لْبَرَكَا ن أَربِّـي إِي زِي يتْكلَّاف كُڒ نُّوْع نّس.