1 أيث-كورينث 3:12 - ثريفيث 2020

^12-13 ئِجّن، مڒَا يبْنَا خ دْسَاس-أَ س دّْهب نِغ س نُّقَارْث نِغ س ثِيزْرَا ثِصبْحَانِين نِغ س وكشُّوْض نِغ س اَرْبِيع نِغ س ورُوْم، أَتَاف ڒْخذْمث نّس اَذ د تْبَان، يعْنِي يُوْم لْحِسَاب ذ لْعِقَاب إِي د غَا يسْمظْهَار مَانَايَا. أُو عَاوذ مَانَايَا اَثِيد ثسْمظْهَار يجّن ن ثْمسِّي أُو ثِمسِّي-يَا اَذ تْصَاحّح مَان نُّوْع ن ڒْخذْمث إِي يݣَّا مْكُڒ يجّن.

1 أيث-كورينث 3:12 ပူးပေါင်းရင်းမြစ်များ

ڒخذايم 20:30

عَاوذ زَّايْوم اَذ د مظْهَارن شَان يثَرَّاسن اَذ سْعوّْجن لْحَقِيقَا حمَا ٱذ جَرّن غَارْسن يمحْضَارن.

أيث-روما 16:17

آي اَيثْمَا، تتَّارغ زَّايْوم اَذ تحْضَام يخف نْوم زݣ يِنِّي يفرّْقن ڒْمُوْمِنِين خ وَايَاوْيَا تݣّن-اَوم مِين يسفْشِيڒن، يعْنِي ضد ثْغُوْرِي نِّي إِي ثْڒمْذم كنِّيو. بعّْذث خَاسن خ يِيْنَا.

1 أيث-كورينث 3:11

وَار ذِنِّي حَدّ يزمَّر اَذ يݣّ يج ن دْسَاس نّغْنِي خ ونِّي ذِنِّي يتْوَاݣّن، أُو دْسَاس-أَ وَانِيتَا ذ عِيْسَى لْمَسِيح.

22 أيث-كورينث 2:17

أَقَا نشِّين مَاشِي اَم خَربِّي ن يِوْذَان يتݣّن تِّجَارَا ذݣ وَاوَاڒ ن أَربِّـي، نشِّين ذِي لْمَسِيح نسَّاوَاڒ س وُوْڒ يصْفَا زِي أَربِّـي أُو زَّاث إِ أَربِّـي.

22 أيث-كورينث 4:2

نشِّين نتْبعَّاعذ خ ثْمسْڒَايِين ن ڒفْضِيحث إِݣ يتْوَاخدّْمن س ثْنُوْفْرَا. وَار نسْخدِّيم شَا ثَحْرَايْمِيث، وَار نتْحرِّيف شَا اَوَاڒ ن أَربِّـي. نشِّين زَّاث إِ أَربِّـي نْسڒْمَاذ لْحَقِيقَا بْڒَا مَا اَت نسْنُوْفَّر. أَمُّو غَارْسن مَارَّا يوْذَان ذِي ضَّمِير نْسن بلِّي ذَايْنغ تِّقث.

أيث-كولوس 2:8

أَرّم-د ڒْبَاڒ نْوم ؤُڒَا ذ يجّن مَا يزمَّر اَكنِّيو يسْخَرْوض س لْفلْسَفَا نِغ س وغدَّاڒ نِّي يخْوَان عْلَاحْسَاب تَّقَالِيد ن بْنَاذم نِغ عْلَاحْسَاب لْقَوَانِين يقْذِيمن ن دُّنشْت-أَ قَا مَاشِي عْلَاحْسَاب لْمَسِيح.

1 تيموتاوس 6:3

مڒَا شَان ورْيَاز يسڒْمذ شَان ڒْحَاجث نّغْنِي وَار يتِيفِيق شَا اَك وَاوَاڒن نِيشَان ن سِيذِيثْنغ عِيْسَى لْمَسِيح ذ تَّعْلِيم خ لْإِيمَان،

2 تيموتاوس 2:20

شُوْف، ئِجّن ن ثدَّارْث ثَصبْحَانْت وَار ذَايس شَا غِير ڒقْشُوْع ن دّْهب نِغ ذ نُّقَارْث وَاهَا؛ لَّا، ذَايس ؤُڒَا ذ ڒقْشُوْع ن ؤُكشُّوْض ذ ؤُشَاڒ. ڒبْعَاضِيث تْوَاسْتعْمَالن إِ مِين يدْجَان ذ شَّان، ڒبْعَاضِيث تْوَاسْتعْمَالن إِ مِين يدْجَان عَادِي وَاهَا.

2 تيموتاوس 3:13

أَمَّا يرْيَازن يعفَّانن ذ يرْيَازن يشمَّاثن نِثْنِي اَذ ارْنِين ذِي ثُوْعُوْفّْنَا وَاهَا، نِثْنِي اَذ شمّْثن اَذ تْوَاشمّْثن.

2 تيموتاوس 3:7

ڒبْدَا تسْڒَانْت غَار تَّعْلِيم وَلَكِن عمَّارْص اَذ اَوْضنْت اَذ سّْننْت لْحَقِيقَا.

2 تيموتاوس 4:3

أَقَا اَذ تَاس ڒْوقْث نِّي نِثْنِي وَار تْصنِّيطن شَا غَار تَّعْلِيم نِيشَان؛ أَغَارْسن د سْمُوْنن يجّن ن لْعَدَد ن يمْسڒْمَاذن سَّاوَاڒن غِير مِين ذَاسن يعجْبن إِ يمجَّان نْسن وَاهَا.

يعيبرانيين 13:9

أَرّم-د ڒْبَاڒ نْوم بَاش وَار تْذفَّارم شَا لْأَنْوَاع ن ؤُسڒْمذ فشْكل. شُوْف، ذ لمْلِيح اَذ يجْهذ وُوْڒ نّغ س اَرْضَا مَاشِي س لْمَكْلَا دِّينِيَا، يِنِّي إِي ت يتتّن وَار زَّايس سْتنْفِيعن شَا.

1 بطرس 1:7

ڒمْحَاين-أَ ؤُسِينْت-يد بَاش اَذ د سْمظْهَارنْت إِلَّا لْإِيمَان نْوم نتَّا اَقَاث ذ صَّح؛ نتَّا يسوَّا كْتَار زِي دّْهب إِݣ يفنَّان وَاخَّا يتْوَاسِّيصْفَا ذِي ثْمسِّي. حمَا لْإِيمَان نْوم اَث شكَّرن اَذَايس يِيڒِي شَّان ذ لْقِيمَا خْمِي د غَا يمظْهَار عِيْسَى لْمَسِيح.

لواحي ن يوحنا 2:14

وَلَكِن عيّْبغ خَاش شَان ثْمسْڒَايِين وَامِي اَكِذش شَان يوْذَان إِي تْبَاعن تَّعْلِيم ن بَلْعَام. نتَّا تُوْغَا يسْڒمَاذ-اَس إ بَارَاك مَامّش غا يݣّ ثَخْشبْث إِ اَيث-إِسْرَائِيل بَاش اَذ شّن دْبِيحث يتْقدَّامن إِ لْأَصْنَام اَذ فسْذن.

لواحي ن يوحنا 21:18

ڒْحِيض نّس يبْنَا س ثزْرَا ن لْيَشب، ثَنْدِينْت ثبْنَا س دّْهب يصْفَان اَمشْنَاو جَّاج يصْفَان.

لواحي ن يوحنا 3:18

قَا نش نصّْحغ-شك اَخَافِي ثسْغذ دّْهب يتْوَاصْفَان س ثْمسِّي حمَا اَذ تْذوْڒذ ذ تَّاجَر. سغ عَاوذ اَرُّوْض ذ اَشمْڒَاڒ حمَا اَذ تسَرْضذ يخف نّش زِي ثُوْعَرْيَانْت نّش عَاوذ ذ شَان دّْوَا حمَا اَذ تسْݣنْفِيذ ثِيطَّاوِين نّش اَتَاف تْوَاڒِيذ.