1 أيث-كورينث 2:9 - ثريفيث 2020

⁹ مَامش يقَّار لْكِتَاب: <مَانَاينِّي وَار ذِنِّي بُو ثِيطّ إِي ث يتْوَاڒَان، نِغ ذ اَمجُّوْن إِي ذَاس يتسْڒَان، نِغ ذ ڒَعْقڒ إِي ث يتْخَايَاڒن، مِين يسوْجذ أَربِّـي إِ يِنِّي إِي ث يتْحِبَّان.>

1 أيث-كورينث 2:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 20:23

ينَّا-ٱسن: "وَاه، أَتَاف اَذ تسْوم زِي ڒْكَاس ينُو. وَلَكِن اَغِيمِي خ وفُوْسِي ينُو ذ وࢲڒْمَاض ينُو وَار يدْجِي بُو ذ نش إِي ث غَا يُوْشن، أَذ يمُّوْش إِ يِنِّي ؤُمِي ثن يسوْجذ بَابَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 25:34

ڒخْدّنِّي يِنِّي يدْجَان خ وفُوْسِي اَذَاسن يِينِي وزدْجِيذ-أَ: آ يِنِّي إِي ذِي يݣَّا بَابَا لْبَرَكَا، أَرَاحم-د كنِّيو وَرْثم ڒْمُلْك إِي ذَاوم يسوْجذ زݣ وَامِي ثدْجَا دُّنشْت.

يوحنا 3:16

وَامِي يحِبّ أَربِّـي دُّنشْت-أَ، ئِهْذَا-يَاس مِّيس أَوحْذَانِي حمَا ونِّي زَّايس غَا يَامْنن وَار يفنِّي شَا اَغَارس ثِيڒِي ثُوْذَارْث ن ڒبْدَا.

أيث-روما 8:28

فَا نشِّين نسّن بلِّي مَارَّا مِين يتوْقِيعن قَاع يتَارَّا-ث أَربِّـي ذ تِّيسِير إِ يِنِّي إِي ث يتخْسن، يعْنِي ذ يِنِّي ؤُمِي إِي د يڒَغَا عْلَاحْسَاب لْغَرَض نّس.

يعيبرانيين 11:16

وَلَكِن لَّا، رزُّوْن خ يِجّن ن ثْمُوْرْث حْسن زِي ثنِّي، يعْنِي يشْتن ذݣ وجنَّا. خ مَانَاينِّي أَربِّـي وَار يسذْحِي شَا اَذَاس ينِين قَا شك ذ أَربِّـي نّغ مِينْزِي نتَّا يسوْجذ-اَسن يجّن ن ثنْدِينْت.

ثبرات غار يعقوب 1:12

سَّعْذ ن ونِّي يصْبَارن خ ڒمْحَاين اَتَاف خْمِي غَا ينْجح اَذ ييْسِي تَّاج ن ثُوْذَارْث ونِّي إِي زِي يعَاهذ أَربِّـي يِنِّي إِي ث يتْحِبَّان.

ثبرات غار يعقوب 2:5

شُوْف آي أَيثْمَا يمْعِيزّن ينُو، مَا وَار ثسِّينم شَا أَربِّـي يخْضَر ڒْمُسَاكِين ن دُّنشْت-أَ حمَا اَذ يڒِين ذ تْوَاجَر س لْإِيمَان نْسن اَذ وَرْثن ذِي ڒْمُلْك إِي زِي يوْعذ أَربِّـي يِنِّي إِي ث يتْحِبَّان؟

1 بطرس 1:12

ئِسْمظْهَار-اَسن-د إِ لْأَنْبِيَا بلِّي مَانَايَا وَار ث خدّْمن شَا إِ يِيخف نْسن، خدّْمن-ث إِ كنِّيو وَامِي سَّاوَاڒن س ثْمسْڒَايِين-أَ. أُو ڒخُّو نَّان-اَوم ثِمسْڒَايِين-أَ يِنِّي إِ كنِّيو يتْبشَّارن س لْإِنْجِيل س جّْهذ ن أَرُّوْح يقدّْسن إِي ذَاوم د يتْوَاسّكّن زݣ وجنَّا. وَاخَّا ذ لْمَلَائِكَاث ذَايْسنْت مزْڒِي اَذ خْزَرنْت ذِي ثْمسْڒَايِين-أَ.

1 يوحنا 4:19

نشِّين نْتخْس مِينْزِي نتَّا يخس-اَنغ ذ اَمزْوَارُو.