1 أيث-كورينث 2:6 - ثريفيث 2020

⁶ إِنَّمَا، نشِّين نسَّاوَاض يجّن ن وَاوَاڒ ن ڒفْهَامث غَار يِنِّي وَار يقِّيمن شَا ذ يمزْيَانن ذِي لْإِيمَان نْسن. وَلَكِن ڒفْهَامث-أَ وَار د تِيس شَا زِي ڒْوقْث-أَ نِغ زِي لْحُكَّام ن ڒْوقْث-أَ إِݣ يݣُّوْرن اَذ فْنَان.

1 أيث-كورينث 2:6 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:22

زَّرِّيعث نِّي إِݣ يوْضَان جَار يسنَّانن نتَّاث اَم يِجّن ن بْنَاذم إِي يتْسْڒَان إِ وَاوَاڒ ن أَربِّـي ذَايس اَمْنُوْس ن دُّنشْت، يشمّث-يث طّْمَع ن وَاݣْڒَا، سّنِّي يتْوَاجيّف وَاوَاڒ ن أَربِّـي وَار ينفّع شَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 19:21

ينَّا-ٱس عِيْسَى: "مڒَا ثخْسذ اَذ تݣّذ كُڒْشِي نِيشَان، رُوْح زنْز مَارَّا مِين غَارك ذ اَݣْڒَا صدّق-يث خ ڒْمُسَاكِين. سّنِّي اَغَارك يِيڒِي يجّن ن ڒْكنْز ذݣ وجنَّا، ڒخْدّنِّي أَرَاح-د شك ذْفَار-اَيِي-د."

أَسڒْمذ ن سِيذِيثْنغ عِيْسَى لْكِتَاب ن مَتَّى 5:48

إِڒِيث نِيشَان قَاع، أَمشْنَاو مَامش يدْجَا بَابَاثْوم ذݣ وجنَّا.

لوقا 16:8

بَاب ن شِّي يشكَّر اَوقَّاف نّس ذِي يدْجَا لْحِيلَا خ ڒفْطَانث نّس. شُوْف، ثَارْوَا ن زْمَان-أَ ذَايْسن ڒفْطَانث جَارَاسن كْتَار زِي ثَارْوَا ن نُّوْر.

1 أيث-كورينث 1:28

ئِخْضَر أَربِّـي ونِّي غَار يدْجَا لْأَصل نّس ذ اَمزْيَان ذ مِين يتْوَاعِيفَّان، ئِخْضَر حتَّا ذ ثِمسْڒَايِين وَار يدْجِين شَا بَاش اَذ يسْبطّڒ ثِمسْڒَايِين نِّي إِي يدْجَان.

1 أيث-كورينث 12:8

ئِجّن يمُّوْش-اَس س وفُوْس ن أَرُّوْح يقدّْسن بَاش اَذ يسِّيوڒ س لْحِكْمَا. ئِجّن يمُّوْش-اَس اَوَاڒ ن ثُوْسْنَا س وفُوْس ن أَرُّوْح-أَ وَانِيتَا.

1 أيث-كورينث 14:20

لَّا آي اَيثْمَا، وَار تْفكَّرث شَا اَم يحنْجِيرن يمزْيَانن. إِڒِيث اَم يسيْمَان ذِي شَّرّْ؛ إِڒِيث اَم يمقّْرَانن عْلَاحْسَاب ڒَعْقڒ.

1 أيث-كورينث 2:1

آي اَيثْمَا، نش وَامِي د ؤُسِيغ غَارْوم، ؤُسِيغ-د اَذ بشَّرغ س ڒْمَعْنَا ينُوْفَّرن ن أَربِّـي، مَاشِي ؤُسِيغ-د اَذ بشَّرغ س وَاوَاڒن يزوّْقن نِغ س ڒفْهَامث نِّي ن بْنَاذم.

1 أيث-كورينث 2:13

نسَّاوَاض مَانَايَا س وَاوَاڒن إِي وَار ثن ثْسڒْمِيذ شَا ڒفْهَامث ن بْنَاذم؛ لَّا، نسَّاوَاض-يث س وَاوَاڒن إِݣ يسڒْمَاذ اَرُّوْح ن أَربِّـي. أَوَاڒن-أَ تْشَرَّاحن لْحَقِيقَاث رُوْحِيَاث إِ يِنِّي ؤُمِي غَار يدْجَا اَرُّوْح ن أَربِّـي.

1 أيث-كورينث 2:8

ڒفْهَامث-أَ وَار ت يفْهِيم ؤُڒَا ذ يجّن زِي لْحُكَّام ن ڒْوقْث-أَ. لَّا، لِأَنَّا مَعْلِيك تُوْغَا ت فهْمن، إِڒِي وَار صلِّيبن شَا سِيذِيثْنغ غَار ثدْجَا لْعَظَمَا.

1 أيث-كورينث 3:1

آي اَيثْمَا، نش تُوْغَا وَار زمَّرغ شَا اَكِذْوم سِّيوْڒغ اَم يِوْذَان يتݣّن اَرَّاي إِ اَرُّوْح ن أَربِّـي. لَّا، سِّيوْڒغ اَكِذْوم اَم يِوْذَان إِݣ يتݣّن اَرَّاي إِ نّفْس نْسن، أَم يسيْمَان وَاهَا إِي د يخڒْقن ذِي لْمَسِيح.

22 أيث-كورينث 1:12

أَقَا نشِّين نْتفْتَخَر زِي ضَّمِير نّغ يعْنِي يشهّذ بلِّي نُوْيُوْر مْلِيح ذِي دُّنشْت-أَ خَصَّاتَن اَكِذْوم س يِجّن ن نِّيّث ذ وُوْڒ يصْفَان زِي أَربِّـي. وَار يدْجِي بُو س يِجّن ن ڒفْهَامث ن دُّنشْت-أَ؛ لَّا، س يِجّن ن اَرْضَا ن أَربِّـي.

22 أيث-كورينث 13:11

صَافِي آي أَيثْمَا، فَرّْحث. صڒْحث يبْرِيذن نْوم نِيشَان. تْصنَّاطث غَارِي مِين ذَاوم قَّارغ. إِڒِيث ذ يجّن ذِي اَرَّاي نْوم. تْعِيشث ذِي ڒهْنَا. أَربِّـي نّغ ن ڒمْحِبّث ذ ڒهْنَا اَذ يِيڒِي اَكِذْوم.

22 أيث-كورينث 4:3

لْإِنْجِيل نّغ مڒَا يغمّس س يِجّن ن لْتَام، ئِغمّس غِير إِ يِنِّي يفنَّان.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

أيث-ؤفسوس 2:2

ذَايْسنْت إِي تُوْغَا تْعِيشم خْمِي ثݣُّوْرم ذݣ وبْرِيذ ن دُّنشْت-أَ ثْذفَّارم اَرَّايس ن ڒحْكَام إِي يدْجَان جَار وجنَّا ذ ثْمُوْرْث يعْنِي شِّيطَان إِي يدْجَان نتَّا ذ اَرُّوْح نِّي إِݣ يخدّْمن ذݣ يِنِّي إِي يعصَّان أَربِّـي.

أيث-كولوس 1:28

لْمَسِيح-أَ نتْبشَّار زَّايس إِ يِوْذَان، نْنهَّا-ثن مَارَّا إِذْسن، نْسڒْمَاذ-يثن س مَارَّا ڒفْهَامث بَاش أَ نْقدّم يوْذَان مَارَّا ذِي لْمَسِيح بْڒَا شَا ن ڒْعِيب إِ أَربِّـي.

أيث-كولوس 4:12

ئِسَاوَّاض-اَوم-د سْڒَام پَـافْرَاس نتَّا إِݣ يدْجَان زِي ثْمُوْرْث نْوم، نتَّا ذ يجّن ن وخدَّام ن عِيْسَى لْمَسِيح. ڒبْدَا يتَاحڒ ذِي ثْࢲَادْجِيث عْلَاحْسَاب كنِّيو بَاش اَذ تْبدّم خ دْسَاس اَذ تِيڒِيم ثمْغَرم ذِي لْإِيمَان نْوم وَار غَارْوم يتِيڒِي بُو شّكّ ذِي مَارَّا مِين يخس أَربِّـي.

يعيبرانيين 5:14

وَلَكِن لْمَكْلَا ن صَّح تتّن-تث غِير يِنِّي وَار يدْجِين شَا ذ يسيْمَان. نِثْنِي زمَّرن إِ لْمَكْلَا نِّي ن صَّح مِينْزِي ڒبْدَا خدّْمن إِ ثْغُوْرِي نِّي إِي قَّارن تْميَّازن جَار مِين يدْجَان ذ اَصبْحَان ذ جَار مِين يدْجَان ذ اَعفَّان.

يعيبرانيين 6:1

خ مَانَايَا وَار نتْغِيمِيث شَا ذِي تَّعْلِيم-أَ اَمزْوَارُو خ لْمَسِيح، أَ نُوْيُوْرث غَار زَّاث بَاش أَ نمْغَر. وَار نْتَاعْقِيب شَا غَار دْسَاس. يعْنِي وَار نسَّاوَاڒ شَا عَاذ خ تُّوْبَا نِّي ن سَّايِأَث، نِغ خ مَامّش غَا نݣّ أَ نَامن زِي أَربِّـي،

ثبرات غار يعقوب 3:15

نُّوْع ن ڒفْهَامث-أَ وَار د تْهوِّي شَا زݣ وجنَّا؛ لَّا، نتَّاث ن دُّنشْت-أَ ن يِوذَان ن شِّيطَان.

ثبرات غار يعقوب 3:2

مَارَّا إِذْنغ نْتݣّ اَطَّاس ن لْغَالَط. مڒَا شَان يِجّن وَار يخطِّي شَا ذݣ وَاوَاڒ نّس قَاع، أَتَاف وَانِيتَا ذ يجّن ن بْنَاذم نِيشَان يكْمَاڒ. ئِزمَّر اَذ يحْكم خ دَّات نّس مَارَّا.

1 بطرس 5:10

أَتَاف اَذ تْوَاعدّْبم شْوَايْت ن ڒْوقْث ڒخْدّنِّي اَكنِّيو يسْريّح أَربِّـي نّغ إِي ذِي يدْجَا مَارَّا اَرْضَا ذ نتَّا إِي ذَاوم د يڒَاغَان غَار لْعَظَمَا نّس وَار يفنِّين شَا ذِي لْمَسِيح. أَكنِّيو يسْبدّ، أَكنِّيو يسجْهذ، أَكنِّيو يݣّ خ دْسَاس.