1 أيث-كورينث 2:15 - ثريفيث 2020

¹⁵ أَمَّا بْنَاذم ونِّي غَار يدْجَا اَرُّوْح ن أَربِّـي. ئِتْميَّاز مَارَّا ثِمسْڒَايِين، نتَّا وَار ذَايس يتْمِيِّيز حَدّ.

1 أيث-كورينث 2:15 ပူးပေါင်းရင်းမြစ်များ

يوحنا 7:17

ونِّي يخْسن اَذ يݣّ زِي مِين يخس أَربِّـي اَتَاف اَذ يسّن اَسڒْمذ-أَ ينُو مَا زَّايِي نِغ زِي أَربِّـي.

ڒخذايم 16:3

يݣَّا-ٱس طَّهَارث بُوْلُس وَامِي يخس اَث يَاوِي اَكِذس. يݣَّا-ٱس اَمنِّي عْلَاحْسَاب يسْرَائِيلِيْين يدْجَان ذݣ يمُوْشَان نِّي نِثْنِي مَارَّا سّْنن بلِّي بَابَاس ذ اَيُوْنَانِي.

1 أيث-كورينث 14:37

مڒَا يجّن يحسّب يخف نّس نِيشَان ذ نَّبِي نِغ ذ يجّن ن بْنَاذم رُوْحِيَا اَتَاف أُو لَابُد اَذ يقْبڒ مِين ذَاوم د تَارِيغ ذِي ثبْرَات-أَ نتَّاث ذ ڒُوْصِيّث ن سِيذِيثْنغ.

1 أيث-كورينث 3:1

آي اَيثْمَا، نش تُوْغَا وَار زمَّرغ شَا اَكِذْوم سِّيوْڒغ اَم يِوْذَان يتݣّن اَرَّاي إِ اَرُّوْح ن أَربِّـي. لَّا، سِّيوْڒغ اَكِذْوم اَم يِوْذَان إِݣ يتݣّن اَرَّاي إِ نّفْس نْسن، أَم يسيْمَان وَاهَا إِي د يخڒْقن ذِي لْمَسِيح.

1 أيث-كورينث 4:5

خ مَانَايَا وَار قَّارم وَالُو خ ڒْحُكم قْبڒ ڒْوقْث، يعْنِي قْبڒ إِي د غَا يَاس سِيذِيثْنغ. ذ نتَّا إِي غَا يسْبيّنن ثِمسْڒَايِين نِّي غَار نُّوْر ڒخُّو نُوْفَّرنْت ذِي ثَادْجسْت، أَذ د يسْمظْهَار كُڒ لْغَرَض ن يِوْذَان إِي غَارْسن ذݣ وُوْڒَاون نْسن. ڒخْدّنِّي كُڒ يجّن اَغَارس يِيڒِي وسمْغَار نّس زِي أَربِّـي.

أيث-ݣلاطيا 6:1

آي أَيثْمَا، مڒَا ثُوْفِيم شَان يِجّن زَّايْوم ثْسحْصر-يث ڒْمُعْصِيّث، لَابُد مڒَا ثْجهْذم كنِّيو س أَرُّوْح يقدّْسن اَثِيذ تَارّم غَار وبْرِيذ س يِجّن ن وُوْڒ يسبَّارن. أُو حْضَا يخف نّش ؤُڒَا ذ شك بَاش وَار ثتْوَاغَرِّيذ شَا.

أيث-فيليـپـي 1:10

حمَا اَذ تِيخْضَرم مِين يدْجَان ذ اَصبْحَان حمَا اَذ تِيڒِيم ثصْفَام بْڒَا ڒْعِيب غَار نْهَار ن لْمَسِيح.

أيث-كولوس 1:9

خ مَانَايَا زِي نْهَار نِّي وَامِي تُوْغَا نسْڒَا نشِّين خَاوم، نتْغِيمَا نْتتَّار-اَس إِ أَربِّـي خَاوم بَاش اَذ تْعمَّرم س ثُوْسْنَا خ ڒْخَاضَر ن أَربِّـي س مَارَّا ڒْعَقڒ ذ ڒفْهَامث إِݣ يتِيشّن أَرُّوْح يقدّْسن.

1 أيث-سلونيك 5:21

لَّا، ميّْزث مَانَاينِّي مَارَّا. طّْفث ذِي مِين يدْجَان ذ اَصبْحَان؛

يعيبرانيين 5:14

وَلَكِن لْمَكْلَا ن صَّح تتّن-تث غِير يِنِّي وَار يدْجِين شَا ذ يسيْمَان. نِثْنِي زمَّرن إِ لْمَكْلَا نِّي ن صَّح مِينْزِي ڒبْدَا خدّْمن إِ ثْغُوْرِي نِّي إِي قَّارن تْميَّازن جَار مِين يدْجَان ذ اَصبْحَان ذ جَار مِين يدْجَان ذ اَعفَّان.

1 يوحنا 2:20

كنِّيو لَّا، تْوَاذهْنم س وفُوْس ن لْعَظِيم، مَارَّا كنِّيو ثسّْنم مِين يدْجَان.

1 يوحنا 4:1

آي يمْعِيزّن ينُو، وَار تِيقِّيم شَا ذِي مَارَّا اَرُّوْحَاث، جَرّْبم-ثن بَاش اَذ تسّْنم مَا زِي أَربِّـي مَا لَّا. قَا فّْغن-د اَطَّاس ن يثَرَّاسن غَار دُّنشْت-أَ تَارَّان يخف نْسن ذ لْأَنْبِيَا.