1 أيث-كورينث 2:12 - ثريفيث 2020

¹² وَار ذَانغ د يُوْشِي شَا اَرُّوْح ن دُّنشْت-أَ، يُوْشَا-ٱنغ-د اَرُّوْح إِي د يُوْسِين زِي أَربِّـي حمَا أَ نفْهم ثِمسْڒَايِين نِّي إِي ذَانغ د يُوْشَا أَربِّـي بَاطڒ.

1 أيث-كورينث 2:12 ပူးပေါင်းရင်းမြစ်များ

أيث-روما 8:1

إِذن فَا ڒخُّو، وَار يدْجِي بُو لْحِسَاب ذ لْعِقَاب خ يِنِّي يدْجَان ذ يجَّن اَك عِيْسَى لْمَسِيح.

أيث-روما 8:32

سِيذِي أَربِّـي وَار يسْعِيزّ شَا مِّيس خَانغ، ئِقدّم-يث إِ ڒْموْث خَانغ مَارَّا. مَا اَذ تقِّيم شَان ڒْحَاجث وَار ذَانغ-ت يتِيشّ شَا اَكِذس؟

1 أيث-كورينث 1:27

وَلَكِن أَربِّـي يخْضَر مِين يدْجَان ذ ثُوْبُّوهْڒِيَا غَار يِوْذَان ن دُّنشْت-أَ حمَا اَذ يفْضح يِنِّي يتفْهَامن زَعْمَا. ئِخْضَر أَربِّـي مِين يضعْفن ذِي دُّنشْت-أَ حمَا اَذ يفْضح يِنِّي يجهْذن.

1 أيث-كورينث 2:6

إِنَّمَا، نشِّين نسَّاوَاض يجّن ن وَاوَاڒ ن ڒفْهَامث غَار يِنِّي وَار يقِّيمن شَا ذ يمزْيَانن ذِي لْإِيمَان نْسن. وَلَكِن ڒفْهَامث-أَ وَار د تِيس شَا زِي ڒْوقْث-أَ نِغ زِي لْحُكَّام ن ڒْوقْث-أَ إِݣ يݣُّوْرن اَذ فْنَان.

22 أيث-كورينث 4:4

يِنِّي وَار يُوْمِينن شَا ڒَعْقُوْڒَاث نْسن يسْطمّص-يثن إِبْڒِيس ونِّي يدْجَان اَم أَربِّـي ن دُّنشْت-أَ زَعْمَا. نِثْنِي وَار زمَّرن اَذ ࢲرن نُّوْر ن لْإِنْجِيل يعْنِي لْعَظَمَا ن لْمَسِيح، نتَّا يدْجَان ذ صِّفث ن أَربِّـي.

أيث-ؤفسوس 2:2

ذَايْسنْت إِي تُوْغَا تْعِيشم خْمِي ثݣُّوْرم ذݣ وبْرِيذ ن دُّنشْت-أَ ثْذفَّارم اَرَّايس ن ڒحْكَام إِي يدْجَان جَار وجنَّا ذ ثْمُوْرْث يعْنِي شِّيطَان إِي يدْجَان نتَّا ذ اَرُّوْح نِّي إِݣ يخدّْمن ذݣ يِنِّي إِي يعصَّان أَربِّـي.

ثبرات غار يعقوب 4:5

اَوَاڒ ن لْكِتَاب يقَّار: <أَرُّوْح نِّي إِي ذَايْنغ يݣَّا أَربِّـي يْعِيزّ خَاس اَطَّاس.> مَا تْغِير-أَوم اَوَاڒ نِّي وَار غَارس بُو ڒْمَعْنَا؟

1 يوحنا 2:20

كنِّيو لَّا، تْوَاذهْنم س وفُوْس ن لْعَظِيم، مَارَّا كنِّيو ثسّْنم مِين يدْجَان.

1 يوحنا 2:27

كنِّيو، دّهْنث نِّي إِي زَّايس ثْقبْڒم عَاذ اَقَات ذَايْوم. كنِّيو وَار ثحْذِيجم حَدّ اَكنِّيو يسڒْمذ، أَقَا دّهْنث نّس ثْسڒْمَاذ-اَوم مَارَّا ثِمسْڒَايِين. نتَّاث ذ صَّح مَاشِي ذ اَخَرِّيق. إِيوَا مَامّش إِي كنِّيو ثْسڒْمَاذ دّهْنث-أَ، أَمنِّي يتْخصَّا اَذَايس ثْعِيشم ذِي نتَّا.

لواحي ن يوحنا 12:9

ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.

لواحي ن يوحنا 22:6

ينَّا-ٱيِي لْمَلَاك ونِّي: "أَوَاڒن-أَ ذَايْسن ڒَامَان ذَايْسن ڒْحَقّ. أَربِّـي نتَّا ذ مَوْلَانَا إِي د يسهْوَان لْوَاحِي خ لْأَنْبِيَا، ئِسّكّ-د لْمَلَاك نّس حمَا اَذ د يسْمظْهَار إِ يِنِّي ث يعبّْذن مِين لَابُد غَا يوقْعن عْڒَاين."