1 أيث-كورينث 16:6 - ثريفيث 2020

⁶ يمْكن اَكِذْوم قِّيمغ يجّن ن ڒْوقْث نِغ اَكِذْوم سعْذُوْغ ڒْمشْتَا بَاش اَذَايِي ثْعَاوْنم ذݣ وسَفَار ينُو مَانِي مَا رُوْحغ.

1 أيث-كورينث 16:6 ပူးပေါင်းရင်းမြစ်များ

ڒخذايم 17:15

يرْيَازن نِّي إِي رُوْحن اَك بُوْلُس سِّيوْضن-ث غَار ثنْدِينْت ن ؤُتِينَا سّنِّي ذوْڒن-د. ئِوصَّا-ثن بُوْلُس ينَّا-ٱسن: إِنِيم-اَسن إِ سِيلَاس ذ تِيْمُوْتَاوُس اَرَاحم-د غَارِي ذغْيَا.

ڒخذايم 20:38

خيّْقن اَطَّاس س وَارَاڒ نِّي إِي ذَاسن ينَّا وَار ثْࢲرّم شَا اَغمْبُوْب ينُو سَّا ٱڒ ثْسَاونْت. سّنِّي ؤُوِين-ث غَار وغَرَّابُو.

ڒخذايم 21:5

وَامِي ذَانغ ثقْضَا ذِنِّي ڒْوقْث نّغ نكَّر نفّغ بَاش أَ نْسِيْغِي خ ؤُسَفَر نّغ. مَارَّا يمحْضَارن رُوْحن اَكِذْنغ غَار بَارَّا ن ثنْدِينْت س ثمْغَارِين نْسن ذ ثَارْوَا نْسن، نرْكع خ يفَادّن نّغ خ يِجْذِي ن ڒبْحَر نࢲُّوْدْج.

ڒخذايم 27:12

لِأَنَّا ڒْمَرْسَا نِّي ذ ثَعفَّانْت بَاش اَذَايس سعْذُوْن ڒْمشْتَا ذِنِّي. خ مَانَايَا اَزْين اَمقّْرَان ݣِّين اَذ ؤُيُوْرن سّنِّي ذݣ وغَرَّابُو، تْمنَّان اَذ اَوْضن غَار وبِيلَاج ن فِيْنِيْكس اَذَايس سعْذُوْن ڒْمشْتَا. نتَّاث ذ يجّن ن ڒْمَرْسَا ذِي ثيْزِيرْث ن كْرِيت تظْهُوْر غَار لْجَانُوْب ذ شَّمَال ذِي جِّهث ن لْغَرْبِي.

ڒخذايم 28:11

منْبَعْد إِ ثڒْت شْهُوْر، نْݣَعّذ ذݣ يِجّن ن وغَرَّابُو زِي إِسْكَنْدَارِيَا تُوْغَا يسعْذُو ڒْمشْتَا ذِي ثيْزِيرْث نِّي. أَغَرَّابُو نِّي خ وغمْبُوْب نّس ذَايس لْأَصْنَام سمَّان-ثن <ئِشْنِيون ن أَربِّـي.>

أيث-روما 15:24

خْمِي غَا رَاحغ غَار سْپَـانْيَا تْمنِّيغ اَخَاوم د كّغ، أَكِذْوم قِّيمغ اَكِذْوم فَرْحغ شْوَايْت ن ڒْوقْث. نش تْمنِّيغ زَّايْوم اَذَايِي ثْعَاوْنم اَذ كمّْڒغ خ وبْرِيذ ينُو.

1 أيث-كورينث 16:11

ئِتْخصَّا ؤُڒَا ذ يجّن وَار ٱث يسحْقَار شَا. عَاوْنم-ث ذݣ ؤُسَفَار نّس بَاش اَغَارِي د يعْقب ذِي ڒهْنَا ڒَاحقَّاش نش تْڒَاجِيغ-ث اَك أَيثْمَاثْنغ.

22 أيث-كورينث 1:16

يعْنِي تُوْغَا رزُّوْغ اَخَاوم د كّغ خْمِي غَا رَاحغ غَار لْإِقْلِيم ن مَاسِدُوْنْيَا، منْبَعْد اَغَارْوم د عقْبغ زِي مَاسِدُوْنْيَا بَاش اَذَايِي ثْعَاوْنم اَذ سَفَرغ غَار ثْمُوْرْث ن يَهُوْذِيَا.

ثبرات غار تيتوس 3:12

خْمِي ذَاوم د غَا سّكّغ ؤُمَاثْنغ أَرْتِيْمَاس نِغ ذ تُوْشِيق، اݣّ لْمجْهُوْد نّش اَغَارِي د ثَاسذ غَار ثنْدِينْت ن نِيكُوْپْـرِيس مِنْزِي نش تُوْغَا فكَّرغ اَذ سعْذُوْغ ذِنِّي ڒْمشْتَا.