1 أيث-كورينث 16:22 - ثريفيث 2020

²² ونِّي وَار يخْسن شَا سِيذِيثْنغ اَذ يتْوَاحَارّم. أَرَاح-د آ مَوْلَانَا!

1 أيث-كورينث 16:22 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:37

"ونّي خف يعِيزّ بَابَاس نِغ ذ يمَّاس كْتَار زَّايِي نش، أَتَاف وَار ذَايِي يسْذِيهدْج شَا. ونِّي خف يعِيزّ مِّيس نِغ ذ يدْجِيس كْتَار زَّايِي نش، أَتَاف وَار ذَايِي يسْذِيهدْج شَا.

يوحنا 14:15

مڒَا تْحِبِّيم-اَيِي كنِّيو، ݣّث زِي ڒُوْصِيَاث ينُو.

يوحنا 14:21

ونِّي غَار دْجَانْت ڒُوْصِيَاث ينُو يخدّم زَّايْسنْت، أَتَاف يتْحِبَّا-اَيِي. ونِّي ذَايي يتْحِبَّان، أَتَاف اَث يحِبّ ؤُڒَا ذ بَابَا. أَث حِبّغ ؤُڒَا ذ نش، أَذَاس د سْمظْهَارغ يخف ينُو."

يوحنا 14:23

ينَّا-ٱس عِيْسَى: "ونِّي ذَايِي يتْحِبَّان، أَتَاف اَذ يخْذم زݣ وَاوَاڒ ينُو. أَث يحِبّ بَابَا، أَ نْرَاح غَارس نش ذ بَابَا، غَارس إِي غَا نزْذغ.

يوحنا 15:24

مَعْلِيك وَار خْذِيمغ اَكِذْسن لْمُعْجِيزَاث وَار ثنْت يخْذِيم ؤُڒَا ذ يجّن إِلَّا نش، أَتَاف وَار غَارْسن بُو ڒْمُعْصِيّث. وَلَكِن ڒخُّو نِثْنِي ࢲْرِين لْمُعْجِيزَاث ينُو عِيفّن-اَيِي نش ؤُڒَا ذ بَابَا.

يوحنا 16:14

نتَّا إِي ذَايِي غَا يسمْغَارن مِينْزِي يكسِّي زِي مِين غَارِي، أَذَاوم يخبَّر زَّايس.

يوحنا 8:42

ينَّا-ٱسن عِيْسَى: "لَّا، مَعْلِيك بَابَاثْوم ذ أَربِّـي، أَتَاف تحِبِّيم-اَيِي مِينْزِي نش فّْغغ-د زِي أَربِّـي ؤُسِيغ-د. وَار د ؤُسِيغ شَا زݣ يِيخف ينُو؛ لَّا، ذ بَابَا إِي ذَايِي د يسّكّن.

ڒخذايم 23:14

رُوْحن غَار اَرُّوْيَاس ن ڒْفُقَهَا ذ يمقّْرَانن ن أَيث-إِسْرَائِيل نَّان-اَسن: "نشِّين نوْعذ أَربِّـي نْحَرّم يخف نّغ وَار نْتتّ وَالُو اَڒ غَا نْنغ بُوْلُس نشِّين.

1 أيث-كورينث 12:3

س مَانَاينِّي خْسغ اَذ تْفهّْمم مْلِيح بلِّي وَار ذِنِّي حَدّ اَذ يِينِي س أَرُّوْح ن أَربِّـي <قَا عِيْسَى يتْوَانْعڒ>! عَاوذ وَار ذِنِّي حَدّ اَذ يِينِي <قَا عِيْسَى ذ مَوْلَانَا> إِلَّا س أَرُّوْح يقدّْسن.

أيث-ݣلاطيا 5:6

لِأَنَّا ذِي عِيْسَى لْمَسِيح يعْنِي بْنَاذم مڒَا يݣَّا طَّهَارث نِغ وَار ت يݣِّي شَا، مَانَايَا وَار ينفّع س وَالُو. مِين ينفّْعن؟ ئِنفّع لْإِيمَان إِݣ يخدّْمن شّْغڒ نّس س ڒمْحِبّث.

أيث-ؤفسوس 6:24

أَذ يِيڒِي اَرْضَا إِ مَارَّا يِنِّي إِݣ يتْحِبَّان سِيذِيثْنغ عِيْسَى لْمَسِيح س يِجّن ن ڒمْحِبّث وَار ثْفنِّي شَا عمَّارْص.

أيث-فيليـپـي 4:5

ئِتْخصَّا اَذ د يمظْهَار صّْبَر نْوم إِ مَارَّا يوْذَان، أَقَا سِيذِيثْنغ يُوْذس-د.

يعيبرانيين 6:10

إِيوَا أَربِّـي، مَا يتِيشّ ڒْحَقّ مَا لَّا؟ وَاه، أَربِّـي وَار يتتُّو شَا ڒْخذْمث نْوم ذ ڒمْحِبّث نِّي ذَاس د ثْسظْهَارم وَامِي ثْعَاوْنم صَّالِحِين. أُو عَاذ تݣّم مَانَايَا.

1 بطرس 1:8

ثْحِبّم-ث وَاخَّا وَار ث ثࢲْرِيم شَا. أَقَا ثُوْمْنم زَّايس وَاخَّا وَار ث تْوِيڒِيم شَا ڒخُّو. كنِّيو ثْعمَّرم س يِجّن ن ڒفْرَاحث ذ ثَمقّْرَانْت وَار ثْزمَّرم شَا اَت ثْشَرّْحم.

1 بطرس 2:7

فَا اَزْرُو-يَا يسوَّا اَطَّاس إِ كنِّيو إِي يُوْمْنن، يِنِّي وَار يُوْمِينن شَا لَّا. أَقَا يُوْرَا ذِي لْكِتَاب: <أَزْرُو نِّي إِي عِيفّن ئِبنَّاين، يوْقع ذݣ ومْشَان اَصبْحَان ذِي ثْغمَّارْث ن دْسَاس.>

1 يوحنا 4:19

نشِّين نْتخْس مِينْزِي نتَّا يخس-اَنغ ذ اَمزْوَارُو.

1 يوحنا 5:1

مَارَّا ونِّي غَا يَامْنن عِيْسَى نتَّا ذ لْمَسِيح اَتَاف يخْڒق-د زِي أَربِّـي. أُو مَارَّا ونِّي يتخْسن بَابَاثْنغ اَتَاف نتَّا عَاوذ يتخْس ثَارْوَا نّس إِي زَّايس د يخڒْقن.

لواحي ن يوحنا 22:20

ئِقَّار عِيْسَى يعْنِي ونِّي يخبَّرن خ ثْمسْڒَايِين-أَ: "وَاه، نش أَقَا ؤُسِيغ-د وَار تْعطَّاڒغ شا!" آمِين، أَرَاح-د آ سِيذِيثْنغ عِيْسَى.