1 أيث-كورينث 16:19 - ثريفيث 2020

¹⁹ ثِجُمَاع ن ڒْمُوْمِنِين ذِي لْإِقْلِيم ن آسْيَا تْسدْجَامنْت-يد خَاوم. أَكِيلَاس ذ پْـرِيسْكِيلَا ذ يِنِّي يدْجَان ذِي جْمَاعث ن ڒْمُوْمِنِين ذِي ثدَّارْث نْسن تْسَادْجَامن-د خَاوم اَطَّاس ذِي سِيذِيثْنغ.

1 أيث-كورينث 16:19 ပူးပေါင်းရင်းမြစ်များ

ڒخذايم 16:6

بُوْلُس ذ يمدُّوْكَاڒ نّس كِّين خ جْوَايه ن فْرِيْجْيَا ذ ݣَالَاطْيَا، وَار ثن يجِّي شَا أَرُّوْح يقدّْسن ٱذ بشَّرن س وَاوَاڒ ن أَربِّـي ذِي لْإِقْلِيم ن آسْيَا.

ڒخذايم 18:18

ئِقِّيم عَاذ بُوْلُس اَطَّاس ن وُوْسَّان ذِي ثنْدِينْت ن كُوْرِينْث. سّنِّي يمْسَافَاض خ اَيثْمَاس ذِنِّي، ئِنْيَا ذݣ ؤُغَرَّابُو يرُوْح غَار سُوْرْيَا اَكِذس پْـرِسْكِيلَا ذ وَاكِيلَاس. تُوْغَا يحفّ بُوْلُس اَشوَّاف نّس ذِي ڒمْوِيِّـي ؤُمِي قَّارن كَنْغَرْيَا مِينْزِي تُوْغَا خَاس ڒْعَهذ إِي يݣَّا اَك سِيذِي أَربِّـي.

ڒخذايم 18:2

يُوْفَا ذِنِّي يجّن ن وئِسْرَائِيلِي نتَّا ذ مِّيس ن لْإِقْلِيم ن پُـنْطُس قَّارن-اَس أَكِيلَاس. نتَّا تُوْغَا يُوْسَا-د ذݣ وُوْسَّان نِّي زِي ثْمُوْرْث ن إِطَاليَا نتَّا ذ ثمْغَارْث نّس ؤُمي قَّارن پْـرِسْكِيلَا. لِأَنَّا لْمَلِك كْلُوْدْيُوْس تُوْغَا يُوْمَر خ مَارَّا أَيث-إِسْرَائِيل اَثن سُوْفْغن زِي رُوْمَا. ئِرُوْح بُوْلُس غَار وَاكِيلَاس ذ پْـرِسْكِيلَا اَثن يࢲر. ئِقِّيم اَكِذْسن، ئِخدّم اَكِذْسن مِنْزِي نِثْنِي ڒْخذْمث نْسن ذ يشْتن تݣّن يقِيظَان.

ڒخذايم 18:26

ئِبْذَا يسَّاوَاڒ ذِي ثمْزِيذَا ن أَيث-إِسْرَائِيل س زْعَامث. سْڒِين-اَس پْـرِسْكِيلا ذ وَاكِيلَاس، ؤُوِين-ث اَكِذْسن غَار ثدَّارْث نْسن بْذَان سْفهَّامن-ث حْسن خ وبْرِيذ ن أَربِّـي.

ڒخذايم 19:10

ئِقِّيم بُوْلُس يتݣّ مَانَاينِّي عَامَاين. مَارَّا يمزْذَاغ ن لْإِقْلِيم ن آسْيَا سْڒِين إِ وَاوَاڒ ن سِيذِي أَربِّـي، أَيث-إِسْرَائِيل ذ ييُوْنَانِيْين س ثْنَاين إِذْسن.

ڒخذايم 2:9

يعْنِي ثَمُوْرْث ن بَارْدْيَا ذ مَادْيَا ذ عِيلَام، ذ يمزْذَاغ ن مِيسِيبُوْطَامْيَا ذ يَهُوْذِيَا ذ كَپْدُوْكْيَا، ذ پُـنْطُس ذ آسْيَا،

أيث-روما 16:15

سِيوْضم-اَسن سْڒَام إِ فِيلُغِي ذ جُوْلْيَا ذ لُوْمْبَاس ذ نِيرْيُوْس اَك وتْشْمَاس ذ مَارَّا ڒْمُوْمِنِين صَّالِحِين إِي كِذْسن يدْجَان.

أيث-كولوس 4:15

سِيوْضم-اَسن سْڒَام ينُو إِ أَيثْمَاثْنغ إِي يدْجَان ذِي ثنْدِينْت ن لَاوْدُكْيَا ذ وُوْتْشْمَاثْنغ نُوْمِيبْـيَا ذ جْمَاعْث ن ڒْمُوْمِنِين إِي يدْجَان ذِي ثدَّارْث نّس.

2 تيموتاوس 4:19

سِيْوض-اَس سْڒَام إِ پْـرِيْسْكِيْلَا ذ وَاكِيْلَاس ذ ثدَّارْث ن وَانِيْسْفُوْر.

ثبرات غار فليمون 1:2

ذ ؤُتْشْمَاثْنغ عَابْـيَا ذ ؤُمَاثْنغ أَرْكِيْـپُّـوْس ونِّي إِي كِذْنغ يتمْعَاشَرن اَم يِجّن ن ؤُمْجَاهذ، أُو عَاوذ ذ جْمَاعث ن ڒْمُوْمِنِين يتْمُوْنَان ذِي ثدَّارْث نّش.

1 بطرس 1:1

نش ذ بُطْرُس ذ اَرَّسُوْل ن عِيْسَى لْمَسِيح. تْسكِّيغ-د ثَبْرَات-أَ إِ يِنِّي إِݣ يخْضَر أَربِّـي إِي يدْجَان ذ يعزَّابن يتمْزدْجَاعن ذِي لْإِقْلِيم ن پُـنْطُس ذ لْإِقْلِيم ن ݣَلَاطْيَا ذ لْإِقْلِيم ن كَفَدُوْسْيَا ذ لْإِقْلِيم ن آسْيَا ذ لْإِقْلِيم ن بِـيْثَانْيَا.

لواحي ن يوحنا 1:11

ثقَّار-اَيِي: "مِين تْوَاڒِيذ شك أَرِي-ث ذݣ يِجّن ن لْكِتَاب، سكّ-يث غَار سبْعَا ن ثْجُمَاع ن ڒْمُوْمِنِين ذِي ثنْدِينْت ن ؤُفَسُوْس، ذ سْمِيرْنَا، ذ بَرْغَامُوس، ذ ثِيَاتْرَا، ذ سَارْدِس، ذ فِيلَادَلْفْيَا، ذ لَاوْدُكْيَا."