1 أيث-كورينث 16:14 - ثريفيث 2020

¹⁴ مَارَّا مِين غَا ثݣّم كنِّيو تݣّم-ث س ڒمْحِبّث.

1 أيث-كورينث 16:14 ပူးပေါင်းရင်းမြစ်များ

يوحنا 15:17

ذ ثَا ذ ڒُوْصِيّث ينُو، يعْنِي اَذ تْحِبّم اَيَاوْيَا.

أيث-روما 14:15

لِأَنَّا مڒَا يتْخيَّاق وُوْمَاش س مَشَّا نِّي إِي تتّذ، أَتَاف شك وَار ثُوْݣُّوْرذ شَا نِيشَان س ڒمْحِبّث. وَار تݣّ شَا مَشَّا نّش ذ سَّبَاب إِي زِي غَا ينهْذم وُوْمَاش ونِّي مِيخ يمُّوْث لْمَسِيح.

1 أيث-كورينث 12:31

فَا كنِّيو ثْرزُّوْم اَطَّاس خ لْقُدْرَاث يُوْعْڒَان، نش اَذَاوم شرّْحغ يجّن ن وبْرِيذ يُوْعْڒَان خ مَارَّا يبْرِيذن.

1 أيث-كورينث 14:1

ذْفَارث اَبْرِيذ ن ڒمْحِبّث، رْزُوْث مْلِيح خ لْقُدْرَاث رُوْحِيَاث خَاصَّتَن ثنِّي ن وَاوَاڒ يتْوَاعڒْمن زِي أَربِّـي.

1 أيث-كورينث 16:15

أَقَا ثسّْنم سِتِيفَانُوْس ذ ڒحْبَاب نّس ذ نِثْنِي إِي يُوْمْنن زِي لْمَسِيح ذ يمزْوُوْرَا ذِي لْإِقْلِيم ن ؤُخَايَا، طوّْعن يخف نْسن اَذ سخَّارن إِ ڒْمُوْمِنِين صَّالِحِين. آي أَيثْمَا، تتَّارغ زَّايْوم اَذ تْثْطَاعم إِ يِوْذَان-أَ اَم يِيْنَا أُو ذ يِنِّي مَارَّا يشَرّْشن ذِي ڒْخذْمث-أَ تَمَارَان ذَايس اَطَّاس.

1 أيث-كورينث 8:1

فَا لْمَكْلَا يتْقدَّامن إِ لْأَصْنَام. نشِّين مَارَّا إِذْنغ غَارْنغ ثُوْسْنَا، يعْنِي نسّن ثِمسْڒَايِين. ثُوْسْنَا-يَا إِي نسّن تْسُوْفَّا يوْذَان س تَّكبُّر، وَلَكِن ڒمْحِبّث تَرْنِي ذَايْنغ جّْهذ.

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

1 أيث-سلونيك 3:12

أَذ يَرْنِي سِيذِيثْنغ ڒمْحِبّث نْوم اَك وَايَاوْيَا اَت يسْفيّض س وَاطَّاس اَك مَارَّا يوْذَان اَم نشِّين نخْس-يكنِّيو.

1 أيث-سلونيك 3:6

ڒخُّو يذْوڒ-د غَارْنغ زَّايْوم تِيْمُوْتَاوُس، يُوْوِي-يَانغ-د يجّن ن ڒخْبَار ذ اَصبْحَان خ لْإِيمَان نْوم ذ ڒمْحِبّث نْوم. ينَّا-ٱنغ اَقَا تْخمَّامم ذَايْنغ مْلِيح، ذَايْوم عَاوذ مزْڒِي اَذَانغ ثࢲرم ؤُڒَا ذ نشِّين ذَايْنغ مزْڒِي اَكنِّيو نْࢲر.

2 أيث-سلونيك 1:3

آي أَيثْمَا، ئِتْخصَّا أُو لَابُد أَ نْشكَّر أَربِّـي خَاوم ڒبْدَا. قَا مَانَايَا نِيشَان مِينْزِي لْإِيمَان نْوم يتمْغُوْر س وَاطَّاس، مِينْزِي عَاوذ ڒمْحِبّث نْوم ثْرنِّي اَك وَايَاوْيَا.

1 تيموتاوس 1:5

مِين يعنَا لْغَرَض ن ڒُوْصِيّث-أَ؟ لْغَرَض نّس ذ يجّن ن ڒمْحِبّث إِي د يتَاسن زݣ وُوْڒَاون يصْفَان ذ يِجّن ن ضَّمِير ذ اَصبْحَان ذ يِجّن ن لْإِيمَان بْڒَا نِّفَاق.

يعيبرانيين 13:4

وقَّارث ڒمْڒَاش مَارَّا. قَامَا ن ڒمْڒَاش اَذ تِيڒِي س نِّيّث بْڒَا ڒْغدْڒَان. أَقَا أَربِّـي اَذ يعَاقب يِنِّي يفسّْذن ذ يِنِّي يزنَّان.

1 بطرس 4:8

مِين يدْجَان مُهِم قَاع؟ ئِتْخصَّا اَذ تْحِبّم اَيَاوْيَا زݣ وُوْڒ مِينْزِي ڒمْحِبّث ثْقطَّا خ وَاطَّاس ن دُّنُوْب.

2 بطرس 1:7

أُو عَاوذ اَرْنِيم ڒْخِير جَار وَاوْمَاثن اَك طَّاعَا-يَا نْوم إِ أَربِّـي؛ أُو عَاوذ اَرْنِيم ڒمْحِبّث اَك ڒْخِير-أَ نْوم جَار وَاوْمَاثن.