1 أيث-كورينث 15:56 - ثريفيث 2020

⁵⁶ أَقَا ڒْموْث ثِيقّسْت نّس تَاس-د زِي ڒْمُعْصِيّث. قَا ڒْمُعْصِيّث ثِزمَّار نّس تَاس-د زِي شَّرِيعَا.

1 أيث-كورينث 15:56 ပူးပေါင်းရင်းမြစ်များ

يوحنا 8:21

ينَّا-ٱسن عَاوذ عِيْسَى: "نش اَذ ؤُيُوْرغ كنِّيو اَخَافِي ثرْزُوْم، ذِي ڒْمُعْصِيّث نْوم اَذ تمّْثم. مَانِي غَا رَاحغ نش، وَار ثْزمَّرم شَا اَذ د تَاسم ذِنِّي."

يوحنا 8:24

نِّيغ-اَوم اَذ تمّْثم ذِي ڒْمُعْصِيَاث نْوم. أَذ تمّْثم ذِي ڒْمُعْصِيَاث نْوم يعْنِي مڒَا كنِّيو وَار ثُوْمِينم شَا بلِّي ذ نش إِݣ يدْجَان."

أيث-روما 4:15

أَقَا شَّرِيعَا ن مُوْسَى تَاوِي-د لْعِقَاب ن أَربِّـي. وَلَكِن مَانِي وَار تِيڒِي شَا شَّرِيعَا وَار تِيڒِي شَا ذِنِّي ڒْمُعْصِيّث.

أيث-روما 5:15

وَلَكِن ڒْمُعْصِيّث ن آدَم وَار نْزمَّر اَت نْمثّل اَك لْهَادِيَا ن اَرْضَا ن أَربِّـي. شُوْف، ئِجّن ن بْنَاذم، نتَّا ذ آدَم، يعْصَا أَربِّـي يُوْوِي-د ڒْموْث إِ مَارَّا يوْذَان. ڒخُّو مشْحَاڒ يمْغَر اَرْضَا ن أَربِّـي ذ لْهَادِيَا إِي د ينْفيّْضن خ يِوْذَان س اَرْضَا ن يِجّن ن بْنَاذم نّغْنِي نتَّا ذ عِيْسَى لْمَسِيح.

أيث-روما 5:17

يعْنِي س سَّبَاب ن ڒْمُعْصِيّث نِّي ن يِجّن ن بْنَاذم ثبْذَا ڒْموْث ثْحكّم خ يِوْذَان س سَّبَاب ن بْنَاذم نِّي. ڒخُّو س سَّبَاب ن يِجّن ن بْنَاذم، يعْنِي س عِيْسَى لْمَسِيح، ذ ثُوْذَارْث نتَّاث ثْحكّم اَطَّاس خ يِنِّي يقبّْڒن اَرْضَا يمْغَارن ن أَربِّـي ذ لْهَدِيَا إِي ثن يسمْصْڒَاحن اَكِذس.

أيث-روما 5:20

أُو شَّرِيعَا نتَّاث ثُوْذف-د حمَا ٱذ كْثَارنْت ڒْمُعْصِيَاث. وَلَكِن شْحَاڒ مَا كْثَارنْت ڒْمُعْصِيَاث، أَرْضَا ن أَربِّـي يكْثَار كْتَار زَّايسنْت.

أيث-روما 6:23

أَقَا اَخدْجس ن ڒْمُعْصِيّث نتَّا ذ ڒْموْث، وَلَكِن لْهَادِيَا ن أَربِّـي نتَّاث ذ ثُوْذَارْث ن ڒبْدَا ذِي سِيذِيثْنغ عِيْسَى لْمَسِيح.

يعيبرانيين 9:27

ڒْموْث يتْمتَّا-ت بْنَاذم يجّن ن ثْوَاڒَا، ثُمَّا يذفَّار-يت لْحِسَاب ذ لْعِقَاب.