1 أيث-كورينث 15:51 - ثريفيث 2020

^51-52 أَقَا قَّارغ-اَوم يجّن ن ثْمسْڒَايْث ڒْمَعْنَا نّس ينُوْفَّرن: قَا وَار نتْمتِّي شَا س مَارَّا إِذْنغ. خْمِي غَا يصُوْض زَّامَّار اَنݣَّارُو اَتَاف أَ نْبدّڒ مَارَّا إِذْنغ ذِي صِّفث نّغْنِي. مَانَايَا اَذ يِيڒِي ذغْيَا ذݣ يِجّن ن وَارْمَاش ن ثِيطّ. أَذ يصُوْض زَّامَّار نِّي ثُمَّا اَذ د تْوَاسْنكَّرن يمتِّينن يعْنِي اَذ دُوْمَان إِ ڒبْدَا أَ نِيڒِي نْبدّڒ ذِي صِّفث نّغْنِي.

1 أيث-كورينث 15:51 ပူးပေါင်းရင်းမြစ်များ

1 أيث-كورينث 13:2

نش مَعْلِيك غَارِي لْقُدْرَا اَذ سِّيوْڒغ اَم لْأَنْبِيَا، مَعْلِيك فهْمغ مَارَّا مِين ينُوْفَّرن ذ مَارَّا ثُوْسْنَا، مَعْلِيك سْخدَّامغ لْإِيمَان اَذ سْمُوْتِّيغ يذُوْرَار-أَ، إِڒِي ذ وَالُو إِي دْجِيغ نش مڒَا وَار تْحِبِّيغ شَا.

1 أيث-كورينث 15:18

مَعْلِيك اَمنِّي، إِڒِي يِنِّي يطّْصن يعْنِي يِنِّي يمُّوْثن ذِي لْمَسِيح زَعْمَا صَافِي قَا فْنَان.

1 أيث-كورينث 15:20

فَا اَقَا ڒخُّو لْمَسِيح يتْوَاسكَّر-د زِي ڒْموْث، يعْنِي نتَّا ذ ثَفدْجَاحْث ثَمزْوَارُوْت إِي د يكَّرن زݣ يِنِّي يمُّوْثن.

1 أيث-كورينث 15:6

منْبَعْد يمظْهَار-اَسن-د إِ كْتَار زِي خمْسْمِيَّا ن وَاوْمَاثن ذِي ثْوَاڒَا ذ يشْتن. نِثْنِي عَاذ دَّرن عْڒَاين مَارَّا إِذْسن، ڒبْعَاض زَّايْسن اَقَا طّْصن يعْنِي مُّوْثن.

1 أيث-كورينث 2:7

لَّا، نشِّين نسَّاوَاض يجّن ن ڒفْهَامث ذَايس ڒْمَعْنَا ينُوْفَّرن ن أَربِّـي ذ مِين يتْوَاسْنُوْفَّرن. ئِزمّم-يت أَربِّـي قْبڒ مَا ٱذ د ثخْڒق ڒْوقْث قَاع حمَا نشِّين أَ نتْوَاسمْغَار.

1 أيث-كورينث 4:1

شُوْف، أَمُّو يتْخصَّا اَذَانغ ࢲرن يِوْذَان يعْنِي نشِّين ذ يخدَّامن ن لْمَسِيح، نشِّين نتْكلَّاف خ ثْمسْڒَايِين ينُوْفَّرن ن أَربِّـي.

22 أيث-كورينث 5:2

ڒخُّو نشِّين نْنهّك ذَايْنغ مزْڒِي أَ نغْمس س دَّات نّغ ن وجنَّا.

22 أيث-كورينث 5:4

لِأَنَّا خْمِي نتْغمَّاس س دَّات-أَ نّغ، تْبسَّاڒ خَانغ نشِّين عَاذ نْنهّك. إِيوَا وَار نْرزُّو شَا أَ نِيڒِي بْڒَا اَرُّوْض، نْرزُّو أَ نغْمس س دَّات نّغ ن وجنَّا، مَايمِّي؟ بَاش مِين يفنَّان اَث يسغْڒي مِين وَار يتْمتِّين.

أيث-ؤفسوس 1:9

أُو عْلَاحْسَاب لْغَرَض نّس إِݣ يݣَّا ذِي لْمَسِيح يسْبيّن-اَنغ-د ڒْمَعْنَا ينُوْفَّرن ن ڒْخَاضَر نّس.

أيث-ؤفسوس 3:3

يعْنِي ڒْمَعْنَا ينُوْفَّرن خ لْإِنْجِيل يسْمظْهَار-اَيِي-يث-يذ يسهْوَا-ث-يذ خَافِي س لْوَاحِي مَامش ذَاوم ت ؤُرِيغ شْوَايْت زِي قْبڒ.

أيث-ؤفسوس 5:32

ذݣ وَاوَاڒ-أَ مِيخف نسَّاوَاڒ ذَايس يجّن ن ڒْمَعْنَا ينُوْفَّرن يُودْجغ اَطَّاس. قَّارغ نش بلِّي ڒْمَعْنَا-يَا يسَّاوَاڒ خ لْمَسِيح اَك جْمَاعث ن ڒْمُوْمِنِين.

أيث-فيليـپـي 3:21

دَّات نّغ ن دُّنشْت-أَ اَت يسْبدّڒ لْمَسِيح بَاش اَذ تِذْوڒ اَم دَّات نّس لْعَظِيم. ئِتݣّ مَانَايَا س جّْهذ نِّي إِي زِي يزمَّر اَذ يَارّ قَاع ثِمسْڒَايِين سْوَادَّاي إِ لْحُكم نّس.