1 أيث-كورينث 15:42 - ثريفيث 2020

⁴² أَمُّو إِي تِيڒِي لْقِيَامَا ن يمتِّينن، مِين يتْوَازرّْعن اَذ يفْنَا. مِين د يتْوَاسْنكَّرن اَذ يذُوْم.

1 أيث-كورينث 15:42 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:43

وَلَكِن ڒْمُوْمِنِين اَذ شْعشْعن اَم ثْفُوْشْت ذِي ڒْمُلْك ن بَابَاثْسن. صنّط مْلِيح آ ونِّي يتْسْڒَان.

ڒخذايم 2:27

وَار ثْسمّْحذ شَا ذِي ڒَعْمَار ينُو ذِي لْأَخِرَا، وَار تجِّيذ شَا لْعَظِيم نّش اَذ يكِيشّو.

ڒخذايم 2:31

دَاود يعْڒم زِي أَربِّـي مِين غَا يوقْعن، ئِسِّيوڒ خ لْقِيَامَا ن لْمَسِيح بلِّي وَار ذَايس يسمّح شَا ذِي لْأَخِرَا، وَار تْكِيشِّيو شَا دَّات نّس.

أيث-روما 1:23

بدّْڒن لْعَظَمَا ن أَربِّـي يدَّرن إِ ڒبْدَا س لْأَصْنَام يتْشَابَّاهن ذݣ يِوْذَان إِي غَا يفْنَان، ذ لْأَصْنَام يتْشَابَّاهن ذݣ يِجْضَاض ذ لْحَيَوَانَاث ذ مِين يتنْحُوْرُوْذن.

أيث-روما 2:7

أَذَاسن يُوْش ثُوْذَارْث وَار يفنِّين شَا إِ يِنِّي يصبَّارن تݣّن لْحَسَانَاث، لِأَنَّا رزُّوْن خ لْهِمَّا ذ ؤُوقَّار ذ ثُوْذَارْث نِّي يتْدُوْمَان.

أيث-روما 8:21

لْأَمَال، يعْنِي، بلِّي مَارَّا مِين د يتْوَاخڒْقن اَذ تْوَافكّن زِي لْفَنَا ن ڒْموْث، أَذ شَرْشن ذِي لْحُرِّيَا ن لْعَظَمَا إِي غَارْسن غَار ثَارْوَا ن أَربِّـي.

1 أيث-كورينث 15:41

ثْفُوْشْت غَارس نُّوْع ن وشعْشع نّس وَاحْذس. ثَزِيرِي غَارس نُّوْع ن وشعْشع نّس وَاحْذس. ئِثْرَان نُّوْع ن وشعْشع نْسن وَاحذْسن. كُڒ يثْرِي عَاوذ ذ اَشعْشع نّس وَاحْذس.

أيث-ݣلاطيا 6:8

ونِّي إِي غَا يزرْعن مِين ثخْس طَّبِيعَا ثَعفَّانْت نّس اَزَّايس يمْجَار مِين يفنَّان. ونِّي إِي غَا يزرْعن مِين يخس أَرُّوْح يقدّْسن اَزَّايس يمْجَار ثُوْذَارْث ن ڒبْدَا.

1 بطرس 1:4

حمَا أَ نْوَارث يجّن ن وَاݣْڒَا عمَّارْص اَذ يفْنَا عمَّارْص اَذ يخْسَر عمَّارْص اَذ يكْشف ونِّي إِي ذَاوم يتْوَاخمّْڒن ذݣ وجنَّا.