1 أيث-كورينث 15:34 - ثريفيث 2020

³⁴ أَرّم-د ڒْبَاڒ نْوم، وَار عصَّاث شَا. قَّارغ-اَوم مَانَايَا بَاش اَذ تْسذْحَام مِينْزِي ڒبْعَاض زَّايْوم ذَايْسن ڒقْفَاڒث خ أَربِّـي.

1 أيث-كورينث 15:34 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 22:29

ئِنْدق-د عِيْسَى ينَّا-ٱسن: "كنِّيو ثخْضَام ڒَاحقَّاش وَار ثسِّينم شَا لْكِتَاب ؤُڒَا ذ جّْهذ ن أَربِّـي.

يوحنا 5:14

منْبَعْد إِ مَانَاينِّي عِيْسَى يُوْفَا ونِّي يݣنْفَان اَقَاث ذِي ثمْزِيذَا ثَمقّْرَانْت ن أَيث-إِسْرَائِيل ينَّا-ٱس: "أَقَاش ثْݣنْفِيذ، وَار تݣّ بُو ڒْمُعْصِيَاث عَاوذ حمَا وَار ذَاش يتوْقِيع كْتَار زِي مِين تُوْغَا ذَايش."

يوحنا 8:11

ثنَّا-ٱس نتَّاث: "وَاه، آ سِيذِي." ينَّا-ٱس عِيْسَى: "ؤُڒَا ذ نش وَار خَام حكّْمغ شَا. رُوْح، زِي سَّا اَڒ ثْسَاونْت وَار تَاذَاف شَا ذِي ڒْمُعْصِيْيث."

ڒخذايم 26:8

مَايمِّي ثنْوِيم قَا أَربِّـي وَار يتمْكِين شَا اَذ د يسْنكَّر يِنِّي يمُّوْثن زِي ڒْموْث؟

أيث-روما 1:28

سّنِّي نِثْنِي وَامِي ؤُݣِين اَذ سّْنن أَربِّـي، يسلّم-يثن إِ ڒَعْقُوْڒَاث نْسن ينْفضْحن اَذ ݣّن مِين وَار يحْڒِين.

أيث-روما 13:11

مَايمِّي مَانَايَا؟ كنِّيو ثسّْنم مَان ڒْوقْث إِي ذِي ندْجَا نشِّين. ثُوْوض-د ثْسَعَّات حمَا اَذ تْفَاقم زݣ يِيضص. لِأَنَّا ثْسَعَّات-أَ إِي ذِي غَا ننْجم ڒخُّو اَقَا ثْقَارّب-د كْتَار زِي ثنِّي إِي ذِي نُوْمن ذ اَمزْوَارُو.

1 أيث-كورينث 4:14

مَاشِي ؤُرِيغ ثِمسْڒَايِين-أَ بَاش اَكنِّيو فضْحغ؛ لَّا، ؤُرِيغ-ثنْت بَاش اَكنِّيو نْهِيغ اَم شَا ن ثَارْوَا ينُو يعِيزّن.

1 أيث-كورينث 6:5

قَّارغ-اَوم مَانَايَا حمَا اَذ تْسذْحِيم. مَا ذ صَّح وَار ذِنِّي حَدّ جَارَاوم ذَايس ڒفْهَامث حمَا اَذ يحلّ شِّكَايَاث-أَ جَار ڒْمُوْمِنِين؟

1 أيث-كورينث 8:7

وَلَكِن مَاشِي يوْذَان قَاع سّْنن مَانَايَا. ڒبْعَاض ن يِوْذَان تُوْغَا غَارْسن لْأَصْنَام ذ دِّين نْسن يجْهذ. مڒَا تتّن لْمَكْلَا-يَا يتْقدَّامن إِ لْأَصْنَام اَتَاف يتْغِير-اَسن مَانَايَا ذ صَّح، ضَّمِير نْسن يضعْفن اَتَاف اَذ يخْنز.

أيث-ؤفسوس 5:14

مِينْزِي ذ نُّوْر إِي د يسْمظْهَارن مَارَّا. خ مَانَايَا يقَّار لْكِتَاب: <فَاق شك آ ونِّي يتطّْصن كَّار-د زِي ڒْموْث، أَخَاك يشعْشع لْمَسِيح س نُّوْر نّس.>

1 أيث-سلونيك 4:5

مَاشِي اَذ تْعِيشم ذِي شّهْوث ن دَّات نْوم مَامّش تݣّن ڒݣْنُوْس وَار يسِّينن شَا أَربِّـي.