1 أيث-كورينث 15:27 - ثريفيث 2020

²⁷ أَقَا أَربِّـي يݣَّا مَارَّا ثِمسْڒَايِين سْوَادَّاي إِ سُّلْطَا ن يضَارن ن لْمَسِيح. وَلَكِن خْمِي يقَّار قَا مَارَّا ثِمسْڒَايِين تْوَاݣّنْت سْوَادَّاي نّس، نسّن بلِّي أَربِّـي وَار يدْجِي بُو جَار ن ثْمسْڒَايِين نِّي ڒَاحقَّاش أَربِّـي س يِيخف نّس نتَّا إِݣ يݣِّين مَارَّا ثِمسْڒَايِين نِّي سْوَادَّاي ن سُّلْطَا ن لْمَسِيح.

1 أيث-كورينث 15:27 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:27

ئِمُّوْش-ٱيِي كُڒْشِي زِي بَابَا. وَار يسِّين حَدّ مِين يعْنَا مِّيس منْغِير بَابَاس. وَار يسِّين حَدّ مِين يعْنَا بَابَاس منْغِير مِّيس. بَابَاس، أَث سّْنن غِير يِنِّي ؤُمِي يخس مِّيس اَذَاسن ثِيذ يسْمظْهَار.

أَسڒْمذ ن سِيذِيثْنغ عِيْسَى لْكِتَاب ن مَتَّى 28:18

ئِقَارّب-د غَارْسن عِيْسَى يسِّيوڒ اَكِذْسن ينَّا-ٱسن: "ثمُّوْش-اَيِي مَارَّا سُّلْطَا ذݣ وجنَّا ذ ثْمُوْرْث.

يوحنا 13:3

تُوْغَا عِيْسَى يسّن قَا بَابَاس يݣَّا-ٱس كُڒْشِي ذݣ يفَاسّن نّس، يُوْسَا-د زِي أَربِّـي اَذ يذْوڒ غَار أَربِّـي.

يوحنا 3:35

بَابَاس يعِيزّ خَاس مِّيس، يݣّا-ٱس كُڒْشِي ذݣ وفُوْس نّس.

أيث-ؤفسوس 1:20

إِݣ يݣَّا ذِي لْمَسِيح وَامِي ثِيذ يسكَّر زِي ڒْموْث يسْغِيم-يث خ وفُوْسِي نّس ذݣ يجنَّاثن.

أيث-ؤفسوس 1:22

يݣَّا أَربِّـي عَاوذ مَارَّا ثِمسْڒَايِين سْوَادَّاي يضَارن نّس يݣِّي-ث ذ اَزدْجِيف إِي يتْرَايَّان خ مَارَّا ثِمسْڒَايِين ذِي جْمَاعث ن ڒْمُوْمِنِين.

يعيبرانيين 1:13

إِيوَا عمَّارْص أَربِّـي وَار ينِّي إِ شَان ن لْمَلَاك زِي لْمَلَائِكَاث: <قِّيم-د خ وفُوْسِي ينُو اَڒ د غَا ݣَّغ ڒْعَذْيَان نّش سْوَادَّاي يضَارن نّش.>

يعيبرانيين 10:12

لْمَسِيح لَّا، نتَّا يقدّم يجّن ن دْبِيحث وَاحْذس خ ڒْمُعْصِيّث يجّن ن ثْوَاڒَا إِ ڒبْدَا، أُوْشَا يقِّيم نتَّا خ وفُوْسِي ن أَربِّـي.

يعيبرانيين 2:8

ثݣِّيذ سْوَادَّاي يضَارن نّس مَارَّا مِين يدْجَان.> وَامِي يݣَّا أَربِّـي مَارَّا سْوَادَّاي يضَارن نّس، وَار ثقِّيم ؤُڒَا ذ يجّن ن ثْمسْڒَايْث وَار خَاس يحكِّيم شَا. إِنَّمَا، عَاذ ذِي ڒْوقْث-أَ وَار نتْوِيڒِي شَا مَارَّا سْوَادَّاي يضَارن ن بْنَاذم.

1 بطرس 3:22

ذ نتَّا يݣَعّْذن غَار وجنَّا اَقَاث خ وفُوْسِي ن أَربِّـي، يَارَّا لْمَلَائِيكَاث سْوَادَّاي ن لْحُكم نّس ذ يِنِّي يحكّْمن ذ يِنِّي يجهْذن.

لواحي ن يوحنا 1:18

نش ذ ونِّي يدَّرن. تُوْغَا مُّوْثغ، ڒخُّو نش دَّرغ إِ ڒبْدَا ن ڒبْدَاث. غَارِي ڒمْفَاتَاح ن ڒْموْث ذ لْأَخِرَا.