1 أيث-كورينث 15:13 - ثريفيث 2020

¹³ مڒَا وَالُو لْقِيَامَا ن يمتِّينن، ؤُڒَا ذ لْمَسِيح وَار د يتْوَاسكَّر شَا.

1 أيث-كورينث 15:13 ပူးပေါင်းရင်းမြစ်များ

ڒخذايم 23:8

(مِنْزِي يصَدُّوْقِيْين قَّارن قَا وَار ذِنِّي لَّا لْقِيَامَا، لَّا لْمَلَايْكَاث، لَّا جْنُوْن، وَلَكِن يفَرِّسِيْين قَّارن مَارَّا مَانَايَا يدْجَا.)

أيث-روما 8:11

ثُمَّا مڒَا يزدّغ ذَايْوم اَرُّوْح ن أَربِّـي إِي د يسكَّرن عِيْسَى زِي ڒْموْث، أَتَاف ونِّي إِي د يسكَّرن عِيْسَى زِي ڒْموْث اَذَايْوم د يَارّ ثُوْذَارْث ؤُڒَا ذِي دَّات نْوم يفنَّان يعْنِي س اَرُّوْح نّس إِي ذَايْوم يزدّْغن.

أيث-روما 8:23

أُو مَاشِي نِثْنِي وَاهَا، ؤُڒَا ذ نشِّين ؤُمِي يمُّوْش اَرُّوْح يقدّْسن ذ اَمزْوَارُو نْنهّك ذݣ يِيخف نّغ. ذَايْنغ مزْڒِي، نشِّين نتْرَاجَا زِي أَربِّـي اَذ د يسْبيّن بلِّي نشِّين ذ ثَارْوَا نّس، يعْنِي اَذ يفكّ دَّات نّغ.

1 أيث-كورينث 15:12

فَا لْمَسِيح نتْبشَّار خَاس يتْوَاسكَّر-د زِي ڒْموْث. مَامّش قَّارن ڒبْعَاض زَّايْوم وَار ثدْجِي بُو لْقِيَامَا ن يمتِّينن؟

1 أيث-كورينث 15:14

مَعْلِيك وَار د يتْوَاسكَّر شَا لْمَسِيح، إِڒِي تّبْشِير نّغ ذ ڒْبَاطڒ وَاهَا، إِڒِي كنِّيو لْإِيمَان نْوم ؤُڒَا ذ نتَّا ذ ڒْبَاطڒ.

1 أيث-كورينث 15:20

فَا اَقَا ڒخُّو لْمَسِيح يتْوَاسكَّر-د زِي ڒْموْث، يعْنِي نتَّا ذ ثَفدْجَاحْث ثَمزْوَارُوْت إِي د يكَّرن زݣ يِنِّي يمُّوْثن.

1 أيث-سلونيك 4:14

شُوْف، نشِّين نْتَامن بلِّي عِيْسَى يمُّوْث يكَّر-د، نْتَامن عَاوذ بلِّي أَربِّـي عَاذ اَذ ييْسِي يِنِّي يطّْصن ذݣ يمضْڒَان إِي يُوْمْنن زِي لْمَسِيح اَذ يڒِين اَك عِيْسَى.

2 تيموتاوس 4:8

سَّا ٱڒ ثْسَاونْت يتْرَاجَا-اَيِي يجّن ن تَّاج ن صُّلْح اَݣ أَربِّـي ونِّي إِي ذَايِي غَا يُوْش سِيذِيثْنغ إِي يدْجَان ذ لْقَاضِي نِيشَان؛ أَذَايِي-ث يُوْش ذِي نْهَار نِّي ن لْحِسَاب. مَاشِي اَذَايِي-ث يُوْش إِ نش وَاهَا؛ لَّا، أَث يُوْش إِ مَارَّا يِنِّي يتخْسن نْهَار نِّي إِي ذِي د غَا يمظْهَار.

يعيبرانيين 13:20

أَربِّـي ذَايس ڒهْنَا، ذ نتَّا إِي د يَارِّين سِيذِيثْنغ عِيْسَى زݣ يمتِّينن س يذَامّن ن ڒْعَهذ إِݣ يتْدُوْمَان إِ ڒبْدَا، عِيْسَى-يَا ذ اَمكْسَا اَمقّْرَان ن يحُوْڒِيْين.

يعيبرانيين 2:14

إِذن ثَارْوَا-يَا نِثْنِي ذ يوْذَان ذَايْسن مَارَّا اَيْسُوْم ذ يذَامّن. خ مَانَايَا عِيْسَى ؤُڒَا ذ نتَّا ذَايس ثِمسْڒَايِين-أَ. أَمُّو س ڒْموْث نّس يسْبطّڒ زَّعِيم ن ڒْموْث يعْنِي ذ إِبْڒِيس.

1 بطرس 1:3

أَذ يتْوَابَرك أَربِّـي، بَابَاس ن سِيذِيثْنغ عِيْسَى لْمَسِيح إِي ذَانغ يُوْشِين س اَرَّاحْمث نّس ثَمقّْرَانْت اَد نخْڒق ذ جْذِيذ غَار يِجّن ن لْأَمَال يدَّرن وَامِي د يسكَّر عِيْسَى لْمَسِيح زݣ يمتِّينن.

لواحي ن يوحنا 1:18

نش ذ ونِّي يدَّرن. تُوْغَا مُّوْثغ، ڒخُّو نش دَّرغ إِ ڒبْدَا ن ڒبْدَاث. غَارِي ڒمْفَاتَاح ن ڒْموْث ذ لْأَخِرَا.