1 أيث-كورينث 14:6 - ثريفيث 2020

⁶ فَا ڒخُّو آي اَيثْمَا، مڒَا ؤُسِيغ-د غَارْوم سَّاوَاڒغ نش س لُّغَاث رُوْحِيَاث، مَان نّْفَع إِي زِي كنِّيو غَا نفْعغ إِلَّا مڒَا ؤُوِيغ-اَوم-د شَا ن لْوَاحِي نِغ شَا ن ثُوْسْنَا نِغ شَا ن وَاوَاڒ إِي عڒْمغ زِي أَربِّـي نِغ شَان ن تَّعْلِيم؟

1 أيث-كورينث 14:6 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:25

ڒخْدّنِّي يسِّيوڒ عِيْسَى ينَّا: "حمْذغ-شك آ بَابَا آ سِيذِي أَربِّـي ن وجنَّا ذ ثْمُوْرْث ڒَاحقَّاش ثسْنُوْفَّرذ مَانَايَا خ يمِيغِيسن ذ لْعُلَمَا، ثْسظْهَارذ-ث-يد إِ يحنْجِيرن يمزْيَانن.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:17

ڒخْدّنِّي ينَّا-ٱس عِيْسَى: "سَّعْذ نّش آ سِمْعَان، آ مِّيس ن يُوْنَا! وَار يدْجِي بُو ذ شَا ن بْنَاذم إِي ذَاش د يسْمظْهَارن مَانَايَا منْغِير بَابَا يدْجَان ذݣ وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 16:26

مِينْزِي غَا ينْفع بْنَاذم مڒَا يرْبح دُّنشْت-أَ قَاع وَا يخْسَر ڒَعْمَر نّس؟ مِين غَا يُوْش بْنَاذم ذݣ ومْشَان ن ڒَعْمَر نّس؟

ڒخذايم 2:42

ڒْمُوْمِنِين ڒبْدَا تسْڒَان إِ تَّعْلِيم ن اَرُّسُل، تْمُوْنن اَݣ وَايَاوْيَا اَم وَاوْمَاثن، تتّن اَغْرُوْم اَݣ وَايَاوْيَا، تْࢲَادْجَان.

أيث-روما 15:14

آي اَيثْمَا، نش مْتيّْقن بلِّي كنِّيو ثشُّوْرم س ڒْخِير ذ مَارَّا ثُوْسْنَا، ثْزمَّرم اَذ تسْڒمْذم اَيَاوْيَا.

أيث-روما 16:17

آي اَيثْمَا، تتَّارغ زَّايْوم اَذ تحْضَام يخف نْوم زݣ يِنِّي يفرّْقن ڒْمُوْمِنِين خ وَايَاوْيَا تݣّن-اَوم مِين يسفْشِيڒن، يعْنِي ضد ثْغُوْرِي نِّي إِي ثْڒمْذم كنِّيو. بعّْذث خَاسن خ يِيْنَا.

أيث-روما 6:17

وَلَكِن أَ نحْمذ أَربِّـي! وَاخَّا ثْطَاعم إِ ڒْمُعْصِيّث قْبڒ، ڒخُّو ثْطَاعَام س وُوْڒَاون نْوم إِ ؤُسڒْمذ نِّي إِي كنِّيو يسِّيوْضن. ثهْنَام زِي ڒْمُعْصِيّث، ثْذوْڒم ذ يسمْغَان إِ مِين يدْجَان نِيشَان.

1 أيث-كورينث 10:33

نش رزُّوْغ اَذ سَارْضِيغ مَارَّا يوْذَان ذِي مَارَّا مِين تݣّغ. وَار رزُّوْغ شَا ڒْخِير إِ يِيخف ينُو، رزُّوْغ-ث إِ مَارَّا يوْذَان بَاش اَذ نجْمن.

1 أيث-كورينث 14:1

ذْفَارث اَبْرِيذ ن ڒمْحِبّث، رْزُوْث مْلِيح خ لْقُدْرَاث رُوْحِيَاث خَاصَّتَن ثنِّي ن وَاوَاڒ يتْوَاعڒْمن زِي أَربِّـي.

1 أيث-كورينث 14:7

أَمنِّي ؤُڒَا ذ لْأَلَاث ن لْمُسِيقَا وَار ذَايْسنْت بُو بُوْحْبڒ اَم ثمْجَا نِغ اَم ثْݣَامْبْرِيت. مڒَا وَار ثْصُوْضذ نِيشَان وَار ثْنقْطذ وَار ذَاش تِيشّن بُو نّغْمَا، وَار ثْزمَّرذ اَذ تسّْنذ لْمُوْسِيقَا نِّي مِين ثعْنَا.

22 أيث-كورينث 11:6

أُو نش وَاخَّا وَار سِّينغ شَا لْخُطْبَا ينُو مْلِيح، وَار ذَايِي ثنْقِيص شَا ثُوْسْنَا. نشِّين ثُوْسْنَا-يَا نسْبيّن-اَوم-ت-يد نِيشَان س مَارَّا ثِمسْڒَايِين.

22 أيث-كورينث 12:1

أُو لَابُد اَذ فْتَخَرغ عَاذ، وَاخَّا وَار ذَايس بُو نّْفَع. أَذ سِّيوْڒغ ڒخُّو خ ثْمسْڒَايِين إِي د يهْوَان ذِي لْوَاحِي ذ ثْمسْڒَايِين ينُّوْفَرن إِي د يسْبيّن سِيذِيثْنغ.

22 أيث-كورينث 12:7

إِذن يمُّوْش-اَيِي يجّن ن وسنَّان ذݣ ويْسُوْم ينُو، مَايمِّي؟ حمَا وَار سمْغَارغ شَا يخف ينُو عْلَاحْسَاب ثِمسْڒَايِين-أَ يسْتْعجِّيبن إِي ذَايِي د يسْبيّن أَربِّـي ذِي لْوَاحِي. أَسنَّان-أَ ونِّي إِي د يسّكّن شِّيطَان يتْعدَّاب-اَيِي بَاش وَار سمْغَارغ شَا يخف ينُو.

أيث-ؤفسوس 1:17

حمَا أَربِّـي بَابَاثْنغ عَظِيم ن سِيذِيثْنغ عِيسَى لْمَسِيح اَذَاوم د يُوْش يجّن ن اَرُّوْح ن ڒفْهَامث، كنِّيو اَذ تْعڒْمم خ مِين ينُوْفَّرن بَاش اَد تسّْنم سِيذِي أَربِّـي مْلِيح.

أيث-ؤفسوس 3:4

خْمِي غَا ثغرم مَانَايَا اَذ تسّْنم ڒفْهَامث ينُو إِي غَارِي ذِي ڒْمَعْنَا-يَا ينُوْفَّرن خ لْمَسِيح.

أيث-فيليـپـي 3:15

فَلِيهَاذَا مَارَّا نشِّين إِݣ يتمْغُوْرن ذِي لْإِيمَان يتْخصَّا أَ نفكَّر اَمنِّي. مڒَا كنِّيو وَار ثْفكَّرم شَا اَمنِّي ذ أَربِّـي إِي كنِّيو غَا يسْفهْمن.

2 تيموتاوس 2:14

سْفكَّر ڒْمُوْمِنِين خ ثْمسْڒَاِيِين-أَ. عْڒم-اَسن زَّاث إِ أَربِّـي بَاش وَار تْمنْغِين شَا خ وَاوَاڒن. أَمنْغِي نِّي وَار ذَايس وَالُو، غِير اَذ يسُوْفغ زݣ وبْرِيذ يِنِّي يتسْڒَان.

2 تيموتاوس 3:10

وَلَكِن شك ثسّْنذ مْلِيح تَّعْلِيم ينُو ذ وبْرِيذ ن ثُوْذَارْث ينُو ذ لْغَرَض ينُو ذ لْإِيمَان ينُو ذ تَّاسِع ن ڒْخَاضَر ينُو ذ ڒمْحِبّث ينُو ذ صّْبَر ينُو

2 تيموتاوس 3:16

أَقَا مَارَّا ثِيْرَا مُقدّْسِين ؤُسِينْت-يد زِي أَرُّوْح ن أَربِّـي، نفّْعنْت حمَا اَزَّايْسنْت نْسڒْمذ اَزَّايْسنْت ننْهَا اَزَّايْسنْت نْصحّح اَزَّايْسنْت نْربَّا عْلَاحْسَاب صُّلْح.

2 تيموتاوس 4:2

بشَّر اَوَاڒ ن أَربِّـي، سوْجذ يخف نّش اَذ تْبشَّرذ ذِي ڒْوقْث نِّي إِي تْرَاجِيذ نِغ ذِي ڒْوقْث نِّي إِي وَار تْرِيجِيذ شَا. ڒْمُوْمِنِين نْهَا-ثن، عْڒم-اَسن، شجّع-يثن س مَارَّا تَّاسِع ن ڒْخَاضَر ذ وسڒْمذ.

ثبرات غار تيتوس 3:8

أَوَاڒ-أَ إِي قَّارغ ذَايس تِّقث. نش خْسغ شك اَذ تْوكّْذذ خ ثْمسْڒَايِين-أَ إِ يِنِّي إِي يُوْمْنن زِي أَربِّـي بَاش اَذ د اَرّن ڒْبَاڒ نْسن اَذ طوّْعن يخف نْسن س لْحَسَانَاث. ثِمسْڒَايِين-أَ ذ ثِصبْحَانِين س وَاطَّاس نفّْعنْت يوْذَان.

يعيبرانيين 13:9

أَرّم-د ڒْبَاڒ نْوم بَاش وَار تْذفَّارم شَا لْأَنْوَاع ن ؤُسڒْمذ فشْكل. شُوْف، ذ لمْلِيح اَذ يجْهذ وُوْڒ نّغ س اَرْضَا مَاشِي س لْمَكْلَا دِّينِيَا، يِنِّي إِي ت يتتّن وَار زَّايس سْتنْفِيعن شَا.

2 بطرس 1:5

فَا خ سَّبَاب-أَ وَانِيتَان، ݣّث لْمجْهُوْد نْوم مَارَّا بَاش اَذ تَرْنِيم مِين يدْجَان ذ اَصبْحَان غَار لْإِيمَان نْوم؛ سّنِّي اَرْنِيم ثُوْسْنَا اَك مَانَايَا يدْجَان ذ اَصبْحَان؛

2 بطرس 3:18

لَّا، أَذ تْمَارْنِيم ذِي اَرْضَا ذ ڒفْهَامث ن سِيذِيثْنغ عِيْسَى لْمَسِيح إِي ذَانغ يسنْجَامن. أَغَارس ثِيڒِي لْعَظَمَا زِي ڒخُو حتَّا اَڒ نْهَار نِّي وَار يفنِّين شَا عمَّارْص. آمِين.

2 يوحنا 1:9

ونِّي يرُوْحن غَار ڒݣّْوَاج وَار يقِّيم شَا ذِي تَّعْلِيم ن لْمَسِيح اَتَاف وَار غَارس شَا أَربِّـي. ونِّي يقِّيمن ذِي تَّعْلِيم-أَ اَغَارس يِيڒِي بَابَاثْنغ اَك مِّيس.