1 أيث-كورينث 14:3 - ثريفيث 2020

³ وَلَكِن ونِّي يسَّاوَاڒن اَك يِوْذَان س مِين يعْڒم زِي أَربِّـي اَتَاف يسَّاوَاض-اَسن يجّن ن وَاوَاڒ بَاش اَذ تْوَاجهّْذن اَذ تْوَاشجّْعن اَذ تْوَاصبَّرن.

1 أيث-كورينث 14:3 ပူးပေါင်းရင်းမြစ်များ

لوقا 3:18

أَمنِّي يَحْيَى يسڒْمَاذ يوْذَان يتْبشَّار-يثن س وَاطَّاس ن ثْمسْڒَايِين نّغْنِي.

ڒخذايم 13:15

منْبَعْد إِ ثْغُوْرِي زِي لْكُتُب ن شَّرِيعَا ن مُوْسَى ذ لْأَنْبِيَا، سّكّن اَرُّوْيَاس ن ثمْزِيذَا اَوَاڒ نْسن إِ بَرْنَابَا ذ شَاوُل نَّان-اَسن: "آي اَيثْمَا، مڒَا غَارْوم شَان وَاوَاڒ إِي زِي غَا ثْشجّْعم شَّعْب-أَ، إِنِيم-اَسن-ث."

ڒخذايم 14:22

ݣِّين ؤُڒ ذݣ يمحْضَارن نِّي، شجّْعن-ثن بَاش اَذ اَرْنِين ذِي لْإِيمَان نْسن. قَّارن-اَسن: أُو لَابُد اَخَانغ ثكّ اَطَّاس ن تَمَارَا بَاش نشِّين ڒْمُوْمِنِين أَ نَاذف ذِي ڒْمُلْك ن أَربِّـي.

ڒخذايم 15:32

يَهُوْذَا ذ سِيلَاس نِثْنِي ذ لْأَنْبِيَا، تْشجَّاعن ڒْمُوْمِنِين س وَاطَّاس ن وَاوَاڒن، ݣِّين ذَايْسن ؤُڒ.

ڒخذايم 4:36

ذِنِّي يجّن قَّارن-اَس يُوْسف، عَاوذ سمَّان-ث اَرُّسُل س بَرْنَابَا يعْنِي <ونِّي يتْشجَّاعن.> نتَّا زِي شُّرْفَا ن اَيث-لَاوِي ذ مِّيس ن ثنْدِينْت ن قُبْرُص.

ڒخذايم 9:31

ذِي ڒْوقْث نّي جْمَاعث ن ڒْمُوْمِنِين ذِي مَارَّا جْوَايه ن يَهُوْذِيَا ذ لْجَلِيل ذ سَمَارْيَا هْنَان. تْوَاجهْذن، تݣّْوْذن زِي سِيذِي أَربِّـي، تْوَاشجَّاعن س أَرُّوْح يقدّْسن، تْمَارْنِين ذِي لْعَدَد.

أيث-روما 12:8

ئِجّن مڒَا يتْشجَّاع، أُو لَابُد اَذ يشجّع. ئِجّن مڒَا يتْصدَّاق، أُو لَابُد اَذ يِيڒِي ذ اَسخَّاي. ئِجّن مڒَا يتْرَايَا، أُو لَابُد اَذ يرَاي س وُوْڒ نّس. ئِجّن مڒَا يرحّم، أُو لَابُد اَذ يرْحم س ڒفْرَاحث نّس.

أيث-روما 14:19

إِذن فَا يتْخصَّا-يَانغ أُو لَابُد أَ نݣّ لْمجْهُوْد نّغ بَاش أَ نݣّ مِين يتَاوِين غَار ڒهْنَا ذ مِينْزِي غَا نْشجّع اَيَاوْيَا.

أيث-روما 15:2

مْكُڒ يجّن زَّايْنغ يتْخصَّا-يَاس اَخَاس يَارْضَا وَاجَّار نّس اَكِذس يݣّ ڒْخِير حمَا اَذ يجْهذ.

1 أيث-كورينث 10:23

مَارَّا ثِمسْڒَايِين حدْجْڒنْت، وَلَكِن مَاشِي مَارَّا ثِمسْڒَايِين تسْتنْفَاعنْت. مَارَّا ثِمسْڒَايِين حدْجْڒنْت، وَلَكِن مَاشِي مَارَّا ثِمسْڒَايِين اَذَانغ سْجهْذنْت.

1 أيث-كورينث 14:12

إِيوَا كنِّيو، وَامِي ثْرزُّوْم اَطَّاس خ لْقُدْرَاث رُوْحِيَاث، ݣّث لْمجْهُوْد نْوم حمَا اَذ تَرْنُوْم ذِي ثِنِّي إِي زِي يسْتنْفَاعن جْمَاعث ن ڒْمُوْمِنِين.

1 أيث-كورينث 14:17

وَاه، يمْكن شك ثْشكَّرذ أَربِّـي وَلَكِن ونِّي نّغْنِي وَار ث ينفّع شَا.

1 أيث-كورينث 14:26

إِذن فَا آي اَيثْمَا، خْمِي غَا ثْمُوْنم يجّن اَغَارس يِيڒِي يجّن ن وغنِّيج، ئِجّن اَغَارس يِيڒِي يجّن ن وَاوَاڒ ن وسڒْمذ، ئِجّن اَغَارس يِيڒِي لْوَاحِي، ئِجّن اَغَارس ثِيڒِي لُّغَا رُوْحِيَا، ئِجّن اَغَارس ثِيڒِي تَّرْجَمَا. مَارَّا ثِمسْڒَايِين-أَ اَذ يڒِينْت حمَا اَذ تْجهْذم.

1 أيث-كورينث 14:31

لِأَنَّا ثْزمَّرم مَارَّا اَذ تسِّيوْڒم س مِين ثْعڒْمم زِي أَربِّـي ئِج-يج حمَا مَارَّا ڒْمُوْمِنِين اَذ ڒمْذن اَذ تْوَاشجّْعن.

1 أيث-كورينث 8:1

فَا لْمَكْلَا يتْقدَّامن إِ لْأَصْنَام. نشِّين مَارَّا إِذْنغ غَارْنغ ثُوْسْنَا، يعْنِي نسّن ثِمسْڒَايِين. ثُوْسْنَا-يَا إِي نسّن تْسُوْفَّا يوْذَان س تَّكبُّر، وَلَكِن ڒمْحِبّث تَرْنِي ذَايْنغ جّْهذ.

22 أيث-كورينث 1:4

ئِتْعَاوَان-اَنغ ذِي مَارَّا تَمَارَا نّغ حمَا نشِّين س ومْعَاوَان-أَ إِي زِي ذَانغ يتْعَاوَان أَربِّـي نْزمَّر أَ نْعَاون يِنِّي يدْجَان ذِي كُڒ تَمَارَا.

22 أيث-كورينث 2:7

ڒخُّو اَذَاس ثْسمْحم عَاوْنم-ث بَاش وَار يغرّق شَا س وخيّق اَطَّاس.

أيث-ؤفسوس 4:29

وَار تجَّاث شَا اَذ د يفّغ زݣ وقمُّوْم نْوم شَان وَاوَاڒ ذ اَعفَّان. لَّا، أَذ د يفّغ زَّايس غِير اَوَاڒ اَصبْحَان ونِّي يتْشجَّاعن ذ ونِّي يتْحلَّالن بَاش اَزَّايس سْنفْعن يِنِّي ذَاس يتسْڒَان.

أيث-ؤفسوس 6:22

تْسكِّيغ-اَوم-ث-يذ إِ كنِّيو خ سَّبَاب-أَ وَانِيتَا بَاش اَذ تسّْنم مَامش دْجِيغ نش اَذ يشجّع ؤُڒَاون نْوم.

أيث-كولوس 4:8

سّكّغ-ث-يذ غَارْوم خ شّْغڒ-أَ وَانِيتَا بَاش اَذ تسّْنم مَامش ندْجَا نشِّين اَذ يشجّع ؤُڒَاون نْوم.

1 أيث-سلونيك 2:11

نْتݣّ اَكِذْوم اَم يِجّن ورْيَاز اَك ثَارْوَا نّس. نتْوصَّا-كنِّيو نتْشجَّاع-يكنِّيو نتْزيَّار خَاوم

1 أيث-سلونيك 2:3

أَوَاڒ نّغ إِي زِي نتْوصَّا وَار د يتِيس شَا زݣ وغْذَار نِغ زِي مِين يخنْزن نِغ زِي ثحْرَايْمِيث.

1 أيث-سلونيك 4:1

فَا آي أَيثْمَا عْلَاحْسَاب ثِمسْڒَايِين نّغْنِي، كنِّيو قَا ثْقبْڒم زَّايْنغ مَامش إِي غَا ثْعِيشم بَاش اَخَاوم يَارْضَا أَربِّـي؛ أَمنِّي عَاوذ إِي تْعِيشم. ڒخُّو ذِي عِيْسَى لْمَسِيح نتْحشَّام-يكنِّيو نتْوصَّا-كنِّيو بَاش اَذ تݣّم عَاذ كْتَار.

1 أيث-سلونيك 4:18

إِذن، شجّْعث اَيَاوْيَا س وَاوَاڒن-أَ.

2 أيث-سلونيك 3:12

ئِوْذَان-أَ نتْوصَّا-ثن نقَّار-اَسن س يِيْسم ن سِيذِيثْنغ عِيْسَى لْمَسِيح اَذ خذْمن س لْمَعْقُوْل اَذ شّن اَغْرُوْم إِي يدْجَان نْسن.

1 تيموتاوس 1:4

أَذَاسن ثِينِيذ وَار ذفَّارم شَا ثِحُوْجَا نِغ ذ ثَشجَّارْث نِّي وَار يقطِّين شَا خ ڒجْذُوْذ نْوم. ثِمسْڒَايِين-أَ اَم ثِيْنَا غِيڒ تْسجَّاعنْت-اَنغ بَاش أَ نْودَّار ذِي لْأَفْكَار يخْوَان، وَار ذَانغ ثْسِيوِّيْضنْت شَا غَار مِين يتْخطّط أَربِّـي مِينْزِي مِين ذَانغ يسَاوَّاضن غَار أَربِّـي نتَّا ذ لْإِيمَان.

1 تيموتاوس 4:13

حتَّا ٱڒ د غَا يَاسغ نش سْخدَّام يخف نّش مْلِيح س ثْغُوْرِي ن لْكُتُب ذ وحدّث ذ وسڒْمذ.

1 تيموتاوس 6:2

ئِسمْغَان ؤُمِي غَار يدْجَا اَيثْبَاب نْسن ذ ڒْمُوْمِنِين وَا لَابُد اَذَاسن تْصنَّاطن إِ اَيثْبَاب نْسن مَاشِي اَذَاسن اَݣِين اَذَاسن ينِين لَّا قَا نشِّين ذ اَوْمَاثن. لَّا، أَذَاسن خذْمن كْتَار لِأَنَّا اَيثْبَاب نْسن ذ نِثْنِي إِي غَا يربْحن زِي ڒْخذْمث نِّي أُو نِثْنِي تَامْنن تْوَاعِيزّن. ثِمسْڒَايِين-أَ سڒْمَاذ-يثنْت شك، زيَّار خَاسنْت.

2 تيموتاوس 4:2

بشَّر اَوَاڒ ن أَربِّـي، سوْجذ يخف نّش اَذ تْبشَّرذ ذِي ڒْوقْث نِّي إِي تْرَاجِيذ نِغ ذِي ڒْوقْث نِّي إِي وَار تْرِيجِيذ شَا. ڒْمُوْمِنِين نْهَا-ثن، عْڒم-اَسن، شجّع-يثن س مَارَّا تَّاسِع ن ڒْخَاضَر ذ وسڒْمذ.

ثبرات غار تيتوس 1:9

ئِتْخصَّا أُو لَابُد اَذ يطّف مْلِيح ذݣ وَاوَاڒ نِّي إِي ذِي ثدْجَا تِّقث إِي ذَاس يتْوَاسْڒمْذن حمَا اَذ يشجّع يوْذَان س يِجّن ن تَّعْلِيم نِيشَان اَذ ينْهَا يِنِّي يتْعَارَّاضن إِ تَّعْلِيم-أَ.

ثبرات غار تيتوس 2:15

سِيوڒ خ ثْمسْڒَايِين-أَ، زيَّار خ ڒْمُوْمِنِين نهَّا-ثن س مَارَّا سُّلْطَا. وَار تجَّا حَدّ اَش يسحْقَر.

ثبرات غار تيتوس 2:6

أَمُّو عَاوذ إِن-اَسن إِ يحنْجِيرن اَغَارْسن يِيڒِي ڒَعْقڒ نْسن.

ثبرات غار تيتوس 2:9

ئِسمْغَان اَذ طَاعن إِ أَيثْبَاب نْسن ذِي كُلْشِي، أَخَاسن اَرْضَان، وَار ذَاسن تݣّن شَا ثَغنَّانْت،

يعيبرانيين 10:25

أَ نْمُوْن اَك وَايَاوْيَا مَاشِي أَ نسْمح ذِي لْوَاجِب-أَ اَم مَامّش نُّوْمن [نِّيْمن] ڒبْعَاض ن يِوْذَان. لَّا، أَ نْشجّع اَيَاوْيَا، أُو كْتَار عَاذ خْمِي نتْوَاڒَا نْهَار ن سِيذِيثْنغ يقَارّب-د.

يعيبرانيين 13:22

فَا آي أَيثْمَا تتَّارغ-اَوم اَذ تصْبَرم إِ وَاوَاڒ ينُو إِي زِي كنِّيو تْوصِّيغ مِينْزِي ؤُرِيغ-اَوم-د غِير يجّن ن ثبْرَات ذ ثَمزْيَانْت.

يعيبرانيين 3:13

لَّا، مڒَا نْزمَّر أَ نِيْنِي <نْهَارَا>، أَتَاف اَذ تْشجّْعم اَيَاوْيَا كُڒ نْهَار بَاش وَار ذِنِّي يتِيڒِي حَدّ زَّايْوم اَذ يذْوڒ يقْسح وُوْڒ نّس اَث تخْذع ڒْمُعْصِيْث نّس.

1 بطرس 5:12

ؤُرِيغ-اَوم-د ثَبْرَات-أَ ثَمزْيَانْت خ ؤُفُوْس ن سِيْلْوَان حسّْبغ-ث نش اَم ؤُمَاثْنغ ذَايس تِّقث. تْشجَّاعغ-كنِّيو، شهّْذغ مِين قَّارغ مَانَايَا ذ اَرْضَا ن أَربِّـي ذ صَّح. بدّم ذَايس نِيْشَان.

ثبرات زي يهوذا 1:20

كنِّيو آي يمْعِيزّن ينُو، بْنَاث يخف نْوم ذِي دْسَاس ن لْإِيمَان يُوْعْڒَان إِي يدْجَان ذَايْوم، ࢲَادْجم س أَرُّوْح يقدّْسن.