1 أيث-كورينث 14:27 - ثريفيث 2020

²⁷ مڒَا ثسِّيوْڒم س يِجّن ن لُّغَا رُوْحِيَا، لَابُد اَذ تسِّيوْڒم ثْنَاين نِغ ثْڒَاثَا أُو صَافِي. أَذ تسِّيوْڒم ئِج-يج، أُو لَابُد اَذ يقِّيم يجّن زَّايْوم اَذ يسْتَرجم.

1 أيث-كورينث 14:27 ပူးပေါင်းရင်းမြစ်များ

1 أيث-كورينث 12:10

ئِجّن يمُّوْش-اَس اَذ يݣّ لْمُعْجِيزَاث. ئِجّن يمُّوْش-اَس اَذ يسِّيوڒ س مِين يعْڒم زِي أَربِّـي. ئِجّن مُّوْشنْت-اَس ثِزمَّار اَذ يميّز جَار ن اَرُّوْحَاث. ئِجّن يمُّوْش-اَس اَذ يسِّيوڒ س ڒبْعَاض ن لُّغَاث رُوْحِيَاث. ئِجّن يمُّوْش-اَس اَذ يسْتَرْجم لُّغَاث نِّي.

1 أيث-كورينث 14:13

س مَانَاينِّي، ونِّي يسَّاوَاڒن س لُّغَاث رُوْحِيَاث يتْخصَّا-يَاس اَذ يࢲَّادْجْ حمَا اَذ يسْتَرْجم مِين يقَّار.

1 أيث-كورينث 14:2

شُوْف، ونِّي يسَّاوَاڒن س لُّغَا رُوْحِيَا، مَا يسَّاوَاڒ اَك يِوْذَان؟ لَّا، ئِسَّاوَاڒ اَك أَربِّـي. وَار ذِنِّي حَدّ إِي ذَاس يفهّْمن، ئِقَّار ثِمسْڒَايِين س أَرُّوْح يقدّْسن ذَايْسنْت ڒْمَعْنَاث ينُوْفَّرن.

1 أيث-كورينث 14:26

إِذن فَا آي اَيثْمَا، خْمِي غَا ثْمُوْنم يجّن اَغَارس يِيڒِي يجّن ن وغنِّيج، ئِجّن اَغَارس يِيڒِي يجّن ن وَاوَاڒ ن وسڒْمذ، ئِجّن اَغَارس يِيڒِي لْوَاحِي، ئِجّن اَغَارس ثِيڒِي لُّغَا رُوْحِيَا، ئِجّن اَغَارس ثِيڒِي تَّرْجَمَا. مَارَّا ثِمسْڒَايِين-أَ اَذ يڒِينْت حمَا اَذ تْجهْذم.

1 أيث-كورينث 14:28

مڒَا وَار ذِنِّي حَدّ اَذ يسْتَرْجم، ونِّي يسَّاوَاڒن اَذ يسْتُوْك اَذ يسِّيوڒ ذݣ وُوْڒ نّس ذ أَربِّـي.

1 أيث-كورينث 14:5

إِيوَا خْسغ مَارَّا كنِّيو اَذ تسِّيوْڒم س لُّغَاث رُوْحِيَاث، وَلَكِن مْلِيح عَاذ اَذ تسِّيوْڒم س وَاوَاڒن إِي ثْعڒْمم زِي أَربِّـي. ونِّي يسَّاوَاڒن س وَاوَاڒ إِݣ يعْڒم زِي أَربِّـي نتَّا يمْغَر خ ونِّي يسَّاوَاڒن س لُّغَاث رُوْحِيَاث، إِلَّا مڒَا شَان يِجّن اَذ يسْتَرْجم حمَا اَذ يسْتنْفع جْمَاعث ن ڒْمُوْمِنِين.