1 أيث-كورينث 14:1 - ثريفيث 2020

¹ ذْفَارث اَبْرِيذ ن ڒمْحِبّث، رْزُوْث مْلِيح خ لْقُدْرَاث رُوْحِيَاث خَاصَّتَن ثنِّي ن وَاوَاڒ يتْوَاعڒْمن زِي أَربِّـي.

1 أيث-كورينث 14:1 ပူးပေါင်းရင်းမြစ်များ

أيث-روما 12:6

عْلَاحْسَاب لْبَرَكَا إِي ذَانغ يمُّوْشن غَارْنغ نشِّين لْقُدْرَاث، كُڒ لْقُدْرَا وَار تْشِيبِّيه شَا ذِي ثنّغْنِي. ئِجّن مڒَا يُوْشَا-اَس أَربِّـي لْوَاحِي، أُو لَابُد اَذ يسخْذم لْقُدْرَا-يَا عْلَاحْسَاب لإِيمَان نّس.

أيث-روما 14:19

إِذن فَا يتْخصَّا-يَانغ أُو لَابُد أَ نݣّ لْمجْهُوْد نّغ بَاش أَ نݣّ مِين يتَاوِين غَار ڒهْنَا ذ مِينْزِي غَا نْشجّع اَيَاوْيَا.

أيث-روما 9:30

إِيوَا، مِين غَا نِينِي؟ يِنِّي وَار يدْجِين شَا زِي أَيث-إِسْرَائِيل تُوْغَا وَار رزُّوْن شَا صُّلْح اَك أَربِّـي، وَلَكِن ؤُفِين-ث وَامِي ؤُمْنن.

1 أيث-كورينث 12:1

فَا اَمَّا لْقُدْرَاث رُوْحِيَاث. آي اَيثْمَا، وَار خْسغ شَا اَخَاسنْت تْقفَاڒم يخف نْوم.

1 أيث-كورينث 12:31

فَا كنِّيو ثْرزُّوْم اَطَّاس خ لْقُدْرَاث يُوْعْڒَان، نش اَذَاوم شرّْحغ يجّن ن وبْرِيذ يُوْعْڒَان خ مَارَّا يبْرِيذن.

1 أيث-كورينث 13:13

أَقَاثن ڒخُّو قِّيمن ثْڒَاثَا-يَا: لْإِيمَان ذ لْأَمَال ذ ڒمْحِبّث يِيْنَا. مَاشَا زِي يِيْنَا ڒمْحِبّث ثُوْعْڒَا.

1 أيث-كورينث 13:2

نش مَعْلِيك غَارِي لْقُدْرَا اَذ سِّيوْڒغ اَم لْأَنْبِيَا، مَعْلِيك فهْمغ مَارَّا مِين ينُوْفَّرن ذ مَارَّا ثُوْسْنَا، مَعْلِيك سْخدَّامغ لْإِيمَان اَذ سْمُوْتِّيغ يذُوْرَار-أَ، إِڒِي ذ وَالُو إِي دْجِيغ نش مڒَا وَار تْحِبِّيغ شَا.

1 أيث-كورينث 14:22

س وَاوَاڒ-أَ، لُّغَاث رُوْحِيَاث نِثنْتِي ذ يجّن ن لْعَلَامَا وَار ثدْجِي بُو إِ يِنِّي يُوْمْنن؛ لَّا، أَقَات إِ يِنِّي وَار يُوْمِينن شَا. وَلَكِن اَوَاڒ نِّي يتْوَاعڒْمن زِي أَربِّـي يسْتنْفَاع يِنِّي يُوْمْنن مَاشِي إِ يِنِّي وَار يُوْمِينن شَا.

1 أيث-كورينث 14:37

مڒَا يجّن يحسّب يخف نّس نِيشَان ذ نَّبِي نِغ ذ يجّن ن بْنَاذم رُوْحِيَا اَتَاف أُو لَابُد اَذ يقْبڒ مِين ذَاوم د تَارِيغ ذِي ثبْرَات-أَ نتَّاث ذ ڒُوْصِيّث ن سِيذِيثْنغ.

1 أيث-كورينث 14:39

س مَانَايَا آي اَيثْمَا، رْزُوْث اَطَّاس حمَا اَذ تسِّيوْڒم س وَاوَاڒ يتْوَاعڒْمن زِي أَربِّـي، أُو عَاوذ وَار منَّاعْث شَا يوْذَان اَذ سِّيوْڒن س لُّغَاث رُوْحِيَاث.

1 أيث-كورينث 16:14

مَارَّا مِين غَا ثݣّم كنِّيو تݣّم-ث س ڒمْحِبّث.

أيث-ؤفسوس 1:3

أَذ يتْوَابَرَك أَربِّـي، بَابَاس ن سِيذِيثْنغ عِيْسَى لْمَسِيح. أُو ذِي لْمَسِيح يبَرك-اَنغ سِيذِي أَربِّـي زِي مْكُڒ لْبَرَكَا رُوْحِيَا إِݣ يدْجَان ذݣ يجنَّاثن.

1 أيث-سلونيك 5:20

وَار تْسحْقَارم شَا اَوَاڒن نِّي إِي عڒْمن يِوْذَان زِي أَربِّـي قَّارن-ثن.

1 تيموتاوس 4:14

وَار تْفرَّاط شَا ذِي لْقُدْرَا نِّي إِي ذَاش يمُّوْشن عْلَاحْسَاب اَوَاڒ نِّي اَصبْحَان إِي خَاش نَّان لْأَنْبِيَا وَامِي اَيْرَاو ن يمقّْرَانن ن جْمَاعث ن ڒْمُوْمِنِين سرْسن خَاش يفَاسّن نْسن.

1 تيموتاوس 5:10

لَابُد اَذ تِيڒِي مَعْرُوْفَا س لْحَسَانَاث نّس يعْنِي مڒَا ثربَّا ثَارْوَا نّس، تْرحَّاب س ينوْجِيون، ثْسِيڒِيذ يضَارن ن صَّالِحِين، تْعَاوَان يِنِّي يتْزيَّارن، ثْذفَّار مَارَّا ثِمسْڒَايِين ثِصبْحَانِين.

1 تيموتاوس 6:11

فَا شك آي اَرْيَاز ن أَربِّـي، ارْوڒ زِي مَارَّا مَانَايَا ذْفَار مِين يدْجَان نِيشَان ذ مِين ذَاس يتعْجِيبن إِ أَربِّـي ذ لْإِيمَان ذ ڒمْحِبّث ذ تَّاسِع ن ڒْخَاضَر ذ تَّوَاضُع.

2 تيموتاوس 2:22

فَا ارْوڒ زِي شَّهَاوَاث نِّي ثِعفَّانِين ن ثمْࢲِي، ذفَّار صُّلْح ذ لْإِيمَان ذ ڒمْحِبّث ذ ڒهْنَا اَك يِنِّي إِي د يڒَاغَان خ سِيذِيثْنغ س يِجّن ن وُوْڒ يصْفَا.

يعيبرانيين 12:14

ݣّث لْمجْهُوْد بَاش اَذ تْعِيشم ذِي ڒهْنَا اَك مَارَّا يوْذَان أُو بَاش اَذ تِيڒِيم ثصْفَام. بْڒَا أَ نِيڒِي نصْفَا وَار ذِنِّي حَدّ إِي غَا يࢲرن مَاوْلَانَا.

2 بطرس 1:7

أُو عَاوذ اَرْنِيم ڒْخِير جَار وَاوْمَاثن اَك طَّاعَا-يَا نْوم إِ أَربِّـي؛ أُو عَاوذ اَرْنِيم ڒمْحِبّث اَك ڒْخِير-أَ نْوم جَار وَاوْمَاثن.

3 يوحنا 1:11

آي ؤُمَا ينُو يعِيزّن، وَار تْقلَّاد شَا مِين يدْجَان ذ اَعفَّان؛ لَّا، قلّد مِين يدْجَان ذ اَصبْحَان. ونِّي يتݣّن مِين يدْجَان ذ اَصبْحَان نتَّا زِي أَربِّـي؛ ونِّي يتݣّن مِين يدْجَان ذ اَعفَّان نتَّا وَار يتْوِيڒِي شَا أَربِّـي.