1 أيث-كورينث 13:5 - ثريفيث 2020

⁵ أَقَا نتَّاث تْسذْحَا. وَار ثْرزُّو شَا خ مِين ثنْوَا نتَّاث وَاهَا. وَار يسْهِيڒ اَذ تْعصّب، مڒَا عْصَان-ت تتُّو ذغْيَا.

1 أيث-كورينث 13:5 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:22

وَلَكِن نش قَّارغ-اَوم: مَارَّا ؤُو غَا يعَصْبن خ وُوْمَاس اَتَاف اَذ يتْوَاحْكم. ونِّي غَا يِينِين إِ وُوْمَاس: آي اَغْيُوْڒ، أَتَاف اَذ يتْوَاحْكم ذِي لْمَحْكَامَا ثَمقّْرَانْت. ذ ونِّي غَا يِينِين إِ وُوْمَاس: آي اَفْغُوْڒ، أَتَاف يسْذَاهدْج اَذ يرَاح غَار ثْمسِّي ن جَهنَّمَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 9:4

عِيْسَى يسّن مِين تْفكَّرن ذِي ڒَعْقُوْڒَاث نْسن ينَّا-ٱسن: "مَايمِّي تْفكَّرم اَمُّو ذِي مِين وَار يحْڒِين؟

مرقس 3:5

ئِخْزَر غَارْسن يعصّب، ئِخيّق ڒَاحقَّاش ؤُڒَاون نْسن قسْحن. ينَّا-ٱس إِ ورْيَاز نِّي: "سَرّح فُوْس نّش." يسَرّح-يث أُوْشَا يذْوڒ وفُوْس نّس يݣنْفَا.

لوقا 7:39

أَفَرِّسِي نِّي إِي ث يعَرْضن وَامِي يࢲْرَا مَانَايَا ينَّا ذِي نّفْس نّس: وَانِيتَا مَعْلِيك ذ نَّبِي اَتَاف اَذ يسّن مِين ثعْنَا ثمْغَارْث-أَ إِي ث يتْحَاذَان، نتَّاث ثعْصَا أَربِّـي.

1 أيث-كورينث 10:24

وَار رزُّوْث شَا ڒْخِير إِ يِيخف نْوم، رْزُوْم-ث إِ وَاجَّار نْوم.

1 أيث-كورينث 10:33

نش رزُّوْغ اَذ سَارْضِيغ مَارَّا يوْذَان ذِي مَارَّا مِين تݣّغ. وَار رزُّوْغ شَا ڒْخِير إِ يِيخف ينُو، رزُّوْغ-ث إِ مَارَّا يوْذَان بَاش اَذ نجْمن.

1 أيث-كورينث 11:18

ذ اَمزْوَارُو، خْمِي تْمُوْنم جْمَاعث ن ڒْمُوْمِنِين تسْڒِيغ بلِّي تِيڒِين جَارَاوم لْخِلَافَاث، أُو نش تَامْنغ مَانَايَا إِلَّا ذَايس شْوَايْت ن صَّح.

1 أيث-كورينث 12:25

أَمُّو وَار يدْجِي بُو لْخِلَاف ذِي دَّات، تْهلَّانْت ذݣ وَايْوَايَا كِيف-كِيف.

1 أيث-كورينث 7:36

فَا ونِّي يخظْبن، مڒَا وَار يزمَّر شَا اَذ يصْبَر خ ثْحنْجِيرْث نِّي يعْنِي وَار يحكّم شَا مْلِيح خ شّهَاوَاث نّس، صَافِي يتْخصَّا-ٱس اَذ يݣّ لْوَاجِب نّس يعْنِي اَذ يمْڒش اَكِذس. مَعْلِيش نتَّا وَار يعصِّي شَا.

22 أيث-كورينث 5:19

يعْنِي أَربِّـي يݣَّا ذِي لْمَسِيح بَاش اَذ يسمْصْڒَاح يوْذَان اَكِذس، وَار خَاسن يحسّب شَا ڒْمُعْصِيَاث نْسن. عَاوذ أَربِّـي يكلّف خَانغ اَوَاڒ-أَ وَانِيتَا ن صُّلْح.

أيث-ݣلاطيا 5:13

شُوْف آي أَيثْمَا، ئِڒَاغَا-يَاوم-د أَربِّـي بَاش اَذ تِيڒِيم حُرّ. وَلَكِن وَار تجَّاث شَا لْحُرِّيَا-يَا نْوم اَذ تِيڒِي ذ يجّن ن وبْرِيذ إِي زِي غَا ثْسعِّيفم شّهْوث ن طَّبِيعَا ثَعفَّانْت نْوم؛ لَّا، أَذ تْسخَّارم إِ وَايَاوْيَا س ڒمْحِبّث.

أيث-فيليـپـي 2:21

مَارَّا رزُّوْن مِين ذَاسن يتْهِيمَان إِ يِيخف نْسن وَاهَا، مَاشِي مِين يتْهِيمَان إِ عِيسَى لْمَسِيح.

أيث-فيليـپـي 4:8

غَار ونݣَّارُو آي أَيثْمَا، مِين يدْجَان ذ لْحَقِيقَا ذ مِينْدِي يدْجَا ڒوْقَّار ذ مِين يدْجَان يسݣّْذن ذ مِين يدْجَان يصْفَان ذ مِين يدْجَان ذ اَصبْحَان ذ مِين خَانغ يعِيزّن ذ اَيِّي ثَمسْڒَايْث ذ ثَصبْحَانْت اَطَّاس اَذَاس نُوْش لْقِيمَا يتْخصَّا كنِّيو اَذ تْفكَّرم ذِي ثْمسْڒَايِين-أَ.

2 أيث-سلونيك 3:7

كنِّيو س يِيخف نْوم ثسّْنم أُو لَابُد اَذ تبْعم اَبْرِيذ نِّي إِي نݣَّا جَارَاوم. نشِّين وَار نتْبِيع شَا فَرْق-شّْغڒ وَامِي تُوْغَانغ اَكِذْوم.

2 تيموتاوس 2:10

خ مَانَايَا نش صبَّارغ خ مَارَّا ثِمسْڒَايِين عْلَاحْسَاب يِنِّي يتْوَاخْضَرن حمَا ؤُڒَا ذ يِيْنَا اَذ نجّْمن س وفُوْس ن عِيْسَى لْمَسِيح، أَكِذس يجّن لْعَظَمَا إِي وَار يفنِّين شَا.

2 تيموتاوس 4:16

وَامِي ذَافْعغ خ يِيخف ينُو ثْوَاڒَا ثَمزْوَارُوْت ذِي لْمَحْكَامَا مَارَّا سمْحن ذَايِي ؤُڒَا ذ يجّن مَا يبدّ اَكِذِي. وَار خَاسن ت يتْحِيسِيب شَا سِيذِي أَربِّـي.

ثبرات غار يعقوب 1:19

شُوْف آي أَيثْمَا ينُو يمْعِيزّن، ئِتْخصَّا كُڒ يجّن اَذ يتْسڒَا ٱطَّاس، أَذ يفكَّر قْبڒ مَا ٱذ يسِّيوڒ، وَار يتْعَصِّيب شَا ذغْيَا.