1 أيث-كورينث 13:4 - ثريفيث 2020

⁴ ڒمْحِبّث ذَايس تِّسَاع ن ڒْخَاضَر، ذَايس يج ن لْحَنَانَا. نتَّاث وَار تفْتَخَر وَار ثْحسّذ شَا. وَار ذَايس تَّكبُّر،

1 أيث-كورينث 13:4 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 27:18

تُوْغَا يسّن بِيلَاطُس بلِّي سلّْمن-اَس عِيْسَى ڒَاحقَّاش حسْذن-ث.

ڒخذايم 7:9

ڒجْذُوْذ نّغ حسّْذن ؤُمَاثْسن يُوْسف، زّنْزن-ث اَذ يذْوڒ ذ يسْمغ ذِي مِصْرَا. وَلَكِن أَربِّـي اَقَاث اَكِذس،

أيث-روما 1:29

نِثْنِي شُّوْرن س كُڒ نُّوْع ن ڒْمُعْصِيَاث ذ شَّرّْ ذ طّْمَع ذ ڒقْبَاحث ذ ڒحْسذ. نقّن يوْذَان تْمنْغَان. شُّوْرن س ؤُغْذَار ذ مِين وَار يحْڒِين، قَّارن نَّمِيمَا.

أيث-روما 13:13

ئِتخصَّا لَابُد أَ نُوْيُوْر س لْإِحْتِرَام اَم ونِّي يݣُّوْرن ذِي ثْفَاوْث ن نْهَار. وَار نْتݣّ شَا لْمَدلَّا ن سّكْرَا ذ وَاطَّاس ن شّْرب ذ لْفَسَاد ذ ڒقْبَاحْث ذ ومنْغِي ذ ڒحْسذ.

1 أيث-كورينث 3:3

كنِّيو عَاذ تݣّم اَرَّاي إِ طَّبِيعَا ثَعفَّانْت نْوم. مڒَا يتِيڒِي ڒحْسذ جَارَاوم ذ ومنْغِي، أَتَاف تݣّم اَرَّاي إِ طَّبِيعَا ثَعفَّانْت نْوم اَتَاف تْعِيشم اَم يِوْذَان ن دُّنشْت-أَ وَاهَا، نِغ لَّا؟

1 أيث-كورينث 4:18

فَا ڒبْعَاض زَّايْوم ذَايْسن تَّكبُّر، تْغِير-اَسن نش وَار غَارْوم د تِيسغ شَا.

1 أيث-كورينث 4:6

آي اَيثْمَا قَّارغ مَانَايَا خ أَپُـوْلُّوْس ذ نش، مثّْلغ مَانَايَا حمَا اَزَّايس ثَاوِيم نّْفَع. كنِّيو اَذ تْڒمْذم زَّايْنغ مِين يعْنَا لْمِثَال نِّي يقَّارن "وَار تْبعَّاذث شَا زِي مِين يُوْرِين ذِي لْكِتَاب." أَمنِّي وَار ذِنِّي حَدّ اَذ يسشْنع شَان ورْيَاز خ ونّغْنِي.

1 أيث-كورينث 5:2

ئِي كنِّيو، مَا ذَايْوم تَّكبُّر؟! لَّا، كنِّيو يتْخصَّا اَذ تْخيّْقم. ئِتْخصَّا اَذ تْسُوْفْغم ونِّي يݣِّين مَانَايَا زِي جْمَاعث نْوم.

1 أيث-كورينث 8:1

فَا لْمَكْلَا يتْقدَّامن إِ لْأَصْنَام. نشِّين مَارَّا إِذْنغ غَارْنغ ثُوْسْنَا، يعْنِي نسّن ثِمسْڒَايِين. ثُوْسْنَا-يَا إِي نسّن تْسُوْفَّا يوْذَان س تَّكبُّر، وَلَكِن ڒمْحِبّث تَرْنِي ذَايْنغ جّْهذ.

22 أيث-كورينث 12:20

شُوْف، ݣّْوْذغ خْمِي د غَا اَوْضغ وَار كنِّيو تِيفغ شَا مَامّش تْمنِّيغ اَكنِّيو اَفغ. أُو عَاوذ وَار ذَايِي تِيفم شَا مَامّش تْمنِّيم اَذَايِي ثَافم. ݣّْوْذغ اَذ اَفغ جَارَاوم اَمنْغِي ذ ڒحْسذ ذ وعَصّب، كُڒ يجّن يرزُّو إِ يِيخف نّس وَاهَا، ذ ڒْبَاطڒ ذ نَّمِيمَا، ذَايْوم تَّكبُّور ذ ڒْفَاوْضَا.

22 أيث-كورينث 6:6

نتْقدَّام-اَوم يخف نّغ س صّْفَا إِي غَارْنغ ذ ڒفْهَامث ذ تَّسِيع ن ڒْخَاضَر ذ ڒْخِير ذ أَرُّوْح يقدّْسن ذ يجّن ن ڒمْحِبّث بْڒَا نِّفَاق؛

أيث-ݣلاطيا 5:26

وَار نْسمْغَار شَا يخف نّغ س تَّكبُّر، وَار ذَايْنغ يتِيڒِي شَا ڒحْسذ ذ ثْغنَّانْت جَارَانغ.

أيث-ؤفسوس 4:2

إِڒِيم بْڒَا تَّكبُّوْر قَاع. إِڒِيم س يِجّن ن تَّوَاضُع. صْبَرم اَك وَايَاوْيَا س تَّاسِع ن ڒْخَاضَر ذ ڒمْحِبّث.

أيث-ؤفسوس 4:32

تݣّث ڒْخِير اَك وَايَاوْيَا، تْحِنَّام خ وَايَاوْيَا. سمّْحم إِ وَايَاوْيَا مَامّش ذَاوم يغْفَر أَربِّـي ذِي لْمَسِيح.

أيث-فيليـپـي 1:15

ذ صَّح ذِنِّي ڒبْعَاض تْبشَّارن س لْمَسِيح س ڒحْسذ ذ لْعَدَاوَا، أُو ذِنِّي ڒبْعَاض تْبشَّارن نِيشَان س ڒْخَاضَر نْسن.

أيث-كولوس 1:11

نْتتَّار إِ أَربِّـي اَذ تْجهْذم ذِي مَارَّا ثِزمَّار نْوم عْلَاحْسَاب لْقُوَّا نّس يدْجَان عَظِيمَا بَاش اَذ تْبدّم اَذ تصْبَارم مْلِيح س ڒفْرَاحث،

أيث-كولوس 2:18

وَار تجَّام ؤُڒَا ذ يجّن ن بْنَاذم اَكنِّيو يسْبطّڒ خ لْجَائِزَا. نتَّا بْنَاذم نِّي ذ ونِّي إِݣ يسمْغَارن مِين يقسْحن ذِي دِّين، ئِسمْغَار عَاوذ لْعِبَادَا نِّي إِي زِي عبّْذن لْمَلَائِكَاث. ئِسَّاوَاڒ اَطَّاس ثَا س ثَا خ مِين يࢲْرَا زَعْمَا ذِي شَا ن لْوَاحِي نّس. ڒْعَقڒ نّس يُوْفّ يمْغَر س تَّكبُّر. وَار ذِنِّي بُو أَرُّوْح يقدّْسن، ذِنِّي لْأَفْكَار نّس يخْوَان وَاهَا.

أيث-كولوس 3:12

إِذن كنِّيو ذ شَّعْب مُقدّس يخْضَر-يكنِّيو أَربِّـي ثْعِيزّم خَاس. لَابُد اَذَايْوم ثِيڒِي لْحَنَانَا ذ ڒْخِير ذ تَّوَاضُع ذ صّْبَر أُو مَارَّا بْڒَا تَّكبُّر.

1 أيث-سلونيك 5:14

آي أَيثْمَا، نْهَاث يِنِّي يتْبَاعن فَرْق-شّْغڒ، شجّْعث يِنِّي يتفْشِيڒن، عَاوْنث يِنِّي يتضْعِيفن، صبَّارث اَك مَارَّا.

1 تيموتاوس 6:4

اَتَاف نتَّا يُوْفّ س تَّكبُّوْر وَار يفهّم وَالُو قَاع. ئِهْڒش يرزُّو غِير اَمْخَرْوَاض ذ ؤُمْنَقَار خ وَاوَاڒن إِي زِي د يتَاس ڒحْسذ ذ ؤُمنْغِي ذ ڒْبَاطڒ ذ لْأَفْكَار ذ ثِعفَّانِين.

2 تيموتاوس 2:25

أَذ يصحَّاح س يِجّن ن وُوْڒ يصبَّارن إِ يِنِّي إِي ذَاس يتْعَارَّاضن؛ حمَا مڒَا يخس أَربِّـي اَثن يجّ اَذ تُوْبن اَذ سّْنن لْحَقِيقَا.

2 تيموتاوس 3:10

وَلَكِن شك ثسّْنذ مْلِيح تَّعْلِيم ينُو ذ وبْرِيذ ن ثُوْذَارْث ينُو ذ لْغَرَض ينُو ذ لْإِيمَان ينُو ذ تَّاسِع ن ڒْخَاضَر ينُو ذ ڒمْحِبّث ينُو ذ صّْبَر ينُو

2 تيموتاوس 4:2

بشَّر اَوَاڒ ن أَربِّـي، سوْجذ يخف نّش اَذ تْبشَّرذ ذِي ڒْوقْث نِّي إِي تْرَاجِيذ نِغ ذِي ڒْوقْث نِّي إِي وَار تْرِيجِيذ شَا. ڒْمُوْمِنِين نْهَا-ثن، عْڒم-اَسن، شجّع-يثن س مَارَّا تَّاسِع ن ڒْخَاضَر ذ وسڒْمذ.

ثبرات غار تيتوس 3:3

شُوْف، نشِّين عَاوذ تُوْغَا ذَايْنغ يجّن ن ڒقْفَاڒث، وَار نتْطِيعِي شَا، نتْوَاشمّث، حكّْمنْت خَانغ اَطَّاس ن لْأَنْوَاع ن شّهَاوَاث ذ زّْهُو. تُوْغَا نتْعِيش ذݣ يِجّن ن ڒقْبَاحث ذ ڒحْسذ، عِيفّن-اَنغ يِوْذَان، نتْعِيفَّا اَيَاوْيَا.

ثبرات غار يعقوب 4:5

اَوَاڒ ن لْكِتَاب يقَّار: <أَرُّوْح نِّي إِي ذَايْنغ يݣَّا أَربِّـي يْعِيزّ خَاس اَطَّاس.> مَا تْغِير-أَوم اَوَاڒ نِّي وَار غَارس بُو ڒْمَعْنَا؟

1 بطرس 2:1

إِذن فَا كّْسث زݣ وُوْرَاون نْوم مَارَّا شَّرّْ ذ مَارَّا لْغذْرَان ذ نِّفَاق ذ ڒحْسذ ذ مَارَّا ڒْبَاطڒ.

1 بطرس 3:8

لْمُهِيم، ئِتْخصَّا-كنِّيو مَارَّا إِذْوم ڒَعْقُوْڒَاث نْوم اَذ يڒِين ذ يجّن، أَذ تسْحِيسّم اَك وَايَاوْيَا، أَغَارْوم ثِيڒِي يِجّن ن ڒمْحِبّث ن وَاوْمَاثن، أَذ تْحِينّم ذݣ وَايَاوْيَا، وَار ذَايْوم يتِيڒِي بُو تَّكبُّر.

1 بطرس 4:8

مِين يدْجَان مُهِم قَاع؟ ئِتْخصَّا اَذ تْحِبّم اَيَاوْيَا زݣ وُوْڒ مِينْزِي ڒمْحِبّث ثْقطَّا خ وَاطَّاس ن دُّنُوْب.

2 بطرس 1:7

أُو عَاوذ اَرْنِيم ڒْخِير جَار وَاوْمَاثن اَك طَّاعَا-يَا نْوم إِ أَربِّـي؛ أُو عَاوذ اَرْنِيم ڒمْحِبّث اَك ڒْخِير-أَ نْوم جَار وَاوْمَاثن.

1 يوحنا 4:11

آي يمْعِيزّن ينُو، مڒَا اَنشْتُوْيَا إِي ذَانغ يخس أَربِّـي، ئِتْخصَّا ؤُڒَا ذ نشِّين أَ نخْس اَيَاوْيَا.