1 أيث-كورينث 13:2 - ثريفيث 2020

² نش مَعْلِيك غَارِي لْقُدْرَا اَذ سِّيوْڒغ اَم لْأَنْبِيَا، مَعْلِيك فهْمغ مَارَّا مِين ينُوْفَّرن ذ مَارَّا ثُوْسْنَا، مَعْلِيك سْخدَّامغ لْإِيمَان اَذ سْمُوْتِّيغ يذُوْرَار-أَ، إِڒِي ذ وَالُو إِي دْجِيغ نش مڒَا وَار تْحِبِّيغ شَا.

1 أيث-كورينث 13:2 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:11

ئِنْدق-د عِيْسَى ينَّا-ٱسن: "ئِتْوَاسْمح إِ كنِّيو اَذ تسّْنم مِين ينُوْفَّارن ذِي ڒْمُلْك وجنَّا. وَلَكِن نِثْنِي لَّا، وَار ذَاسن يتْوَاسْمح شَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 17:20

ينَّا-ٱسن عِيْسَى: "ڒَاحقَّاش لْإِيمَان نْوم ذ ؤُقْلِيل. أَقَا تسْڒَام ڒْحَقّ: مْڒِي ذَايْوم لْإِيمَان غِير اَنشْت يجّن ن ثْحبُّوْشْت ن بُوْݣَرْذَاڒ، أَذ تِينِيم إِ وذْرَار-أَ: نقْڒع-د شك سَّانِيتَا رُوْح غَار ذِيهَا اَتَاف اَذ د ينقْڒع. وَار خَاوم يتقْسِيح وَالُو.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:19

ئِࢲْرَا يجّن ن ثْشجَّارْث ن ثَازَارْث خ وبْرِيذ يرُوْح غَارس يُوْفِي-ت ذَايس ثِيفْرَاي وَاهَا. ينَّا-ٱس: "شم زِي سَّا اَڒ ثْسَاونْت عمَّارْص اَذ تَارْوذ." ڒخْدّنِّي ثُوْزغ ثْشجَّارْث نِّي ن ثَازَارْث.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:21

ئِنْدق-د عِيْسَى ينَّا-ٱسن: "أَقَا تسْڒَام ڒْحَقّ: مْڒِي ذَايْوم لْإِيمَان وَار ثْشكِّيم شَا، أَتَاف اَذ تݣّم كْتَار زِي مِين يتْوَاݣّن إِ ثْشجَّارْث-أَ. مڒَا ثنِّيم إِ وذْرَار-أَ: نقْڒع-د شك سَّانِيتَا ثْمنْضَارذ ذِي ڒبْحَر، أَتَاف اَذ ينقْڒع.

ڒخذايم 13:1

ذِي جْمَاعث ن ڒْمُوْمِنِين ذِي ثنْدِينْت ن وَانْطَاكْيَا ذِنِّي لْأَنْبِيَا ذ يمْسڒْمَاذن. نِثْنِي ذ بَرْنَابَا، ذ سِمْعَان ونِّي ؤُمِي قَّارن أَبرْشَان، ذ لُوْقْيُوْس زِي لْقُرِينَا، ذ مَنَاهن ونِّي إِݣ يربَّان اَك وزدْجِيذ هِيرُدُوْس زِي ثمْزِي نّس، ذ شَاوُل.

أيث-روما 11:25

آي اَيثْمَا، حمَا وَار ذَاوم يتِيڒِي شَا تَّكبُّر رزُّوْغ اَذ تْفهْمم ثَمسْڒَايْث-أَ ثَانِيتَا ينُوْفَّرن، يعْنِي أَيث-إِسْرَائِيل ذَايْسن يجّن ن ثْغنَّانْت وَار تْغِيمِي شَا إِ ڒبْدَا. أَذ تقِّيم اَڒ غَا يكمّڒ لْعَدَد نِّي ن ڒْمُوْمِنِين إِي غَا ينجْمن زݣ يِنِّي وَار يدْجِين شَا زِي أَيث-إِسْرَائِيل.

أيث-روما 15:14

آي اَيثْمَا، نش مْتيّْقن بلِّي كنِّيو ثشُّوْرم س ڒْخِير ذ مَارَّا ثُوْسْنَا، ثْزمَّرم اَذ تسْڒمْذم اَيَاوْيَا.

أيث-روما 16:25

ئِتْوَابَرَاك أَربِّـي! نتَّا ذ ونِّي يزمَّرن اَذَاوم يُوْش جّْهذ س لْإِنْجِيل-أَ إِي تْبشَّارغ أُو عَاوذ س ؤُحدّث ن عِيْسَى لْمَسِيح عْلَاحْسَاب مِين د يبَانن تُوْغَاث مَانَاينِّي زِي زْمَان ينُوْفَّر.

1 أيث-كورينث 11:4

مْكُڒ اَرْيَاز إِݣ يتْࢲَادْجَان نِغ يسَّاوَاڒ س مِين يعْڒم زِي أَربِّـي اَزدْجِيف نّس يغمّس، أَتَاف نتَّا وَار يتْوقَّر شَا اَزدْجِيف نّس.

1 أيث-كورينث 12:28

ذِي جْمَاعث-أَ ن ڒْمُوْمِنِين يرتّب أَربِّـي ذ اَمزْوَارُو أَرُّسُل، وِيس ثْنَاين لْأَنْبِيَا، وِيس ثْڒَاثَا يمْسڒْمَاذن، منْبَعْد يِنِّي يسْخدَّامن لْمُعْجِيزَاث ذ يِنِّي غَار دْجَانْت لْقُدْرَاث بَاش اَذ سْݣنْفَان يوْذَان، ذ يِنِّي يتْعَاوَانن، ذ يِنِّي يتْكلَّافن س ڒْخذْمث، ذ يِنِّي يسَّاوَاڒن س ڒبْعَاض ن لُّغَاث رُوْحِيَاث.

1 أيث-كورينث 13:1

مَعْلِيك سَّاوَاڒغ س يِيڒسَاون ن يثَرَّاسن س لُّغَا، مَعْلِيك سَّاوَاڒغ س لُّغَا ن لْمَلَائِكَاث يعْنِي رُوْحِيَا، مَاشَا ڒمْحِبّث وَار ذَايِـي تِيڒِي شَا، إِڒِي تْسدَّاعغ اَم يِج ن دَرْبُوْݣَا، تمْقرْقَابغ اَم ڒقْرَاقب وَاهَا.

1 أيث-كورينث 13:3

نش مَعْلِيك صدّْقغ مَارَّا مِين غَارِي ذ اَݣْڒَا، مَعْلِيك سلّْمغ يخف ينُو اَذ سْحرْقن دَّات-أَ، إِڒِي نش وَار ربْحغ وَالُو مڒَا وَار تْحِبِّيغ شَا.

1 أيث-كورينث 13:8

ڒمْحِبّث-أَ نتَّاث عمَّارْص اَذ تقْضَا، مَاشَا اَذ نْتَاهَان وَاوَاڒن ن لْأَنْبِيَا، ئِڒسَاون ن يثَرَّاسن وَار تْغِيمِن شَا ذ لُّغَا، لْمَعْرِيفَا اَذ تْوَاكمّڒ يعْنِي ثُوْسْنَا.

1 أيث-كورينث 14:29

فَا لْأَنْبِيَا أُو لَابُد اَذ سِّيوْڒن ثْنَاين نِغ ثْڒَاثَا. ئِنّغْنِي اَذ ميّْزن اَوَاڒن نِّي.

1 أيث-كورينث 14:39

س مَانَايَا آي اَيثْمَا، رْزُوْث اَطَّاس حمَا اَذ تسِّيوْڒم س وَاوَاڒ يتْوَاعڒْمن زِي أَربِّـي، أُو عَاوذ وَار منَّاعْث شَا يوْذَان اَذ سِّيوْڒن س لُّغَاث رُوْحِيَاث.

1 أيث-كورينث 14:4

ونِّي يسَّاوَاڒن س لُّغَا رُوْحِيَا يسْتنْفَاع يخف نّس. ونِّي يسَّاوَاڒن س مِين يعْڒم زِي أَربِّـي يسْتنْفَاع جْمَاعث ن ڒْمُوْمِنِين.

1 أيث-كورينث 15:51

أَقَا قَّارغ-اَوم يجّن ن ثْمسْڒَايْث ڒْمَعْنَا نّس ينُوْفَّرن: قَا وَار نتْمتِّي شَا س مَارَّا إِذْنغ. خْمِي غَا يصُوْض زَّامَّار اَنݣَّارُو اَتَاف أَ نْبدّڒ مَارَّا إِذْنغ ذِي صِّفث نّغْنِي. مَانَايَا اَذ يِيڒِي ذغْيَا ذݣ يِجّن ن وَارْمَاش ن ثِيطّ. أَذ يصُوْض زَّامَّار نِّي ثُمَّا اَذ د تْوَاسْنكَّرن يمتِّينن يعْنِي اَذ دُوْمَان إِ ڒبْدَا أَ نِيڒِي نْبدّڒ ذِي صِّفث نّغْنِي.

1 أيث-كورينث 16:22

ونِّي وَار يخْسن شَا سِيذِيثْنغ اَذ يتْوَاحَارّم. أَرَاح-د آ مَوْلَانَا!

1 أيث-كورينث 4:1

شُوْف، أَمُّو يتْخصَّا اَذَانغ ࢲرن يِوْذَان يعْنِي نشِّين ذ يخدَّامن ن لْمَسِيح، نشِّين نتْكلَّاف خ ثْمسْڒَايِين ينُوْفَّرن ن أَربِّـي.

1 أيث-كورينث 7:19

مڒَا يتْطهَّار نِغ وَار يتْطهِّير شَا، مَانَاينِّي يتْوَاحْسَاب ذ وَالُو. مڒَا يتݣّ س ڒُوْصِيَاث ن أَربِّـي ذ مَانَاينِّي إِݣ يتْوَاحْسَابن.

1 أيث-كورينث 8:4

أَمَّا لْمَكْلَا يتْقدَّامن إِ لْأَصْنَام، نسّن لْأَصْنَام دْجَان ذِي دُّنشْت-أَ وَلَكِن ذ يخَرِّيقن وَاهَا. نسّن نشِّين يجّن ن أَربِّـي إِݣ يدْجَان، وَاحْذس.

22 أيث-كورينث 12:11

عَاذ سَّاوَاڒغ س ثُوْبُّوْهْڒِيَا-يَا زَعْمَا، ذ كنِّيو إِي خَافِي يبزّن اَمُّو. شُوْف، تُوْغَا يتْخصَّا-كنِّيو اَذَايِي ثْشكَرم، مَايمِّي؟ لِأَنَّا نش وَاخَّا ذ وَالُو إِي دْجِيغ، وَار دْجِيغ بُو ذ اَنقْصِي زِي اَرُّسُل نِّي يمزْوُوْرَا.

أيث-ݣلاطيا 5:16

فَا نِّيغ-اَوم، تْعِيشث عْلَاحْسَاب ڒْخَاضَر ن أَرُّوْح يقدّْسن ثُمَّا وَار تْسعِّيفم شَا شّهَاوَاث ن طَّبِيعَا ثَعفَّانْت نْوم.

أيث-ݣلاطيا 5:22

فَا مِين د يتَارو أَرُّوْح يقدّْسن؟ ئِتَارو-د ڒمْحِبّث ذ ڒفْرَاحث ذ ڒهْنَا ذ تَّاسِع ن ڒْخَاضَر ذ ڒْخِير ذ وُوْڒ اَشمْڒَاڒ ذ بْنَاذم ذِي يدْجَا تِّقث

أيث-ݣلاطيا 6:3

شُوْف، مڒَا شَان ن بْنَاذم يتْفكَّار اَذ يفْتَخَر س يِيخف نّس وَلَكِن نتَّا وَار ذَايس وَالُو، أَتَاف يخدّع يخف نّس.

أيث-ؤفسوس 3:4

خْمِي غَا ثغرم مَانَايَا اَذ تسّْنم ڒفْهَامث ينُو إِي غَارِي ذِي ڒْمَعْنَا-يَا ينُوْفَّرن خ لْمَسِيح.

أيث-ؤفسوس 6:19

تَّارم خَافِي نش عَاوذ مڒْمِي مَا رزْمغ اَقمُّوْم ينُو اَذَايِي مُوْشّن وَاوَاڒن إِي زِي غَا بشَّرغ س ڒْمَعْنَا ينُوْفَّرن ن لْإِنْجِيل.

أيث-كولوس 1:26

أَوَاڒ-أَ نتَّا ذ ڒْمَعْنَا نِّي إِي تُوْغَا ينُوْفَّرن ذِي زْمَانَاث ذ لْجِلَاث يعْذُوْن، ڒخُّو اَرِّين-د خَاس ڒخْبَار صَّالِحِين.

1 تيموتاوس 3:16

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان: نتَّا، ذ بْنَاذم إِي د يمظْهَارن، ذ أَرُّوْح إِي خَاس يشهْذن. نتَّا، ذ لْمَلَائِكَاث إِي ذَايس يخْزَرن، ذ ڒݣْنُوْس إِي زَّايس يتْوَابشَّرن. نتَّا، ذِي دُّنشْت-أَ يِنِّي إِي زَّايس يُوْمْنن، ذ لْعَظَمَا ن وجنَّا إِي ث يقبْڒن.

1 يوحنا 4:8

ونِّي وَار يتخْسن شَا وَار يسِّين شَا أَربِّـي ڒَاحقَّاش أَربِّـي ذ ڒمْحِبّث إِݣ يدْجَا.