1 أيث-كورينث 12:9 - ثريفيث 2020

⁹ ئِجّن يمُّوْش-اَس لْإِيمَان يجْهذ س وفُوْس ن أَرُّوْح-أَ وَانِيتَا. ئِجّن مُّوْشنْت-اَس شَان لْقُدْرَاث بَاش اَذ يسْݣنْفَا س وفُوْس ن أَرُّوْح-أَ وَانِيتَا.

1 أيث-كورينث 12:9 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:8

سْݣنْفَام يمهْڒَاش، سْفَاقم-د يِنِّي يمُّوْثن، سِيصْفَام يِنِّي إِݣ يدْجَا جْذَام، سُوْفْغم جْنُوْن. مَانَايَا يمُّوْش-اَوم بَاطڒ، ؤُڒَا ذ كنِّيو ؤُشم-ث بَاطڒ!

أَسڒْمذ ن سِيذِيثْنغ عِيْسَى لْكِتَاب ن مَتَّى 21:21

ئِنْدق-د عِيْسَى ينَّا-ٱسن: "أَقَا تسْڒَام ڒْحَقّ: مْڒِي ذَايْوم لْإِيمَان وَار ثْشكِّيم شَا، أَتَاف اَذ تݣّم كْتَار زِي مِين يتْوَاݣّن إِ ثْشجَّارْث-أَ. مڒَا ثنِّيم إِ وذْرَار-أَ: نقْڒع-د شك سَّانِيتَا ثْمنْضَارذ ذِي ڒبْحَر، أَتَاف اَذ ينقْڒع.

مرقس 16:18

أَذ يْسِين يفِيْغرَان س يفَاسّن نْسن. مڒَا سْوِين مِين ينقّن، أَتَاف وَار ثن يضَرِّي شَا. أَذ سرْسن يفَاسّن نْسن خ يمهْڒَاش اَذ ݣنْفَان."

مرقس 6:13

سُوْفْغن اَطَّاس ن جْنُوْن، ذهْنن إِ وَاطَّاس ن يمهْڒَاش س زّشْت سْݣنْفَان-ثن.

لوقا 10:9

سْݣنْفَام يمهْڒَاش نْسن إِنِيم-اَسن قَا ڒْمُلْك ن أَربِّـي يُوْذس-د غَارْوم.

لوقا 9:2

ئِسّكّ-يثن حمَا اَذ بشَّرن س ڒْمُلْك ن أَربِّـي اَذ سْݣنْفَان يمهْڒَاش.

ڒخذايم 5:15

ئِوْذَان سُوْفُوْغن-د يمهْڒَاش نْسن غار زْنَاقِي، سْرُوْسَان-ثن خ ثَاسُّوْث ذ يجَرْثِيڒن حمَا اَخْمِي سّنِّي د غَا يعْذُو بُطْرُس، يمْكن اَذ يڒْقف ڒبْعَاض زَّايْسن س ثِيڒِي نّس.

1 أيث-كورينث 12:28

ذِي جْمَاعث-أَ ن ڒْمُوْمِنِين يرتّب أَربِّـي ذ اَمزْوَارُو أَرُّسُل، وِيس ثْنَاين لْأَنْبِيَا، وِيس ثْڒَاثَا يمْسڒْمَاذن، منْبَعْد يِنِّي يسْخدَّامن لْمُعْجِيزَاث ذ يِنِّي غَار دْجَانْت لْقُدْرَاث بَاش اَذ سْݣنْفَان يوْذَان، ذ يِنِّي يتْعَاوَانن، ذ يِنِّي يتْكلَّافن س ڒْخذْمث، ذ يِنِّي يسَّاوَاڒن س ڒبْعَاض ن لُّغَاث رُوْحِيَاث.

1 أيث-كورينث 12:30

مَا مَارَّا إِذْسن غَارْسن لْقُدْرَاث اَذ سْݣنْفَان؟ مَا مَارَّا إِذْسن سَّاوَاڒن س لُّغَاث رُوْحِيَاث؟ مَا مَارَّا إِذْسن سْتَرْجَامن؟

1 أيث-كورينث 13:2

نش مَعْلِيك غَارِي لْقُدْرَا اَذ سِّيوْڒغ اَم لْأَنْبِيَا، مَعْلِيك فهْمغ مَارَّا مِين ينُوْفَّرن ذ مَارَّا ثُوْسْنَا، مَعْلِيك سْخدَّامغ لْإِيمَان اَذ سْمُوْتِّيغ يذُوْرَار-أَ، إِڒِي ذ وَالُو إِي دْجِيغ نش مڒَا وَار تْحِبِّيغ شَا.

22 أيث-كورينث 4:13

ئِقَّار يِجّن ذِي لْكِتَاب: "ؤُمْنغ، س مَانَايَا سِّيوْڒغ." نّفْس لْإِيمَان-أَ يدْجَان ذَايْنغ، زَّايس إِي نْتَامن زَّايس إِي نسَّاوَاڒ.

أيث-ؤفسوس 2:8

أَقَا س اَرْضَا ن سِيذِي أَربِّـي إِي زِي ثْنجْمم وَامِي ثُوْمْنم. مَانَايَا وَار زَّايْوم د يتكّ شَا زِي كنِّيو؛ لَّا، مَانَايَا يتكّ-د زِي لْهَدِيَا ن أَربِّـي.

يعيبرانيين 11:33

س لْإِيمَان كَّرن نِثْنِي ربْحن لْممْلَاكَاث، حكْمن س ڒْحَقّ، حرْثن خ لْوُعُوْد، بلّْعن يقمُّوْمن ن سْبُوْعَاث،