1 أيث-كورينث 12:13 - ثريفيث 2020

¹³ لِأَنَّا نشِّين مَارَّا نتْوَاطهَّار س وَامَان س يِجّن ن أَرُّوْح بَاش أَ نِيڒِي ذ يجّن ن جْمَاعث، يعْنِي أَيث-إِسْرَائِيل نِغ ذ ييُوْنَانِيْين، ذ يِنِّي غَار يدْجَا بَاب نْسن نِغ ذ يِنِّي غَار ثدْجَا لْحُرِّيَا نْسن. نشِّين مَارَّا إِذْنغ يُوْشَا-ٱنغ أَ نْسو يعْنِي أَ نْشَرش ذݣ يِجّن ن أَرُّوْح.

1 أيث-كورينث 12:13 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 3:11

نش تْطهَّارغ-كنِّيو س وَامَان بَاش اَذ تُوْبم، وَلَكِن ونِّي إِي د غَا يَاسن منْبَعْد إِ نش، نتَّا يجْهذ خَافِي. وَار سْذِيهِيدْجغ شَا اَذَاس يْسِيغ ؤُڒَا ذ ثِسِيڒَا نّس. نتَّا اَكنِّيو يطهَّار س أَرُّوْح يقدّْسن ذ يِيڒسَاون ن ثْمسِّي.

لوقا 3:16

ئِجَاوب-يثن يَحْيَى مَارَّا ينَّا-ٱسن: "قَا نش طهَّارغ-كنِّيو س وَامَان، وَلَكِن اَذ د يَاس يجّن يجْهذ خَافِي، وَار سْذِيهِيدْجغ شَا اَذَاس فسْيغ ؤُڒَا ذ يفِيڒَان ن ثْسِيڒَا نّس. نتَّا اَكنِّيو يطهَّار س أَرُّوْح يقدّْسن ذ يِيڒسَاون ن ثْمسِّي.

يوحنا 1:16

س لْبَرَكَا نّس ثَمقّْرَانْت يبَرك-اَنغ مَارَّا س اَرْضَا خ اَرْضَا.

يوحنا 1:33

تُوْغَا نش وَار ث سِّينغ شَا مِين يعْنَا، وَلَكِن ذ أَربِّـي إِي ذَايي د يسّكّن اَذ طهَّارغ إِ يِوْذَان س وَامَان، نتَّا ينَّا-ٱيِي: ونِّي غَا ثࢲرذ يهْوَا-د خَاس أَرُّوْح يمَارْس خَاس، ذ نتَّا إِي غَا يطهَّارن إِ يِوْذَان س أَرُّوْح يقدّْسن.

يوحنا 3:5

ينَّا-ٱس عِيْسَى: "أَقَا تسْڒِيذ ڒْحَقّ: مڒَا شَان يِجّن وَار د يخْڒِيق شَا س وَامَان ذ أَرُّوح ن أَربِّـي، وَار يزمَّر اَذ يَاذف ذِي ڒْمُلْك ن أَربِّـي.

يوحنا 4:10

ينَّا-ٱس عِيْسَى: "مَعْلِيك شم ثسّْنذ لْهَدِيَا ن أَربِّـي ثسّْنذ مِين عْنِيغ نش إِي ذَام يقَّارن ؤُش-اَيِي اَذ سْوغ، أَتَاف ثتَّارذ-اَيِي شم اَمَان اَذَام ؤُشغ اَمَان ن ثُوْذَارْث."

يوحنا 4:14

وَلَكِن ونِّي غَا يسْون اَمَان إِي ذَاس غَا ؤُشغ نش اَتَاف وَار يتْفِيذِي شَا عمَّارْص. أَمَان إِي ذَاس غَا ؤُشغ نش اَذ ذوْڒن ذَايس اَمشْنَاو يجّن ن ڒْعُنْصَر اَزَّايس ثسْفِي ثُوْذَارْث ن ڒبْدَا."

يوحنا 6:63

أَرُّوْح ن أَربِّـي ذ نتَّا يسّدَّرن. مِين يدْجَان ذ بنَاذم وَار ينفّع إِ وَالُو. أَوَاڒن إِي ذَاوم نِّيغ، ذَايسن أَرُّوْح ذ ثُوْذَارْث.

ڒخذايم 1:5

يعْنِي يَحْيَى يطهَّار إِ يِوْذَان س وَامَان، كنِّيو وَار ذَاوم يقِّيم شَا اَذ تْوَاطهَّارم س أَرُّوْح يقدّْسن."

أيث-روما 3:22

يعْنِي، أَربِّـي يسمْصْڒَاح اَكِذس مَارَّا ونِّي يتَامْنن زِي عِيْسَى لْمَسِيح، وَار يتْفرَّق جَار يِوْذَان. أَقَا مَارَّا عْصَان أَربِّـي، تْوَاحَرَّامن زِي لْعَظَمَا نّس.

أيث-روما 3:29

إِيوَا أَربِّـي، مَا نتَّا ذ أَربِّـي ن أَيث-إِسْرَائِيل وَاهَا؟ لَّا! مَا وَار يدْجِي ؤُڒَا ذ أَربِّـي ن يِوْذَان وَار يدْجِين شَا زِي أَيث-إِسْرَائِيل؟ وَاه، ذ أَربِّـي نْسن ؤُڒَا ذ نِثْنِي.

أيث-روما 4:11

ثُمَّا طَّهَارث-أَ ثُوْسَا-ٱس-د ذ يجّن ن لْعَلَامَا ذ يجّن ن دَّلِيل بلِّي أَربِّـي يسمْصْڒَاح-يث اَكِذس س لإِيمَان نِّي إِي تُوْغَا ذَايس قْبڒ مَا ٱذ يطهَّار. مَايمِّي مَانَايَا؟ بَاش اَذ يِيڒِي بْرَاهِيم ذ جدِّيثْسن ن يِنِّي مَارَّا يتَامْنن وَاخَّا وَار ݣِّين شَا طَّهَارث، بَاش ؤُڒَا ذ يِنِّي اَثن يسمْصْڒَاح أَربِّـي اَكِذس.

1 أيث-كورينث 10:2

مَارَّا نِثْنِي تْوَاطهَّارن س وَامَان عْلَاحْسَاب مُوْسَى وَامِي عْذُوْن ذݣ وسيْنُو نِّي ذ ڒبْحَر نِّي.

أيث-ݣلاطيا 3:23

فَا قْبڒ مَا ٱذ د يَاس لْإِيمَان-أَ، تُوْغَا شَّرِيعَا ن مُوْسَى ثْشَرّف-اَنغ يعْنِي نشِّين تُوْغَا ندْجَا اَمشْنَاو يمحْبَاس نّس حتَّا ٱڒ وَامِي إِي د يمظْهَار لْإِيمَان-أَ إِي تُوْغَا د يتَاسن.

أيث-ݣلاطيا 3:28

وَار ذِنِّي لَّا اَئِسْرَائِيلِي نِغ ذ اَيُوْنَانِي. وَار ذِنِّي لَّا يسْمغ نِغ ذ ونِّي يدْجَان حُرّ. وَار ذِنِّي لَّا اَرْيَاز لَّا ثَمْغَارْث. أَقَا كنِّيو مَارَّا إِذْوم ثْمُوْنم ذ يجّن ذِي عِيْسَى لْمَسِيح.

أيث-ؤفسوس 3:6

ڒْمَعْنَا-يَا ينُوْفَّرن ثَانِيتَا، مِين ثعْنَا؟ أَقَا ؤُڒَا ذ يِنِّي وَار يدْجِين شَا زِي أَيث-إِسْرَائِيل اَذ وَرْثن زِي أَربِّـي اَك أَيث-إِسْرَائِيل س لْإِنْجِيل. نِثْنِي ذ يجّن ن جْمَاعث، مَارَّا اَذ شَرْشن ذِي مِين يوْعذ أَربِّـي ذِي لْمَسِيح.

أيث-ؤفسوس 4:5

سِيذِيثْنغ ذ يجّن، لْإِيمَان ذ يجّن، طَّهَارث س وَامَان ذ يشْتن.

أيث-ؤفسوس 6:8

ئِتْخصَّا كنِّيو اَذ تسّْنم مَارَّا ڒْخِير إِي غَا ثݣّم اَكنِّيو يجَزَا خَاس سِيذِيثْنغ وَاخَّا كنِّيو ذ يسمْغَان نِغ ذ أَيثْبَاب نْسن.

أيث-كولوس 1:27

نِثْنِي يخْضَر-يثن أَربِّـي بَاش اَذ خبَّارن إِ يِنِّي وَار يدْجِين شَا زِي أَيث-إِسْرَائِيل اَذَاسن ينِين مشْحَاڒ يمْغَر ڒْخِير-أَ لْعَظِيم ن ڒْمَعْنَا ينُوْفَّرن وَانِيتَا. مِين يعْنَى ڒْمَعْنَا-يَا؟ لْمَسِيح نتَّا يدْجَا ذَايْوم، ذ لْأَمَال ن لْعَظَمَا.

أيث-كولوس 3:11

وَار يتْغِيمِي بُو ويُوْنَانِي نِغ ذ اَئِسْرَائِيلِي، نِغ ذ ونِّي يطهَّارن نِغ ذ ونِّي وَار يطهِّيرن شَا، نِغ ذ اَبَرْبَرِي نِغ ذ اَوحْشِيو، نِغ ذ يسْمغ نِغ ذ ونِّي يدْجَان حُرّ. لَّا، لْمَسِيح نتَّا ذ مَارَّا، أَقَاث ذِي مَارَّا.

1 بطرس 3:21

أَمَان-أَ نِثْنِي ذ يجّن لْمِثَال خ طَّهَارث نّغ ن وَامَان إِي كنِّيو يسنْجَامن ڒخُّو. مَاشِي اَذ يتْوَاكّس ڒوْسخ زِي دَّات نّغ؛ لَّا، طَّهَارث-أَ نتَّاث ذ يجّن ن ؤُڒَاغِي نْوم إِ أَربِّـي بَاش اَذَاوم د يُوْش يجّن ن ضَّمِير مرْتَاح. مَانَايَا خ سَّبَاب ن عِيْسَى لْمَسِيح وَامِي د يكَّر زِي ڒْموْث.