1 أيث-كورينث 12:11 - ثريفيث 2020

¹¹ مَارَّا ثِمسْڒَايِين-أَ ثِيْنَا تْوَاسْخدَّامنْت س وفُوْس ن يِجّن ن أَرُّوْح وَانِيتَا. ئِفَرق-يثنْت إِ كُڒ يجّن وَاحْذس مَامّش يخس نتَّا.

1 أيث-كورينث 12:11 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:26

وَاه آ بَابَا، ڒَاحقَّاش اَمُّو إِي خَاك يَارْضَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 20:15

مَا وَار غَارِي ڒْحَقّ اَذ ݣّغ مِين خْسغ زِي ثْمسْڒَايِين ينُو؟ نِغ ثْحسْذذ-اَيي وَامِي دْجِيغ صَاخِي؟

يوحنا 3:27

ينَّا-ٱسن يَحْيَى: "وَار يزمَّر بْنَاذم اَغَارس ثِيڒِي شَان ثْمسْڒَايْث مڒَا وَار ذَاس د تُوْسِي شَا زِي أَربِّـي.

يوحنا 3:8

أَرِّيح يتْصُوْض مَانِي يخس نتَّا. أَذ تسْڒِيذ إِ صُّوْت نّس، وَلَكِن وَار ثسِّينذ شَا مَانِيس د يكَّا ؤُڒَا ذ مَانِي غَا يرَاح. أَمُّو إِي ݣِّين مَارَّا يِنِّي يتْوَاخڒْقن س أَرُّوح ن أَربِّـي."

يوحنا 5:21

مَامّش د يسْنكَّر بَابَاس يِنِّي يمُّوْثن يتِيشّ-اَسن ثُوْذَارْث، ؤُڒَا ذ مِّيس يتِيشّ-اَسن ثُوْذَارْث إِ يِنِّي يخس.

أيث-روما 12:6

عْلَاحْسَاب لْبَرَكَا إِي ذَانغ يمُّوْشن غَارْنغ نشِّين لْقُدْرَاث، كُڒ لْقُدْرَا وَار تْشِيبِّيه شَا ذِي ثنّغْنِي. ئِجّن مڒَا يُوْشَا-اَس أَربِّـي لْوَاحِي، أُو لَابُد اَذ يسخْذم لْقُدْرَا-يَا عْلَاحْسَاب لإِيمَان نّس.

أيث-روما 9:18

فَلِهَذَا أَربِّـي يرحّم ونِّي يخس، ئِسْغَانَّان ونِّي يخس.

1 أيث-كورينث 12:18

وَلَكِن ڒخُّو أَربِّـي يستّف طْرُوْفَاث ن دَّات يسّن كُڒ يشِتن مَامّش يخس اَت يݣّ.

1 أيث-كورينث 12:4

فَا ذِنِّي لْأَنْوَاع ن لْقُدْرَاث، وَلَكِن أَرُّوْح ذ يجّن.

1 أيث-كورينث 12:6

ذِنِّي لْأَنْوَاع ن ڒخْذَايم، وَلَكِن أَربِّـي ذ يجّن ذ نتَّا إِي ثنْت يسْخدَّامن مَارَّا ذِي كُڒ بْنَاذم.

1 أيث-كورينث 7:17

كُڒ يجّن اَذ يعِيش ثُوْذَارْث نّس مَامش ذَاس ت يُوْشَا سِيذِيثْنغ، مَامش ذَاس د يڒَاغَا أَربِّـي. أَمُّو إِي تْوصِّيغ نش مَارَّا ثِجُوْمَع ن ڒْمُوْمِنِين.

1 أيث-كورينث 7:7

رزُّوْغ مَارَّا يرْيَازن اَذ يڒِين اَم نش. وَلَكِن كُڒ يجّن غَارس ثِزمَّار إِي ذَاس يُوْشَا أَربِّـي، ئِجّن غَارس ثِين، ئِجّن غَارس ثَا.

22 أيث-كورينث 10:13

وَلَكِن نشِّين أَ نفْتَخَر س مِين يدْجَان نِيشَان مَاشِي كْتَار، أَ نفْتَخَر س مِين ذَانغ يكلّف أَربِّـي يعِنِي خَاوم كنِّيو.

أيث-ؤفسوس 1:11

مَارَّا ثِمسْڒَايِين يتݣّ-يثنْت أَربِّـي عْلَاحْسَاب مِين يخطّط ذ مِين يخْضَر نتَّا. نشِّين ذِي عِيْسَى يَارَّا-ٱنغ أَربِّـي أَ نْوَارث عْلَاحْسَاب مِين يزمّم نتَّا س لْغَرَض نّس.

أيث-ؤفسوس 4:7

شُوْف، كُڒ يجّن زَّايْنغ ثمُّوْش-اَس يِجّن ن لْبَرَكَا عْلَاحْسَاب مَامّش ت يوْزن لْمَسِيح ذ لْهَدِيَا.

يعيبرانيين 2:4

ئِشهّذ خَاس ؤُڒَا ذ أَربِّـي س لْعَلَامَاث ذ لْبُرْهَانَاث ذ وَاطَّاس ن لْأَنْوَاع ن لْمُعْجِيزَاث. س لْإِذن نّس عَاوذ يفرق لْقُدْرَاث رُوْحِيَاث ن اَرُّوْح يقدّْسن.

ثبرات غار يعقوب 1:18

وَامِي يخس نتَّا، ئِكَّر يَارَّا-ٱنغ ذ ثَارْوَا نّس إِي د يجَّا س وَاوَاڒ ن لْحَقِيقَا حمَا أَ نِيڒِي نشِّين ذ يمزْوُوْرَا زِي مِين د يخْڒق.