1 أيث-كورينث 12:10 - ثريفيث 2020

¹⁰ ئِجّن يمُّوْش-اَس اَذ يݣّ لْمُعْجِيزَاث. ئِجّن يمُّوْش-اَس اَذ يسِّيوڒ س مِين يعْڒم زِي أَربِّـي. ئِجّن مُّوْشنْت-اَس ثِزمَّار اَذ يميّز جَار ن اَرُّوْحَاث. ئِجّن يمُّوْش-اَس اَذ يسِّيوڒ س ڒبْعَاض ن لُّغَاث رُوْحِيَاث. ئِجّن يمُّوْش-اَس اَذ يسْتَرْجم لُّغَاث نِّي.

1 أيث-كورينث 12:10 ပူးပေါင်းရင်းမြစ်များ

مرقس 16:17

ذ ثِيْنَا ذ لْعَلَامَاث إِي د غَا يمظْهَارن اَك يِنِّي يتَامْنن: أَقَّا نِثْنِي اَذ سُوْفْغن جْنُوْن عْلَاحْسَاب يسم ينُو، أَذ سِّيوْڒن س يِيڒسَاون ذ جْذِيذ.

مرقس 16:20

نِثْنِي فّْغن بشَّرن يوْذَان ذِي مْكُڒ اَمْشَان. سِيذِيثْنغ اَقَاث اَكِذْسن، ئِسْمظْهَار-د ڒْحَقّ ن يِنِّي يتْبشَّارن س وَاطَّاس ن لْعَلَامَاث إِي ثن يذفَّارن.}

لوقا 24:49

أَتَاف مِينْذِي كنِّيو يوْعذ بَابَا اَذَاوم ثِيذ سّكّغ نش. قِّيمم ذِي ثنْدِينْت-أَ اَڒ خَاوم د غَا يهْوَا جّْهذ زݣ وجنَّا."

يوحنا 14:12

أَقَا تسْڒَام ڒْحَقّ: ونِّي زَّايي يُوْمْنن، أَتَاف اَذ يݣّ ڒخْذَايم إِي خدّْمغ نِغ كْتَار مِينْزِي نش ݣُّوْرغ غَار بَابَا.

يوحنا 16:13

خْمِي د غَا يَاس أَرُّوْح ن لْحَقِيقَا، أَتَاف اَذَاوم د يسْبيّن لْحَقِيقَا ثكْمَاڒ. أَقَا نتَّا وَار يسِّيوِيڒ شَا زݣ يِيخف نّس، يسَّاوَاڒ إِلَّا زِي مِين ذَاس غَا يِينِي أَربِّـي. أَذَاوم يخبَّر ذِي ثْمسْڒَايِين إِي د غَا يَاسن.

ڒخذايم 1:8

وَلَكِن اَخْمِي خَاوم د غَا يهْوَا أَرُّوْح يقدّْسن، أَغَارْوم يِيڒِي جّْهذ. أَخَافِي ثْشهْذم ذِي ثنْدِينْت ن لْقُدْس ذ مَارَّا ثِمُوْرَا ن يَهُوْذِيَا ذ سَمَارْيَا اَڒ طَّارْف ونݣَّارُو ن دُّنشْت-أَ."

ڒخذايم 11:27

ذِي ڒِيَّام نِّي هْوَان-د شَان ن لْأَنْبِيَا زِي لْقُدْس غَار وَانْطَاكْيَا.

ڒخذايم 11:28

ئِكَّر يجّن زَّايْسن قَّارن-اَس غَابُوْس، ئِخْبَر إِ ڒْمُوْمِنِين ذِنِّي س مِين ذَاس ينَّا أَرُّوْح ن أَربِّـي. ينَّا-ٱسن قَا ٱذ يوْقع يجّن ن بُوْهيُّوْف ذ اَمقّْرَان خ ثْمُوْرْث مَارَّا (أُو ذ صَّح يوْقع مَانَاينِّي ذِي ڒْوقْث ن لْمَلِك قَيْصَار كْلُوْدْيُوْس).

ڒخذايم 19:6

وَامِي خَاسن يسرْس بُوْلُس يفَاسّن نّس، ئِهْوَا-د خَاسن أَرُّوْح يقدّْسن. بْذَان سَّاوَاڒن س لُّغَاث وَار يدْجِين بُو نْسن، سَّاوَاڒن س مِينْزِي عڒْمن زِي أَربِّـي.

ڒخذايم 5:3

ينَّا-ٱس بُطْرُس: "آي أَنَاس، مَايمِّي ثجِّيذ شِّيطَان اَش يغَرّ يُوْذف ذݣ وُوْڒ نّش ثسْخرّْقذ خ أَرُّوْح يقدّْسن ثسْنُوْفَّرذ شَان ن تْمنْيَاث إِ يِيخف نّش زِي تْمنْيَاث ن ثْمُوْرْث نِّي؟

أيث-روما 12:6

عْلَاحْسَاب لْبَرَكَا إِي ذَانغ يمُّوْشن غَارْنغ نشِّين لْقُدْرَاث، كُڒ لْقُدْرَا وَار تْشِيبِّيه شَا ذِي ثنّغْنِي. ئِجّن مڒَا يُوْشَا-اَس أَربِّـي لْوَاحِي، أُو لَابُد اَذ يسخْذم لْقُدْرَا-يَا عْلَاحْسَاب لإِيمَان نّس.

أيث-روما 15:19

يعْنِي س جّْهذ ن لْمُعْجِزَاث ذ لْبُرْهَانَاث إِي د يُوْسِين س جّْهذ ن اَرُّوْح ن أَربِّـي. أَمُّو إِي بشَّرغ س لْإِنْجِيل ن لْمَسِيح ذِي مْكُڒ اَمْشَان يعْنِي زِي ثنْدِينْت ن لْقُدْس اَڒ جْوَايه ن إِلِيرْيَا.

1 أيث-كورينث 11:4

مْكُڒ اَرْيَاز إِݣ يتْࢲَادْجَان نِغ يسَّاوَاڒ س مِين يعْڒم زِي أَربِّـي اَزدْجِيف نّس يغمّس، أَتَاف نتَّا وَار يتْوقَّر شَا اَزدْجِيف نّس.

1 أيث-كورينث 13:8

ڒمْحِبّث-أَ نتَّاث عمَّارْص اَذ تقْضَا، مَاشَا اَذ نْتَاهَان وَاوَاڒن ن لْأَنْبِيَا، ئِڒسَاون ن يثَرَّاسن وَار تْغِيمِن شَا ذ لُّغَا، لْمَعْرِيفَا اَذ تْوَاكمّڒ يعْنِي ثُوْسْنَا.

1 أيث-كورينث 14:13

س مَانَاينِّي، ونِّي يسَّاوَاڒن س لُّغَاث رُوْحِيَاث يتْخصَّا-يَاس اَذ يࢲَّادْجْ حمَا اَذ يسْتَرْجم مِين يقَّار.

1 أيث-كورينث 14:39

س مَانَايَا آي اَيثْمَا، رْزُوْث اَطَّاس حمَا اَذ تسِّيوْڒم س وَاوَاڒ يتْوَاعڒْمن زِي أَربِّـي، أُو عَاوذ وَار منَّاعْث شَا يوْذَان اَذ سِّيوْڒن س لُّغَاث رُوْحِيَاث.

أيث-ݣلاطيا 3:5

إِذن، مَامّش ذَاوم د يتِيشّ أَربِّـي أَرُّوْح يقدّْسن يتݣّ جَارَاوم لْمُعْجِزَاث؟ وَاش خْمِي تْطَاعَام إِ شَّرِيعَا ن مُوْسَى؟ لَّا، خْمِي تسْڒَام لإِنْجِيل تَامْنم زَّايس.

1 أيث-سلونيك 5:20

وَار تْسحْقَارم شَا اَوَاڒن نِّي إِي عڒْمن يِوْذَان زِي أَربِّـي قَّارن-ثن.

يعيبرانيين 2:4

ئِشهّذ خَاس ؤُڒَا ذ أَربِّـي س لْعَلَامَاث ذ لْبُرْهَانَاث ذ وَاطَّاس ن لْأَنْوَاع ن لْمُعْجِيزَاث. س لْإِذن نّس عَاوذ يفرق لْقُدْرَاث رُوْحِيَاث ن اَرُّوْح يقدّْسن.

1 يوحنا 4:1

آي يمْعِيزّن ينُو، وَار تِيقِّيم شَا ذِي مَارَّا اَرُّوْحَاث، جَرّْبم-ثن بَاش اَذ تسّْنم مَا زِي أَربِّـي مَا لَّا. قَا فّْغن-د اَطَّاس ن يثَرَّاسن غَار دُّنشْت-أَ تَارَّان يخف نْسن ذ لْأَنْبِيَا.

لواحي ن يوحنا 2:2

نش سّْنغ ڒخْذَايم نّش ذ تَمَارَا نّش ذ صّْبَار نّش. سّْنغ وَار ثْقبّْڒذ شَا يِنِّي يدْجَان ذ يعفَّانن، ثْجَرّْبذ يِنِّي يقَّارن قَا نشِّين ذ اَرُّسُل ثُوْفِيذ-ثن سْخرِّيقن وَاهَا.