29 أَقَا ونِّي يتتّن يسسّن بْڒَا مَا ٱذ يعْقڒ نِيشَان خ دَّات ن سِيذِيثْنغ، أَتَاف يتتّ يسسّ لْعِقَاب إِ يِيخف نّس.
يُوْسَا-د مِّيس ن بْنَاذم يتتّ يسسّ وَار يتْࢲُوْمِّي شَا. كنِّيو ثنِّيم اَقَا بْنَاذم-أَ يتتّ يسسّ اَطَّاس، عَاوذ نتَّا ذ اَمدُّوْكڒ ن يعشَّارن ذ يِنِّي يعصَّان.
خ مَانَايَا وِي يتْعَارَّاضن إِ ڒْمخْزن، ئِتْعَارَّاض إِ مِين يݣَّا أَربِّـي. أُو يِنِّي ذَاسن يتْعَارَّاضن اَذ تْوَاعَاقْبن.
وَامِي يشكَّر أَربِّـي يرز-يث ينَّا: "ذ وَا إِݣ يدْجَان ذ دَّات ينُو إِي غَا يمُّوْشن عْلَاحْسَاب كنِّيو. تݣّث مَانَايَا حمَا اَذَايِي تْفكَّرم."
أَقَا ونِّي إِي غَا يشّن زݣ وغْرُوْم-أَ ن سِيذِيثْنغ نِغ ذ ونِّي إِي غَا يسْون زِي ڒْكَاس-أَ وَار ذَاسن يتِيشّ شَا لْقِيمَا، أَتَاف نتَّا يتݣّ ڒْمُعْصِيّث ذ ثَمقّْرَانْت اَك دَّات ذ يذَامّن ن سِيذِيثْنغ.
إِيوَا يتْخصَّا-يَاس إِ بْنَاذم اَذ يرَاجع يخف نّس قْبڒ مَا ٱذ يشّ زݣ وغْرُوْم-أَ، قْبڒ مَا ٱذ يسو زِي ڒْكَاس-أَ.
س مَانَاينِّي ذِنِّي اَطَّاس جَارَاوم إِݣ يدْجَان ضعْفن هڒْشن، شَان ڒبْعَاض زَّايْوم مُّوْثن.
وَلَكِن لْمَكْلَا ن صَّح تتّن-تث غِير يِنِّي وَار يدْجِين شَا ذ يسيْمَان. نِثْنِي زمَّرن إِ لْمَكْلَا نِّي ن صَّح مِينْزِي ڒبْدَا خدّْمن إِ ثْغُوْرِي نِّي إِي قَّارن تْميَّازن جَار مِين يدْجَان ذ اَصبْحَان ذ جَار مِين يدْجَان ذ اَعفَّان.
آي أَيثْمَا، ئِتْخصَّا وَار زَّايْوم يتِيڒِي بُو اَطَّاس ن يمْسڒْمَاذن، أَقَا ثسّْنم بلِّي نشِّين يمْسڒْمَاذن اَتَاف اَخَانغ يزيَّار أَربِّـي ذِي لْحِسَاب.
آي أَيثْمَا، أَقَا مِين يدْجَان مُهِم. وَار تْجَادْجَام شَا س وجنَّا نِغ س ثْمُوْرْث نِغ س شَان ثْمسْڒَايْث نّغْنِي. إِيوَا، خْمِي غَا ثِينِيم وَاه، ئِنِيث وَاه. خْمِي غَا ثِينِيم لَّا، ئِنِيث لَّا. حمَا وَار خَاوم د يهوِّي شَا لْعِقَاب.