1 أيث-كورينث 11:26 - ثريفيث 2020

²⁶ مِينْزِي مڒْمِي مَا ثشِّيم زݣ ؤُغْرُوْم-أَ ثسْوِيم زِي ڒْكَاس-أَ، أَقَا تْخبَّرم س ڒْموْث ن سِيذِيثْنغ اَڒ د غَا يَاس.

1 أيث-كورينث 11:26 ပူးပေါင်းရင်းမြစ်များ

يوحنا 14:3

خْمِي غَا رَاحغ اَذَاوم سْوجْذغ اَمشَان نِّي، أَذ د ذوْڒغ عَاوذ اَكنِّيو يْسِيغ اَكِذِي حمَا اَذ تِيڒِيم كنِّيو مَانِي غَا يڒِيغ نش.

يوحنا 21:22

ينَّا-ٱس عِيْسَى إِ بُطْرُس: "نش مڒَا خْسغ وِيْن اَذ يدَّر اَڒ غَا د ذوْڒغ، وَار ذَاش يرُوْح بُو ڒْحَاڒ. شك ذْفَار-اَيِي-د!"

يوحنا 21:23

سّنِّي يفّغ ڒخْبَار غَار وَاوْمَاثن قَّارن: <أَمحْضَار-أَ وَار يتْمتِّي شَا.> وَلَكِن ذ صَّح عِيْسَى وَار يِينِّي شَا بلِّي اَمحْضَار-أَ وَار يتْمتِّي شَا. مِين ينَّا؟ ينَّا-ت اَمُّو: <نش مڒَا خْسغ وِيْن اَذ يدَّر اَڒ غَا د ذوْڒغ، وَار ذَاش يرُوْح بُو ڒْحَاڒ.>

ڒخذايم 1:11

نَّان-اَسن: "آي يرْيَازن ن ثْمُوْرْث ن لْجَلِيل، مَايمِّي عَاذ ثْبدّم ذَانِيتَا تْخزَّرم ذݣ وجنَّا؟ قَا عِيْسَى-يَا وَانِيتَا إِي ذَاوم يتْوَارْفْعن غَار وجنَّا، مَامّش ث ثࢲْرِيم يݣَعّذ غَار وجنَّا اَمنِّي إِي د غَا يذْوڒ."

1 أيث-كورينث 15:23

وَلَكِن كُڒ يجّن نُّوْبث نّس: لْمَسِيح نتَّا ذ ثَفدْجَاحْث ثَمزْوَارُوْت. خْمِي د غَا يعْقب نتَّا، أَذ د تَاس نُّوْبث ن يِنِّي يدْجَان زَّايس نتَّا.

1 أيث-كورينث 4:5

خ مَانَايَا وَار قَّارم وَالُو خ ڒْحُكم قْبڒ ڒْوقْث، يعْنِي قْبڒ إِي د غَا يَاس سِيذِيثْنغ. ذ نتَّا إِي غَا يسْبيّنن ثِمسْڒَايِين نِّي غَار نُّوْر ڒخُّو نُوْفَّرنْت ذِي ثَادْجسْت، أَذ د يسْمظْهَار كُڒ لْغَرَض ن يِوْذَان إِي غَارْسن ذݣ وُوْڒَاون نْسن. ڒخْدّنِّي كُڒ يجّن اَغَارس يِيڒِي وسمْغَار نّس زِي أَربِّـي.

1 أيث-سلونيك 4:16

لِأَنَّا سِيذِيثْنغ اَقَا اَذ د يهْوَا س يِيخف نّس زݣ وجنَّا س يِجّن ن ثْغُوْيّث ثمْغَر ذ يِجّن ن ثْمِيجَّا ن لْمَلَاك نِّي اَمقّْرَان ذ زَّامَّار نِّي يتْصُوْضن ن أَربِّـي، ڒخْدّنِّي يمتِّينن تُوْغَا يُوْمْنن زِي لْمَسِيح اَذ د كَّرن ذ يمزْوُوْرَا.

2 أيث-سلونيك 1:10

مَانَايَا اَذ يوْقع ذِي يُوْم نِّي إِي د غَا يَاس سِيذِيثْنغ بَاش اَذ يتْوَاسمْغَار جَار صَّالِحِين نّس، نتَّا اَزَّايس تْعجّْبن مَارَّا يِنِّي يُوْمْنن، ذَايْسن كنِّيو مِينْزِي ثُوْمْنم زِي مِين خَاس نشْهذ.

يعيبرانيين 9:28

أَمُّو لْمَسِيح، يتْوَاقدّم ذ دْبِيحث يجّن ن ثْوَاڒَا بَاش اَذ يَارْبُو ڒْمُعْصِيَاث ن وَاطَّاس ن يِوْذَان. ثُمَّا اَذ د يهْوَا وِيس مَرّْثَاين. مَايمِّي؟ مَاشِي عْلَاحْسَاب ڒْمُعْصِيّث ن يِوْذَان عَاوذ؛ لَّا، أَذ د يهْوَا بَاش اَذ يسنْجم يِنِّي إِي ث يتْرَاجَان.

2 بطرس 3:10

وَلَكِن يُوْم ن سِيذِيثْنغ اَذ د يَاس اَم د يُوْسَا يجّن ن وشفَّار. أُوْشَا يجنَّاثن اَذ ودَّرن س يِجّن ن سّْدَع ذ اَمقّْرَان يݣَّا اَم ثْمسِّي يسْحَرَّاقن، ذ مَارَّا يثْرَان ذ ثْزِيرِي اَذ تْوَاسْشمْضن اَذ فْتُوْتّْسن، أَذ تخْڒَا ثْمُوْرْث-أَ ذ مَارَّا مِين ذَايس يتْوَاݣّن.

1 يوحنا 2:28

آ يحنْجِيرن، ڒخُّو عِيشث ذَايس حمَا اَغَارْنغ ثِيڒِي يجّن ن تِّقث وَار زَّايس نَروّڒ شَا س وسذْحِي خْمِي د غَا يَاس اَذَانغ د يمظْهَار.

ثبرات زي يهوذا 1:14

فَا أَخْنُوْخ ونِّي إِݣ يدْجَان ذ اَيَّاو ن آدَم زِي جدِّيثْوم وِيس سبْعَا نتَّا يعْڒم يجّن ن وَاوَاڒ زِي أَربِّـي ينَّا-ث خ يثَرَّاسن-أَ: "خْزَرث، أَقَا يُوْسَا-د سِيذِيثْنغ س وَاڒَاف ن ؤُڒُوْفَاث ن يمْقدّْسن نّس

لواحي ن يوحنا 1:7

أَقَا يُوْسَا-د اَك وسيْنُو، أَث ࢲرنْت مَارَّا ثِيطَّاوِين ذ يِوْذَان نِّي إِي ث يشُوْكّن. أَخَاس حزْنن مَارَّا ڒْقُوْم ن ثْمُوْرْث. وَاه، آمين.

لواحي ن يوحنا 22:20

ئِقَّار عِيْسَى يعْنِي ونِّي يخبَّرن خ ثْمسْڒَايِين-أَ: "وَاه، نش أَقَا ؤُسِيغ-د وَار تْعطَّاڒغ شا!" آمِين، أَرَاح-د آ سِيذِيثْنغ عِيْسَى.