1 أيث-كورينث 11:17 - ثريفيث 2020

¹⁷ نش تْوصِّيغ-كنِّيو، ڒخُّو وَار كنِّيو تْشكَّرغ شَا. ڒَاحقَّاش ثِجُمَاع نْوم تْضَرَّانْت كْتَار زِي مِين كنِّيو نفّْعنْت.

1 أيث-كورينث 11:17 ပူးပေါင်းရင်းမြစ်များ

أيث-روما 13:3

لِأَنَّا لْحُكَّام وَار سِّݣّْوِيذن شَا ونِّي يتݣّن ڒْخِير، سَّݣّْوَاذن ونِّي يتݣّن شَّرّْ. مڒَا ثخْسذ وَار تݣّْوْذذ شَا زِي ڒْمخْزن، تݣّ ڒْخِير اَخَاك يَرْضَا.

1 أيث-كورينث 11:2

فَا تْشكَّرغ-كنِّيو وَامِي تعْقَاڒم خَافِي ذِي مَارَّا ثِمسْڒَايِين، ثْحفّْظم تَّعْلِيم نِّي مَامّش ذَاوم ث سڒْمَاذغ نش.

1 أيث-كورينث 11:20

خْمِي تْمُوْنم كنِّيو، مَا تتّم اَمنْسِي ن سِيذِيثْنغ نِيشَان؟ لَّا، وَالُو.

1 أيث-كورينث 11:22

شُوْف، مَا وَار غَارْوم بُو ثُوْذْرِين مَانِي إِي غَا ثشّم نِغ ذ مَانِي إِ غَا ثسْوم؟ كنِّيو، مَا تْسحْقَارم جْمَاعث ن ڒْمُوْمِنِين ن أَربِّـي تْحݣَّرم يِنِّي وَار غَار يدْجِي وَالُو؟ مِين ذَاوم غَا ينِيغ؟ مَا كنِّيو إِي غَا شكَّرغ خ مَانَايَا؟ لَّا، وَالُو.

1 أيث-كورينث 11:34

شَان يِجّن مڒَا يدْجُوْز، ئِتْخصَّا-يَاس اَذ يشّ ذِي ثدَّارْث نّس بَاش خْمِي غَا ثْمُوْنم اَتَاف وَار كنِّيو يتْحِسِّيب شَا أَربِّـي. خْمِي د غَا اَسغ نش اَتَاف اَكنِّيو وصِّيغ خ ثْمسْڒَايِين نِّي نّغْنِي.

1 أيث-كورينث 14:23

إِذن، مڒَا ثْمُوْنم جْمَاعث ثكْمَاڒ ن ڒْمُوْمِنِين ثسَّاوَاڒم مَارَّا س لُّغَاث رُوْحِيَاث ؤُذْفن-د جَارَاوم يِوْذَان ن بَارَّا نِغ ذ لْكُفَّار، أَتَاف قَّارن خَاوم قَا يوْذَان-أَ ذ يبُوْهَاڒِيْين.

1 أيث-كورينث 14:26

إِذن فَا آي اَيثْمَا، خْمِي غَا ثْمُوْنم يجّن اَغَارس يِيڒِي يجّن ن وغنِّيج، ئِجّن اَغَارس يِيڒِي يجّن ن وَاوَاڒ ن وسڒْمذ، ئِجّن اَغَارس يِيڒِي لْوَاحِي، ئِجّن اَغَارس ثِيڒِي لُّغَا رُوْحِيَا، ئِجّن اَغَارس ثِيڒِي تَّرْجَمَا. مَارَّا ثِمسْڒَايِين-أَ اَذ يڒِينْت حمَا اَذ تْجهْذم.

يعيبرانيين 10:25

أَ نْمُوْن اَك وَايَاوْيَا مَاشِي أَ نسْمح ذِي لْوَاجِب-أَ اَم مَامّش نُّوْمن [نِّيْمن] ڒبْعَاض ن يِوْذَان. لَّا، أَ نْشجّع اَيَاوْيَا، أُو كْتَار عَاذ خْمِي نتْوَاڒَا نْهَار ن سِيذِيثْنغ يقَارّب-د.

1 بطرس 2:14

نِغ ذ لْحُكَّام إِي د يسّكّ وزدْجِيذ اَذ عَاقْبن يِنِّي يتݣّن شَّرّْ اَذ تْشكَّرن يِنِّي يتݣّن مِين يدْجَان ذ اَصبْحَان.