1 أيث-كورينث 11:16 - ثريفيث 2020

¹⁶ مڒَا ذِنِّي شَان يِجّن يرْزُو اَذ يمْغَانّن خ مَانَايَا، نشِّين وَار ننُّوْم شَا شَان لْعَادَا نّغْنِي، ؤُڒَا ذ ثِجُمَاع ن ڒْمُوْمِنِين ن أَربِّـي وَار نُّوْمنْت شَا شَان ڒْحَاجث نّغْنِي.

1 أيث-كورينث 11:16 ပူးပေါင်းရင်းမြစ်များ

ڒخذايم 21:21

ئِتْوَانَّا-يَاسن زَعْمَا شك ثْسڒْمَاذذ مَارَّا يسْرَائِيلِيْين إِي زدّْغن ذِي لْخَرِيج اَذ سمْحن ذِي مُوْسَى، ثقَّارذ-اَسن وَار طهَّارث شَا إِ ثَارْوَا نْوم، وَار ذفَّارث شَا لْعَادَاث نّغ.

ڒخذايم 21:24

أَوِي يِيْنَا خدْجس خَاسن اَخْمِي غَا ثݣّم مَارَّا كنِّيو ڒُوْضُو نِّي اَصبْحَان بَاش نِثْنِي اَذ حفّن اَذ ذوْڒن ذ يقشُّوْرَا. أَمُّو اَذ سّْنن مَارَّا مِين خَاك يتْوَانَّان وَار يدْجِي بُو ذ صَّح. شك س يِيخف نّش ثْذفَّارذ شَّرِيعَا نّغ.

1 أيث-كورينث 11:15

وَلَكِن ثَمْغَارْث مڒَا ثجَّا اَشوَّاف ذ اَزيْرَار نتَّا ذ يجّن ن شَّان نّس. لِأَنَّا اَشوَّاف نّس اَزيْرَار يمُّوْش-اَس بَاش اَزَّايس ثغْمس إِ وزدْجِيف نّس.

1 أيث-كورينث 16:1

عْلَاحْسَاب صَّذَاقَا إِ ڒْمُوْمِنِين صَّالِحِين، سْوجْذث كنِّيو مَامّش ثنْت وصِّيغ إِ ثْجُمَاع ن ڒْمُوْمِنِين ذِي لْإِقْلِيم ن ݣَلَاطْيَا.

1 أيث-كورينث 4:5

خ مَانَايَا وَار قَّارم وَالُو خ ڒْحُكم قْبڒ ڒْوقْث، يعْنِي قْبڒ إِي د غَا يَاس سِيذِيثْنغ. ذ نتَّا إِي غَا يسْبيّنن ثِمسْڒَايِين نِّي غَار نُّوْر ڒخُّو نُوْفَّرنْت ذِي ثَادْجسْت، أَذ د يسْمظْهَار كُڒ لْغَرَض ن يِوْذَان إِي غَارْسن ذݣ وُوْڒَاون نْسن. ڒخْدّنِّي كُڒ يجّن اَغَارس يِيڒِي وسمْغَار نّس زِي أَربِّـي.

1 أيث-كورينث 7:17

كُڒ يجّن اَذ يعِيش ثُوْذَارْث نّس مَامش ذَاس ت يُوْشَا سِيذِيثْنغ، مَامش ذَاس د يڒَاغَا أَربِّـي. أَمُّو إِي تْوصِّيغ نش مَارَّا ثِجُوْمَع ن ڒْمُوْمِنِين.

1 أيث-كورينث 9:1

غَارِي لْحُرِّيَا يعْنِي نش مَاشِي ذ يسْمغ. نش ذ اَرَّسُوْل، ࢲْرِيغ سِيذِيثْنغ عِيْسَى. يَاش ذ كنِّيو إِي يدْجَان ذ نَّتِيجَا ن ڒْخذْمث ينُو ذِي سِيذِيثْنغ، نِغ لَّا؟

1 أيث-كورينث 9:6

مَا نش ذ بَرْنَابَا وَاحذْنغ إِي وَار غَار يدْجِي ڒْحَقّ ذِي شَّارْض، مَا يتْخصَّا-يَانغ إِ نشِّين أَ نخْذم ذِي شَان ڒْحَاجث نّغْنِي بَاش أَ نْعِيش؟

1 أيث-سلونيك 2:14

آي أَيثْمَا، ثْذوْڒم اَم ثْجُمَاع نِّي ن ڒْمُوْمِنِين ن أَربِّـي ذِي عِيْسَى لْمَسِيح ثِنِّي إِي يدْجَان ذِي ثْمُوْرْث ن يَهُوْذِيَا. لِأَنَّا يوْذَان ن ثْمُوْرْث نْوم تْبُوْصَارن خَاوم اَم أَيث-يَهُوْذِيَا تْبُوْصَارن خ ثْجُمَاع ن ڒْمُوْمِنِين إِي ذِنِّي.