1 أيث-كورينث 10:4 - ثريفيث 2020

⁴ مَارَّا نِثْنِي سْوِين زݣ يِجّن ن ثْسسِّي رُوْحِيَا. لِأَنَّا نِثْنِي سْوِين زݣ وغْبَاڒ نِّي ن وزْرُو رُوْحِيَا إِي ثن يذفَّارن، أَغْبَاڒ نِّي ن وزْرُو تُوْغَاث نتَّا ذ لْمَسِيح.

1 أيث-كورينث 10:4 ပူးပေါင်းရင်းမြစ်များ

يوحنا 4:10

ينَّا-ٱس عِيْسَى: "مَعْلِيك شم ثسّْنذ لْهَدِيَا ن أَربِّـي ثسّْنذ مِين عْنِيغ نش إِي ذَام يقَّارن ؤُش-اَيِي اَذ سْوغ، أَتَاف ثتَّارذ-اَيِي شم اَمَان اَذَام ؤُشغ اَمَان ن ثُوْذَارْث."

يوحنا 4:14

وَلَكِن ونِّي غَا يسْون اَمَان إِي ذَاس غَا ؤُشغ نش اَتَاف وَار يتْفِيذِي شَا عمَّارْص. أَمَان إِي ذَاس غَا ؤُشغ نش اَذ ذوْڒن ذَايس اَمشْنَاو يجّن ن ڒْعُنْصَر اَزَّايس ثسْفِي ثُوْذَارْث ن ڒبْدَا."

يوحنا 7:37

ذِي نْهَار اَنݣَّارُو اَمقّْرَان زِي ڒْعِيذ نِّي، ئِكَّر يبدّ عِيْسَى يتْخَاطَاب س جّْهذ ينَّا: "مڒَا يفُّوْذ حَدّ، ئِتْخصَّا نتَّا اَذ د يَاس غَارِي اَذ يسو.

أيث-ݣلاطيا 4:25

إِيوَا هَاجَر نتَّاث اَمشْنَاو اَذْرَار ن سِينَا إِي د يتَاسن ذِي ثْمُوْرْث ن وَاعْرَابن. نتَّاث ثتْوَاحْسَاب ذ ثَنْدِينْت ن لْقُدْس ذِي ڒْوقْث-أَ لِأَنَّا نتَّاث ذ ثَارْوَا نّس إِݣ يدْجَان ذ يسمْغَان.

أيث-كولوس 2:17

مَارَّا ثِمسْڒَايِين-أَ نِثنْتِي اَم ثِيڒِي وَاهَا ن ثْمسْڒَايِين نِّي إِي د غَا يَاسن، ثِمسْڒَايِين نِّي ن صَّح ن لْمَسِيح.

يعيبرانيين 10:1

شُوْف، شَّرِيعَا ن مُوْسَى نتَّاث غِير ذ يجّن ن ثِيڒِي ن ثْمسْڒَايِين ثِصبْحَانِين إِي د غَا يَاسن، وَار ثدْجِي شَا نتَّاث ذ ثِمسْڒَايِين نِّي ذ صَّح. خ مَانَايَا، دْبِيحَاث نِّي ن شَّرِيعَا إِي تݣّن زِي لْعَام غَار لْعَام وَار زمَّرنْت عمَّارْص اَذ سِّيصْفَانْت يِنِّي يتْقَارَّابن غَار أَربِّـي اَذ يڒِين بْڒَا ڒْعِيب.

لواحي ن يوحنا 22:17

أَرُّوْح ذ ثْسْڒِيث قَّارن: "أَرَاح-د!" ونِّي يتْسْڒَان اَذ يِينِي: "أَرَاح-د!" ونِّي يفُوْذن اَذ د يَاس، ونِّي يرزُّون اَمَان ن ثُوْذَارْث اَذ يسو بَاطڒ!