28 وَلَكِن مڒَا ينَّا-ٱوم حَدّ قَا مَانَايَا قدّْمن-ث ذ دْبِيحث إِ لْأَصْنَام، وَار ت تتّم شَا. مَانَايَا عْلَاحْسَاب ونِّي إِي ذَاوم ث يقَّارن أُو عْلَاحْسَاب ضَّمِير.
لِأَنَّا مڒَا يتْخيَّاق وُوْمَاش س مَشَّا نِّي إِي تتّذ، أَتَاف شك وَار ثُوْݣُّوْرذ شَا نِيشَان س ڒمْحِبّث. وَار تݣّ شَا مَشَّا نّش ذ سَّبَاب إِي زِي غَا ينهْذم وُوْمَاش ونِّي مِيخ يمُّوْث لْمَسِيح.
لِأَنَّا يقَّار: <ثَمُوْرْث-أَ نتَّاث ذ مَارَّا مِين ذَايس ن سِيذِي أَربِّـي.>
وَلَكِن مَاشِي يوْذَان قَاع سّْنن مَانَايَا. ڒبْعَاض ن يِوْذَان تُوْغَا غَارْسن لْأَصْنَام ذ دِّين نْسن يجْهذ. مڒَا تتّن لْمَكْلَا-يَا يتْقدَّامن إِ لْأَصْنَام اَتَاف يتْغِير-اَسن مَانَايَا ذ صَّح، ضَّمِير نْسن يضعْفن اَتَاف اَذ يخْنز.
وَلَكِن حْضَام يخف نْوم ذِي لْحُرِّيَا-يَا نْوم ثَانِيتَا بَاش وَار ثْغطّْڒم شَا يِنِّي يضعْفن ذِي لْإِيمَان نْسن اَذ وْضَان.