1 أيث-كورينث 10:17 - ثريفيث 2020

¹⁷ ذِنِّي يجّن ن ثْخبَّاسْت ن وغْرُوْم وَاحْذس، س سَّبَاب-أَ نشِّين ذ يجّن، وَاخَّا ذِنِّي اَطَّاس إِي إِذْنغ. مِينْزِي نشِّين مَارَّا إِذْنغ نْشَرّش ذݣ يِجّن ن ثْخبَّاسْت.

1 أيث-كورينث 10:17 ပူးပေါင်းရင်းမြစ်များ

أيث-روما 12:5

أَمنِّي إِي ندْجَا ؤُڒَا ذ نشِّين. وَاخَّا نشِّين اَطَّاس إِي إِذْنغ أَقَانغ مَارَّا إِذْنغ ذ يجّن ن دَّات ذِي لْمَسِيح، كُڒ طَّارْف يتحْذَاجَا ونّغْنِي.

1 أيث-كورينث 10:21

وَار ثْزمَّرم شَا اَذ تسْوم زِي ڒْكَاس ن سِيذِيثْنغ نِغ زِي ڒْكَاس ن شَّيَاطِين س ثْنَاين إِذْسن. وَار ثْزمَّرم شَا اَذ تْشَرْشم ذِي مِيسَّا ن سِيذِيثْنغ ذ مِيسَّا ن شَّيَاطِين س ثْنَاين إِذْسنْت.

1 أيث-كورينث 12:12

شُوْف، دَّات نّغ نتَّاث ذ يشْتن غَارس اَطَّاس ن طْرُوْفَاث، وَاخَّا طْرُوْفَاث-أَ اَطَّاس إِي يدْجَان نِثْنِي ذ يجّن. أَمُّو يدْجَا لْمَسِيح.

1 أيث-كورينث 12:27

فَا كنِّيو ذ دَّات-أَ يعْنِي ذ جْمَاعث ن لْمَسِيح، كُڒ يجّن زَّايْوم ذ يجّن طَّارْف زَّايس.

أيث-ؤفسوس 3:6

ڒْمَعْنَا-يَا ينُوْفَّرن ثَانِيتَا، مِين ثعْنَا؟ أَقَا ؤُڒَا ذ يِنِّي وَار يدْجِين شَا زِي أَيث-إِسْرَائِيل اَذ وَرْثن زِي أَربِّـي اَك أَيث-إِسْرَائِيل س لْإِنْجِيل. نِثْنِي ذ يجّن ن جْمَاعث، مَارَّا اَذ شَرْشن ذِي مِين يوْعذ أَربِّـي ذِي لْمَسِيح.

أيث-ؤفسوس 4:16

زَّايس زِي لْمَسِيح دَّات ثكْمَاڒ ن جْمَاعث ثْمُوْن اَقَات ذ يشْتن س قَاع ڒمْفَاسڒ نِّي إِي ذَايس. أُو كُڒ طَّارْف نّس مڒَا يخدّم نِيشَان اَتَاف اَذ يسمْغَار دَّات-أَ أُو س يِيخف نّس اَذ تبْنَا س ڒمْحِبّث.

أيث-ؤفسوس 4:25

إِذن لَابُد كُڒ يجّن زَّايْوم اَذ يبعّذ زݣ يخرِّيقن اَذ يسِّيوڒ س ڒْحَقّ اَك وَاجَّار نّس لِأَنَّا نشِّين مَارَّا ذ يجّن ن جْمَاعث إِي ندْجَا.

أيث-ؤفسوس 4:4

جْمَاعث ذ يشْتن، أَرُّوْح يقدّْسن ذ يجّن. أَمنِّي أَربِّـي وَامِي ذَاوم د يڒَاغَا، يڒَاغَا-ٱوم-د غَار لْأَمَال ذ يجّن.

أيث-كولوس 2:19

بْنَاذم نِّي يسخْصَار لْعَلَاقَا اَك ونِّي يتْرَايَّان ذ اَزدْجِيف. أَزدْجِيف نِّي نتَّا يتْدبَّار إِ دَّات نّس اَمن-ثكْمَاڒ وَامِي نتَّاث ثْمُوْن س يپُـوْرْصُوْثن ذ ڒمْفَاسڒ نّس بَاش دَّات اَذ تمْغَر عْلَاحْسَاب مِين يخس أَربِّـي اَذ تمْغَر.

أيث-كولوس 3:11

وَار يتْغِيمِي بُو ويُوْنَانِي نِغ ذ اَئِسْرَائِيلِي، نِغ ذ ونِّي يطهَّارن نِغ ذ ونِّي وَار يطهِّيرن شَا، نِغ ذ اَبَرْبَرِي نِغ ذ اَوحْشِيو، نِغ ذ يسْمغ نِغ ذ ونِّي يدْجَان حُرّ. لَّا، لْمَسِيح نتَّا ذ مَارَّا، أَقَاث ذِي مَارَّا.

أيث-كولوس 3:15

اجّم ڒهْنَا ن لْمَسِيح اَذ يحْكم ذݣ وُوْڒَاون نْوم مِينْزِي كنِّيو ذ يجّن ن جْمَاعث يڒَاغَا-يَاوم-د اَڒ ڒهْنَا-يَا. كنِّيو عَاوذ شكَّرم أَربِّـي.