1 أيث-كورينث 10:13 - ثريفيث 2020

¹³ ثِمسْڒَايِين نِّي ثِنِّي إِݣ يتِيڒِين ڒبْدَا اَك بْنَاذم ذ ثِنِّي إِي كنِّيو يتْغَارَّان. أُو أَربِّـي نتَّا ذَايس تِّقث، وَار كنِّيو يتجِّي شَا اَذ تْوَاغَارَّام س مِين وَار ثْزمَّرم اَذ تصْبَرم؛ لَّا، أَذَاوم يذبَّر يجّن ن ثوَّارْث حمَا اَذ تصْبَرم إِ مَانَاينِّي.

1 أيث-كورينث 10:13 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 6:13

وَار ذَانغ تݣّ شَا ذِي ڒمْحَاين، سنْجم-اَنغ زِي شَّرّْ. {ڒَاحقَّاش ڒْمُلْك يدْجَان نّش، ذ ثِزمَّار، ذ لْعَظَمَا إِ شك إِ ڒبْدَا. آمِين.}

لوقا 11:4

غْفَر-اَنغ ڒْمُعْصِيَاث نّغ إِ نشِّين، مَامّش نْسمّح إِ يِنِّي إِي كِذْنغ يخطَّان. وَار ذَانغ تݣّ شَا ذِي ڒمْحَاين."

لوقا 16:26

أُو عَاوذ ذِنِّي يجّن ن ڒَادْجغ يُوْدْجغ جَارَانغ. ئِجّن سَّانِيتَا مڒَا يخس اَغَارْوم د يعْذُو وَار يزمَّر شَا. ئِجّن سّنِّي مڒَا يخس اَغَارْنغ د يعْذُو وَار يزمَّر شَا.

لوقا 22:46

ينَّا-ٱسن: "مَايمِّي تطّْصم؟ كَّرم، ࢲَّادْجم حمَا وَار تِيذْفم شَا ذِي ڒمْحَاين."

ڒخذايم 27:44

ئِنّغْنِي اَثن ذْفَارن خ ثْفڒْوِين نِغ خ ثڒْوِيحِين وغَرَّابُو. أَمنِّي إِي ݣِّين بَاش اَذ فّْغن مَارَّا إِذْسن غَار ڒْبَرّ اَذ نجْمن.

1 أيث-كورينث 1:9

أَربِّـي ذَايس تِّقث، زَّايس إِي ذَانغ د يُوْسَا ؤُڒَاغِي أَ نْعَاشَر ممِّيس يعْنِي سِيذِيثْنغ عِيْسَى لْمسِيح.

22 أيث-كورينث 1:10

ئِسنْجم-اَنغ-د زݣ يِجّن ن ڒْموْث ذ ثَعفَّانْت أُو نتَّا عَاذ اَقَا يسنْجَام-اَنغ. نْتݣّ ذَايس لْأَمَال نّغ بلِّي عَاذ اَذَانغ يسنْجم وَامِي كنِّيو ذَانغ تْعَاوَانم س ثْࢲَادْجِيث نْوم. ثُمَّا اَطَّاس ن يِوْذَان اَذ سْݣَعّْذن صُّوْت نْسن غَار أَربِّـي اَث شكَّرن خ لْبَرَكَا نِّي إِي ذَانغ غَا يُوْش خْمِي إِي غَا ثسْتَاجب اَطَّاس ن ثْࢲَادْجِيث نْسن خَانغ.

1 أيث-سلونيك 5:24

ونِّي إِي ذَاوم د يتْڒَاغَان ذَايس تِّقث، ذ نتَّا إِي كنِّيو غَا يسِّيوْضن غَار مَانَايَا.

2 أيث-سلونيك 3:3

وَلَكِن سِيذِيثْنغ ذَايس تِّقث، أَكنِّيو يسجْهذ اَكنِّيو يحْضَا زِي شَّرّْ.

2 تيموتاوس 4:18

أَذَايِي يسفْڒث سِيذِيثْنغ زِي مْكُڒ ثَمسْڒَايْث ذ ثَعفَّانْت اَذَايِي يسنْجم غَار ڒْمُلْك نّس يدْجَان ذݣ وجنَّا. أَغَارس ثِيڒِي لْعَظَمَا إِ ڒبْدَا ن ڒبْدَاث. آمِين.

يعيبرانيين 10:23

أَ نطّف بْڒَا مَا أَ نضْڒق ذِي لْأَمَال نِّي إِي خف نْشهّذ لِأَنَّا أَربِّـي إِي ذَانغ يوعْذن ذَايس تِّقث.

يعيبرانيين 11:11

س لْإِيمَان سَارَا س يِيخف نّس يمُّوْش-اَس جّْهذ اَذ تيْسِي اَعدِّيس وَاخَّا نتَّاث ثْنُوْمْغَار، مِينْزِي ثكَّر نتَّاث ثْحسّب ونِّي إِي ت يوعْذن ذَايس تِّقث.

يعيبرانيين 12:4

وَامِي ثْمنْغم ضد إِ ڒْمُعْصِيّث، وَار ثْعِيرّْضم شَا بَاش اَذ اَزّْڒن يذَامّن نْوم لَّا.

يعيبرانيين 6:18

ثْنَاين ن ثْمسْڒَايِين-أَ وَار تْوَابدِّيڒنْت شَا، أَربِّـي وَار يزمَّر اَخَاسنْت يسْخَرّق. زِي ثْنَاين ن ثْمسْڒَايِين-أَ اَزَّايْسنْت إِي غَا نتْوَاشجّع نشِّين إِي نَرْوڒ بَاش اَغَارس نْنُوْفَّر. زَّايْسنْت إِي غَا نطّف س جّْهذ ذِي لْأَمَال إِي ذَانغ يتْوَابشَّرن.

1 بطرس 4:19

فَالِيهَذَا يِنِّي يتْوَاعدَّابن س اَرَّاي ن أَربِّـي، ئِتْخصَّا-يَاسن اَذ سلّْمن ڒَعْمَار نْسن ذݣ يفَاسّن ن لْخَالِق نْسن نتَّا إِي ذِي ثدْجَا تِّقث، أَذ قِّيمن تݣّن مِين يدْجَان ذ اَصبْحَان.

2 بطرس 2:9

أَمُّو عَاوذ يسّن أَربِّـي اَذ يسنْجم يِنِّي إِي ذَاس يتْطَاعَان زِي ڒمْحَاين إِي خَاسن د يتكّن. ئِسّن عَاوذ اَذ يقّن ينِّي يعصَّان سْوَادَّاي لْحُكم نّس حتَّا ٱڒ يُوْم لْحِسَاب ذ لْعِقَاب.

1 يوحنا 1:9

وَلَكِن مڒَا نعْتَرف س ڒْمُعْصِيَاث نّغ إِ أَربِّـي، نتَّا اَقَاث نِيشَان ذَايس تِّقث، أَذَانغ يغْفَر ڒْمُعْصِيَاث نّغ اَذَانغ يسِّيصْفَا زِي مَارَّا شَّرّْ.

لواحي ن يوحنا 19:11

ࢲْرِيغ اَجنَّا ينُوْرْزم ذِنِّي يجّن ن ؤُيِيْس ذ اَشمْڒَاڒ، ونِّي خَاس ينْيِيْن قَّارن-اَس ڒَامَان ذ ڒْحَقّ. ئِتْحَاسَاب يتْحَرَاب س ڒْحَقّ.

لواحي ن يوحنا 2:10

وَار تݣّْوذ شَا زِي مَامّش إِي غَا تْوَاعدّْبذ. أَقَا إِبْڒِيس اَذ يسِيذف ڒبْعَاض زَّايْوم غَار ڒحْبس حمَا اَذ تْوَاجَرّْبم. أَذ تْسعْذُوْم ڒمْحَاين ذي عشْرَايَّام. اَرْنِي ذِي لْإيْمَان نّش وَاخَّا اَش نْغن، نش اَذَاش ؤُشغ تَّاج ن ثُوْذَارْث.

لواحي ن يوحنا 3:10

ثصْبَرذ خ مِين ش وصِّيغ، س مَانَايَا اَتَاف نش اَش حْمِيغ زِي ثْسَاعَّات نِّي ن ڒمْحَاين إِي د غَا يهْوَان خ مَارَّا دُّنشْت-أَ حمَا يمزْذَاغ ن تْمُوْرْث اَزَّايس تْوَاجَرّْبن.