1 أيث-كورينث 1:7 - ثريفيث 2020

⁷ س مَانَايَا وَار ذَاوم ثْنقِّيص ؤُڒَا ذ يجّن ن لْقُدْرَا رُوْحِيَا خْمِي تْرَاجَام اَذ د يمظْهَار سِيذِيثْنغ عِيْسَى لْمَسِيح.

1 أيث-كورينث 1:7 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 25:1

ڒْمُلْك وجنَّا اَمشْنَاو شَان عشْرَا ن ثعْزْرِيِين إِݣ ييْسِين ڒقْنَاذڒ، فّْغنْت اَذ ڒقَّانْت مُوْڒَاي.

لوقا 12:36

إِڒِيم ثْوجْذم اَم يوْذَان إِي تْرَاجَان سِيذِيثْسن اَذ د يذْوڒ زِي ڒْفَارْح، أَذ د يَاس اَذ يسْقرْقب اَذَاس رزْمن ذغْيَا.

لوقا 17:30

أَمنِّي إِي غَا يوقْعن ذِي نْهَار نِّي إِي ذِي د غَا يمظْهَار مِّيس ن بْنَاذم.

أيث-روما 8:19

أَقَا مَارَّا مِين د يتْوَاخڒْقن ذَايْسن مزْڒِي ذ اَمقّْرَان تْرَاجَان اَذ ࢲرن ثْسَعَّات نِّي إِي ذِي د غَا بَانن ثَارْوَا ن أَربِّـي.

أيث-روما 8:23

أُو مَاشِي نِثْنِي وَاهَا، ؤُڒَا ذ نشِّين ؤُمِي يمُّوْش اَرُّوْح يقدّْسن ذ اَمزْوَارُو نْنهّك ذݣ يِيخف نّغ. ذَايْنغ مزْڒِي، نشِّين نتْرَاجَا زِي أَربِّـي اَذ د يسْبيّن بلِّي نشِّين ذ ثَارْوَا نّس، يعْنِي اَذ يفكّ دَّات نّغ.

1 أيث-كورينث 4:5

خ مَانَايَا وَار قَّارم وَالُو خ ڒْحُكم قْبڒ ڒْوقْث، يعْنِي قْبڒ إِي د غَا يَاس سِيذِيثْنغ. ذ نتَّا إِي غَا يسْبيّنن ثِمسْڒَايِين نِّي غَار نُّوْر ڒخُّو نُوْفَّرنْت ذِي ثَادْجسْت، أَذ د يسْمظْهَار كُڒ لْغَرَض ن يِوْذَان إِي غَارْسن ذݣ وُوْڒَاون نْسن. ڒخْدّنِّي كُڒ يجّن اَغَارس يِيڒِي وسمْغَار نّس زِي أَربِّـي.

22 أيث-كورينث 12:13

مَا ذِنِّي شَا ن ثْمسْڒَايْث مِينْخف اَرْضِيغ نش ذِي ثْجُوْمَع ن ڒْمُوْمِنِين ثِنّغْنِي وَار خَاس اَرْضِيغ شَا جَارَاوم؟ وَاه ئِشْتن، يعْنِي وَار خَاوم تْبسِّيڒغ شَا! سمْحم-اَيِي خ فَالْطَا-يَا.

أيث-ݣلاطيا 5:5

قَا نشِّين لَّا، نتْرَاجَا أَربِّـي اَذَانغ يسمْصْڒَاح اَكِذس س لْإِيمَان، أُو لْأَمَال-أَ نّغ نتَّا س جّْهذ ن أَرُّوْح يقدّْسن.

أيث-فيليـپـي 3:20

نشِّين لَّا، لْجِنْسِيَا نّغ اَقَات ذݣ وجنَّا. سّنِّي إِي د غَا يَاس ونِّي إِي نتْرَاجَا إِي ذَانغ غَا يسْنجْمن يعْنِي سِيذِيثْنغ عِيْسَى لْمَسِيح.

أيث-كولوس 3:4

خْمِي د غَا يمظْهَار لْمَسِيح يعْنِي ونِّي يدْجَان ذ ثُوْذَارْث نْوم، ڒخْدّنِّي اَكِذس تْمظْهَارم ؤُڒَا ذ كنِّيو ذِي لْعَظَمَا.

1 أيث-سلونيك 1:10

حمَا اَذ تْرَاجَام مِّيس إِي د غَا يَاسن زݣ وجنَّا ونِّي إِي د يسكَّر أَربِّـي زݣ يمتِّينن يعْنِي عِيْسَى إِي ذَانغ يسنْجَامن زݣ وغْضَاب نِّي إِي د غَا يَاسن.

2 أيث-سلونيك 1:7

أَذَاوم يُوْش اَرَّاحث اَكِذْنغ كنِّيو يتْوَامحَّانن. مَانَايَا اَذ يِيڒِي خْمِي د غَا يمظْهَار سِيذِيثْنغ عِيْسَى زݣ وجنَّا ذݣ يِجّن ن ثْمسِّي ثْحدّق، أَكِذس د مظْهَارنْت لْمَلَائِكَاث نّس يجهْذن.

2 تيموتاوس 4:8

سَّا ٱڒ ثْسَاونْت يتْرَاجَا-اَيِي يجّن ن تَّاج ن صُّلْح اَݣ أَربِّـي ونِّي إِي ذَايِي غَا يُوْش سِيذِيثْنغ إِي يدْجَان ذ لْقَاضِي نِيشَان؛ أَذَايِي-ث يُوْش ذِي نْهَار نِّي ن لْحِسَاب. مَاشِي اَذَايِي-ث يُوْش إِ نش وَاهَا؛ لَّا، أَث يُوْش إِ مَارَّا يِنِّي يتخْسن نْهَار نِّي إِي ذِي د غَا يمظْهَار.

ثبرات غار تيتوس 2:13

أُو نشِّين غِير نتْرَاجَا لْأَمَال نِّي يتْوَابَرْكن يعْنِي نْهَار نِّي إِي ذَايس د غَا ثْمظْهَار لْعَظَامَا ن أَربِّـي اَمقّْرَان ذ وْمْسنْجم نّغ عِيْسَى لْمَسِيح.

يعيبرانيين 9:28

أَمُّو لْمَسِيح، يتْوَاقدّم ذ دْبِيحث يجّن ن ثْوَاڒَا بَاش اَذ يَارْبُو ڒْمُعْصِيَاث ن وَاطَّاس ن يِوْذَان. ثُمَّا اَذ د يهْوَا وِيس مَرّْثَاين. مَايمِّي؟ مَاشِي عْلَاحْسَاب ڒْمُعْصِيّث ن يِوْذَان عَاوذ؛ لَّا، أَذ د يهْوَا بَاش اَذ يسنْجم يِنِّي إِي ث يتْرَاجَان.

1 بطرس 1:13

إِذن، سْوجْذم ڒَعْقُوْرَاث نْوم بَاش اَذ تْخذْمم. أَرّم-د ڒْبَاڒ نْوم. ݣّم لْأَمَال نْوم غِير ذِي اَرْضَا ن وسنْجم نِّي إِي ذَاوم د غَا يمُّوْشن خْمِي د غَا يمظْهَار عِيْسَى لْمَسِيح.

1 بطرس 4:13

لَّا، ئِتخصَّا كنِّيو اَذ تْفَرْحم وَامِي ثْشَرّْشم ذݣ وعدّب ن لْمَسِيح بَاش اَذ تْفَرْحم عَاوذ اَطَّاس خْمِي د غَا ثْمظْهَار لْعَظَمَا نّس.

1 بطرس 5:4

خْمِي د غَا يمظْهَار ؤُمكْسَاو اَمقّْرَان اَتَاف اَذ تْقبْڒم يجّن ن تَّاج عمَّارْص اَذ يكْشف.

2 بطرس 3:12

خْمِي تْرَاجَام إِ لْيُوْم ن أَربِّـي اَث تْسݣُّوْرم بَاش ذغْيَا اَذ د يَاس. نْهَار نِّي اَذ د يَاوِي ڒفْنَا ن يجنَّاثن س ثْمسِّي، أَذ تْوَامْحَان مَارَّا يثْرَان ذ ثْزِيرِي اَذ فسْين خْمِي غَا تْوَاسْشمْضن.

1 يوحنا 3:2

آي يمْعِيزّن ينُو، ڒخُّو نشِّين ذ ثَارْوَا ن أَربِّـي. عَاذ وَار د تْمظْهَار شَا صِّيفث نّغ مَامش غَا ثِيڒِي، وَلَكِن نسّن اَذ تِيڒِي اَم نتَّا خْمِي د غَا يمظْهَار ڒَاحقَّاش اَث نْࢲر نتَّا مَامش إِي يدْجَا.

ثبرات زي يهوذا 1:21

ئِتْخصَّا اَذ تقِّيمم ذِي ڒمْحِبّث ن أَربِّـي اَذ تْرَاجَام اَرَّاحْمث نِّي ن سِيذِيثْنغ عِيْسَى لْمَسِيح ثنِّي إِي كنِّيو يتَاوِين غَار ثُوْذَارْث نِّي وَار يفنِّين شَا عمَّارْص.