1 أيث-كورينث 1:27 - ثريفيث 2020

²⁷ وَلَكِن أَربِّـي يخْضَر مِين يدْجَان ذ ثُوْبُّوهْڒِيَا غَار يِوْذَان ن دُّنشْت-أَ حمَا اَذ يفْضح يِنِّي يتفْهَامن زَعْمَا. ئِخْضَر أَربِّـي مِين يضعْفن ذِي دُّنشْت-أَ حمَا اَذ يفْضح يِنِّي يجهْذن.

1 أيث-كورينث 1:27 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:25

ڒخْدّنِّي يسِّيوڒ عِيْسَى ينَّا: "حمْذغ-شك آ بَابَا آ سِيذِي أَربِّـي ن وجنَّا ذ ثْمُوْرْث ڒَاحقَّاش ثسْنُوْفَّرذ مَانَايَا خ يمِيغِيسن ذ لْعُلَمَا، ثْسظْهَارذ-ث-يد إِ يحنْجِيرن يمزْيَانن.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:16

نَّان-اَس إِ عِيْسَى: "مَا تسْڒِيذ مِين خَاك قَّارن؟" ينَّا-ٱسن عِيْسَى: "وَاه، مَا وَار ثغْرِيم مِين يدْجَان ذِي لْكِتَاب؟ <ثݣِّيذ، آي أَربِّـي، أَش حمْذن يحنْجِيرن ذ يسيْمَان س وقمُّوْم نْسن.>"

أَسڒْمذ ن سِيذِيثْنغ عِيْسَى لْكِتَاب ن مَتَّى 9:9

وَامِي يُوْيُوْر سّنِّي عِيْسَى، يُوْفَا يجّن ن ورْيَاز قَّارن-اَس مَتَّى يقِّيم ذݣ ومْشَان مَانِي جمّْعن ضَّرِيبَا. ينَّا-ٱس عِيْسَى: "ذْفَار-اَيِي-د!" أُوْشَا يكَّر مَتَّى يذْفَار-يث.

لوقا 21:15

لَّا، أَذَاوم ؤُشغ اَوَاڒن ذ ڒفْهَامث حمَا مَارَّا يِنِّي كِذْوم يتْمنْغَان وَار زمَّرن شَا اَخَاوم د اَرّن.

ڒخذايم 17:18

شَان لْفَلَسِفَا ؤُمِي قَّارن يبِيكُوْرِيْين ذ شَان لْفَلَسِفَا نّغْنِي ؤُمِي قَّارن يرِيوَاقِيْين بْذَان تمْنَاقَاشن اَك بُوْلُس نَّان ڒبْعَاض زَّايْسن، مِين يخس اَذ يِينِي وَانِيتَا يتْـپـڒْپِـيڒن وَاهَا؟ نَّان يِوْذَان نّغْنِي يمْكن يتْبشَّار س أَربِّـيثن ن دُّوَل. نَّان مَانَايَا مِينْزِي بُوْلُس يتْبشَّار س عِيْسَى ذ لْقِيَامَا.

ڒخذايم 7:35

مُوْسَى-يَا نْكَرن-ث نَّان-اَس: ؤُو ش يݣِّين شك ذ اَرَّايس نِغ ذ ڒْقَاضِي خَانغ؟ وَلَكِن نتَّا يسّكّ-يث أَربِّـي اَذ يِيڒِي ذ اَرَّايس ذ ونِّي إِي ثن غَا يسْنجْمن. ئِسّكّ-يث أَربِّـي خ وفُوْس ن لْمَلَائِكَا نِّي إِي ذَاس د يمظْهَارن ذݣ ؤُخْشَاب نِّي.

ڒخذايم 7:54

وَامِي سْڒِين جْمَاعث نِّي ن لْحُكَّام ن أَيث-إِسْرَائِيل اَوَاڒ ن سْتِيفَان، خيّْقن غضْبن، تْغࢲَّاࢲن غَارس ثِيغْمَاس.

1 أيث-كورينث 1:20

ونِّي يتفْهَامن زَعْمَا، ڒخُّو مَانِي يدْجَا؟ أَمْسڒْمَاذ ن شَّرِيعَا زَعْمَا، ڒخُّو مَانِي يدْجَا؟ لْفِيْلَسُوْف ن ڒْوقْث-أَ زَعْمَا، ڒخُّو مَانِي يدْجَا؟ يَاك أَربِّـي يسْبُوْهڒِي ڒفْهَامث ن يِوْذَان ن دُّنشْت-أَ ثَانِيتَا؟

1 أيث-كورينث 1:21

ئِسْبُوْهڒِي-ت س ڒفْهَامث ن مِين نتْبشَّار نشِّين. مَامّش؟ س ڒفْهَامث-أَ ن أَربِّـي يعْجب-اَس اَذ يسنْجم يِنِّي يتَامْنن، وَلَكِن يوْذَان ن دُّنشْت-أَ وَار زمَّرن اَث سّْنن س ڒفْهَامث نْسن.

1 أيث-كورينث 2:12

وَار ذَانغ د يُوْشِي شَا اَرُّوْح ن دُّنشْت-أَ، يُوْشَا-ٱنغ-د اَرُّوْح إِي د يُوْسِين زِي أَربِّـي حمَا أَ نفْهم ثِمسْڒَايِين نِّي إِي ذَانغ د يُوْشَا أَربِّـي بَاطڒ.

22 أيث-كورينث 10:10

لِأَنَّا قَّارن خَافِي ڒبْعَاض زَّايْوم قَا ثِبْرَاثِين ن بُوْلُس جهْذنْت قسْحنْت. أُو قَّارن عَاوذ وَلَكِن خْمِي اَكِذْنغ يتِيڒِي نتَّا س يِيخف نّس يتضْعِيف اَوَاڒن نّس خْوَان.

22 أيث-كورينث 4:7

فَا ڒْكنْز-أَ وَانِيتَا اَقَاث غَارْنغ ذݣ يغرَّافن ن وشَاڒ يعْنِي ذِي دَّات نّغ، بَاش اَذ د يمظْهَار بلِّي جّْهذ-أَ اَمقّْرَان اَطَّاس يتَاس-د زِي أَربِّـي مَاشِي زَّايْنغ.

ثبرات غار يعقوب 2:5

شُوْف آي أَيثْمَا يمْعِيزّن ينُو، مَا وَار ثسِّينم شَا أَربِّـي يخْضَر ڒْمُسَاكِين ن دُّنشْت-أَ حمَا اَذ يڒِين ذ تْوَاجَر س لْإِيمَان نْسن اَذ وَرْثن ذِي ڒْمُلْك إِي زِي يوْعذ أَربِّـي يِنِّي إِي ث يتْحِبَّان؟