1 أيث-كورينث 1:26 - ثريفيث 2020

²⁶ آي اَيثْمَا، فكَّارث ذِي مِين تُوْغَا ثدْجَام قْبڒ وَامِي ذَاوم د يڒَاغَا إِ كنِّيو أَربِّـي. مَاشِي اَطَّاس إِذْوم إِي ذِي تُوْغَا ثدْجَا ڒفْهَامث عْلَاحْسَاب مِين قَّارن يِوْذَان. مَاشِي اَطَّاس إِذْوم كنِّيو غَار تُوْغَا ثدْجَا لْمَرْتَبَا. مَاشِي اَطَّاس إِذْوم كنِّيو لْأَصل نْوم تُوْغَاث زݣ يمقّْرَانن.

1 أيث-كورينث 1:26 ပူးပေါင်းရင်းမြစ်များ

لوقا 1:3

آ سِيذِي ؤُڒَا ذ نش تْغِيڒ-اَيِي مْلِيح اَذ ݣّغ اَذ اَرِيغ مِين يوقْعن وَامِي بحْثغ ذِي مَارَّا مَانَايَا مْلِيح. أَذَاش ث اَرِيغ ثَا س ثَا حمَا اَذ تسّْنذ ڒْحَقّ ن ثْمسْڒَايِين نِّي إِي ذَاش سڒْمَاذن.

لوقا 10:21

ڒخْدّنِّي يفَرح عِيْسَى س أَرُّوْح يقدّْسن ينَّا: "حمْذغ-شك آ بَابَا آ سِيذِي أَربِّـي ن وجنَّا ذ ثْمُوْرْث ڒَاحقَّاش ثسْنُوْفَّرذ مَانَايَا خ يمِيغِيسن ذ لْعُلَامَا، ثْسظْهَارذ-ث-يد إِ يحنْجِيرن يمزْيَانن. وَاه آ بَابَا، ڒَاحقَّاش اَمُّو إِي خَاك يَارْضَا.

ڒخذايم 13:12

ئِࢲْرَا مَانَاينِّي لْعَامِل ڒخْدّنِّي يُوْمن، ئِقِّيم يذهّش س تَّعْلِيم ن سِيذِيثْنغ.

ڒخذايم 13:7

ئِتِيڒِي اَك لْعَامِل ونِّي ؤُمِي قَّارن سَرْجْيُوْس بُوْلُس. لْعَامِل نِّي نتَّا ذ يجّن ن ورْيَاز ذ اَمِيغِيس، ئِڒَاغَا-د إِ بَرْنَابَا ذ شَاوُل يخس اَذَاس سْڒمْذن اَوَاڒ ن أَربِّـي.

ڒخذايم 17:34

ڒبْعَاض زَّايْسن ؤُمْنن مُوْنن اَك بُوْلُس. زَّايْسن دِيُوْنِيسْيُوْس زِي لْمَجْلِس ن أَرْيُوْبَاݣُوْس ذ يِجّن ن ثمْغَارْث قَّارن-اَس دَامَارِيس ذ ينّغْنِي اَكِذْسن.

أيث-روما 11:29

لِأَنَّا أَربِّـي وَار يندّم شَا خ مِين يتِيشّ نِغ خ مِين يتِيخْضَر.

1 أيث-كورينث 1:20

ونِّي يتفْهَامن زَعْمَا، ڒخُّو مَانِي يدْجَا؟ أَمْسڒْمَاذ ن شَّرِيعَا زَعْمَا، ڒخُّو مَانِي يدْجَا؟ لْفِيْلَسُوْف ن ڒْوقْث-أَ زَعْمَا، ڒخُّو مَانِي يدْجَا؟ يَاك أَربِّـي يسْبُوْهڒِي ڒفْهَامث ن يِوْذَان ن دُّنشْت-أَ ثَانِيتَا؟

1 أيث-كورينث 2:13

نسَّاوَاض مَانَايَا س وَاوَاڒن إِي وَار ثن ثْسڒْمِيذ شَا ڒفْهَامث ن بْنَاذم؛ لَّا، نسَّاوَاض-يث س وَاوَاڒن إِݣ يسڒْمَاذ اَرُّوْح ن أَربِّـي. أَوَاڒن-أَ تْشَرَّاحن لْحَقِيقَاث رُوْحِيَاث إِ يِنِّي ؤُمِي غَار يدْجَا اَرُّوْح ن أَربِّـي.

1 أيث-كورينث 2:8

ڒفْهَامث-أَ وَار ت يفْهِيم ؤُڒَا ذ يجّن زِي لْحُكَّام ن ڒْوقْث-أَ. لَّا، لِأَنَّا مَعْلِيك تُوْغَا ت فهْمن، إِڒِي وَار صلِّيبن شَا سِيذِيثْنغ غَار ثدْجَا لْعَظَمَا.

أيث-فيليـپـي 4:22

مَارَّا صَّالِحِين سَاوَّاضن-اَوم-د سْڒَام خَاصَّتَان يِنِّي يدْجَان ذِي ثدَّارْث ن وزدْجِيذ قَيْصَار.

ثبرات غار يعقوب 2:5

شُوْف آي أَيثْمَا يمْعِيزّن ينُو، مَا وَار ثسِّينم شَا أَربِّـي يخْضَر ڒْمُسَاكِين ن دُّنشْت-أَ حمَا اَذ يڒِين ذ تْوَاجَر س لْإِيمَان نْسن اَذ وَرْثن ذِي ڒْمُلْك إِي زِي يوْعذ أَربِّـي يِنِّي إِي ث يتْحِبَّان؟

2 يوحنا 1:1

نش ذ اَمْغَار، تَارِيغ ثَبْرَات-أَ إِ ثمْغَارْث يتْوَاخْضَرن ذ ثَارْوَا نّس إِي تخْسغ ذِي لْحَقِيقَا. مَاشِي ذ نش وَاهَا إِي ثن يتخْسن؛ لَّا، تخْسن-ثن قَاع يِنِّي يسّْنن لْحَقِيقَا.