1 أيث-كورينث 1:10 - ثريفيث 2020

¹⁰ فَا تتَّارغ زَّايْوم آي اَيثْمَا س يِيسم ن سِيذِيثْنغ عِيْسَى لْمَسِيح، مْسفْهَامث اَك وَايَاوْيَا حمَا وَار يتِيڒِي بُو لْخِلَاف جَارَاوم. ئِتْخصَّا كنِّيو اَذ تِيڒِيم كِيف-كِيف ذِي ڒَعْقُوْڒَاث نْوم ذ اَرَّاي نْوم.

1 أيث-كورينث 1:10 ပူးပေါင်းရင်းမြစ်များ

أَسڒْمذ ن سِيذِيثْنغ عِيْسَى لْكِتَاب ن مَتَّى 9:16

وَار يدْجِي حَدّ يتْرقَّاع اَرُّوْض ذ ڒْبَاڒِي س يِجّن ن ثْرقِّيعْث ن تُّوْب ذ جْذِيذ، مَايمِّي؟ ڒَاحقَّاش ثَرقِّيعْث نِّي ن جْذِيذ اَذ تْنجْمع أُوْشَا اَذ تْوَاكّس زݣ وَارُّوْض نِّي ن ڒْبَاڒِي. ڒخْدّنِّي اَذ يقِّيم وشَارِّيݣ يمْغَر!

مرقس 2:21

وَار يدْجِي حَدّ يتْرقَّاع اَرُّوْض ذ ڒْبَاڒِي س يِجّن ن ثْرقِّيعْث ن تُّوْب ذ جْذِيذ، مَايمِّي؟ ڒَاحقَّاش ثَرقِّيعْث نِّي ن تُّوْب ذ جْذِيذ اَذ تْنجْمع اَذ تْوَاكّس زݣ وَارُّوْض نِّي ذ ڒْبَاڒِي. ڒخْدّنِّي اَذ يقِّيم وشَارِّيݣ يمْغَر!

مرقس 3:24

لْممْلَكَا إِي ذِي تْمنْغَان اَيْثْبَاب نّس يجّن اَك ونّغْنِي وَار ثْزمَّر اَذ تقِّيم.

يوحنا 10:19

يوْقع لْخِلَاف عَاوذ جَار يسْرَائِيلِيْين خ وَاوَاڒن-أَ.

يوحنا 17:23

شك اَقَاش ذَايِي نش اَقَايِي ذَايْسن، حمَا اَذ مُوْنن اَذ يڒِين ذ يجّن. حمَا اَذ سّْنن يِوْذَان قَا شك ثسّكّذ-اَيِي-د غَار يمحْضَارن-أَ، تْحِبِّيذ-ثن اَمشْنَاو مَامّش ذَايِي تْحِبِّيذ نش.

يوحنا 7:43

خ مَانَايَا يوْقع لْخِلَاف جَار ڒْغَاشِي نِّي ذِي سَّبَاب نّس.

يوحنا 9:16

نَّان ڒبْعَاض ن يفَرِّيسِيْين نِّي: "بْنَاذم نِّي وَار يدْجِي شَا زِي أَربِّـي مِينْزِي وَار يوقَّار شَا نْهَار ن لْعِبَادَا." وَلَكِن ڒبْعَاض نّغْنِي نَّان: "لَّا، مَامّش بْنَاذم ذ لْعَاصِي زَعْمَا اَذ يݣّ لْمُعْجِيزَاث-أَ؟" خ مَانَايَا يوْقع لْخِلَاف جَارَاسن.

ڒخذايم 4:32

جْمَاعث نِّي ن ڒْمُوْمِنِين غَارْسن ؤُڒ نْسن ذ ڒَعْقڒ نْسن كِيف-كِيف. ؤُڒَا ذ يجّن زَّايْسن وَار يحسّب مِين غَارس نّس وَاحْذس، شَرّْشن مَارَّا ثِمسْڒَايِين جَارَاسن.

أيث-روما 1:13

آي اَيْثْمَا، خْسغ اَذ تسّْنم بلِّي اَطَّاس ن ثْوَاڒَاثِين تݣّغ اَغَارْوم د اَسغ، وَلَكِن ڒخُّو عَاذ وَار غَارْوم د ؤُوِيضغ. نش خْسغ ڒْخذْمث ينُو اَذ تنْجح ذَايْوم مَامّش ثنْجح جَار ڒݣْنُوْس نّغْنِي.

أيث-روما 12:1

إِذن فَا آي اَيثْمَا، س اَرَّاحْمث ن أَربِّـي تْشجَّاعغ-كنِّيو اَذ تْقدّْمم يخف نْوم إِ أَربِّـي اَمشْنَاو يجّن ن دْبِيحث ثدَّر، ذ ثَمْقدّسْت، أَخَاس يَارْضَا نتَّا. مَانَايَا ذ لْوَاجِب ن لْعِبَادَا خَاوم.

أيث-روما 12:16

عِيشث اَݣ وَايَاوْيَا ذِي ڒهْنَا. وَار سمْغَارث شَا يخف نْوم، مْعَشَارث اَݣ يپُـوْبْرِيثن. وَار تَارَّاث شَا يخف نْوم ذ يمِيغِيسن.

أيث-روما 15:30

فَا تتَّارغ زَّايْوم آي اَيثْمَا، س سِيذِيثْنغ عِيْسَى لْمَسِيح ذ ڒمْحِبّث ن اَرُّوْح ن أَربِّـي اَذ تْبدّم اَكِذِي س ثْࢲَادْجِيث نْوم غَار أَربِّـي س سَّبَاب ينُو.

أيث-روما 16:17

آي اَيثْمَا، تتَّارغ زَّايْوم اَذ تحْضَام يخف نْوم زݣ يِنِّي يفرّْقن ڒْمُوْمِنِين خ وَايَاوْيَا تݣّن-اَوم مِين يسفْشِيڒن، يعْنِي ضد ثْغُوْرِي نِّي إِي ثْڒمْذم كنِّيو. بعّْذث خَاسن خ يِيْنَا.

1 أيث-كورينث 1:11

آي اَيثْمَا، أَرِّيغ-د ڒخْبَار زِي ثدَّارْث ن كْلُوِي تْمنْغَام جَارَاوم.

1 أيث-كورينث 11:18

ذ اَمزْوَارُو، خْمِي تْمُوْنم جْمَاعث ن ڒْمُوْمِنِين تسْڒِيغ بلِّي تِيڒِين جَارَاوم لْخِلَافَاث، أُو نش تَامْنغ مَانَايَا إِلَّا ذَايس شْوَايْت ن صَّح.

1 أيث-كورينث 12:25

أَمُّو وَار يدْجِي بُو لْخِلَاف ذِي دَّات، تْهلَّانْت ذݣ وَايْوَايَا كِيف-كِيف.

1 أيث-كورينث 3:3

كنِّيو عَاذ تݣّم اَرَّاي إِ طَّبِيعَا ثَعفَّانْت نْوم. مڒَا يتِيڒِي ڒحْسذ جَارَاوم ذ ومنْغِي، أَتَاف تݣّم اَرَّاي إِ طَّبِيعَا ثَعفَّانْت نْوم اَتَاف تْعِيشم اَم يِوْذَان ن دُّنشْت-أَ وَاهَا، نِغ لَّا؟

1 أيث-كورينث 4:16

إِذن، تْشجَّاع-كنِّيو اَذَايِي ثْقلّْدم مَامش تݣّغ نش.

22 أيث-كورينث 10:1

فَا نش ذ بُوْلُس، س يِيخف ينُو تْطَالَابغ-كنِّيو س تَّوَاضُع ذ لْحَنَانَا ن لْمَسِيح. وَاه، ثقَّارم نش زَعْمَا ترْجِيجِيغ خْمِي تِيڒِيغ اَكِذْوم، خْمِي تْغَابغ خَاوم تْقسِيحغ.

22 أيث-كورينث 13:11

صَافِي آي أَيثْمَا، فَرّْحث. صڒْحث يبْرِيذن نْوم نِيشَان. تْصنَّاطث غَارِي مِين ذَاوم قَّارغ. إِڒِيث ذ يجّن ذِي اَرَّاي نْوم. تْعِيشث ذِي ڒهْنَا. أَربِّـي نّغ ن ڒمْحِبّث ذ ڒهْنَا اَذ يِيڒِي اَكِذْوم.

22 أيث-كورينث 13:9

لِأَنَّا نْفَرّح مڒْمِي مَا نضْعف، كنِّيو تِيڒِيم ثْجهْذم. ذ مَانَايَا مِيخف نْرزُّو ذِي ثْࢲَادْجِيث نّغ اَذ تْصڒْحم نِيشَان.

22 أيث-كورينث 5:20

فَلِهَاذَا نشِّين ذ لْمُبْشِرِين ن لْمَسِيح، أَربِّـي يسّكّ طَّلَاب نّس خ وفُوْس نّغ. نْطَلَاب-يكنِّيو عْلَاحْسَاب لْمَسِيح اَذ تمْصْڒَاحم اَك أَربِّـي.

22 أيث-كورينث 6:1

فَا نشِّين إِݣ يخدّْمن اَك أَربِّـي نْتتَّار إِ كنِّيو نقَّار-اَوم: مَاشِي اَذ تْقبّْڒم اَرْضَا ن أَربِّـي وَار زَّايس ثْخدّْمم شَا.

أيث-ݣلاطيا 4:12

آي أَيثْمَا تْزَاوَاݣغ-كنِّيو، إِڒِيث اَم نش لِأَنَّا نش عَاوذ ذوْڒغ اَم كنِّيو. كنِّيو وَار ذَايي ثضْڒِيمم شَا ؤُڒَا س يِجّن ن ڒْحَاجث.

أيث-فيليـپـي 1:27

لْمُهِيم، سُوْيُورث يخف نْوم ذݣ يِجّن ن وبْرِيذ يتِيشّن لْقِيمَا إِ لْإِنْجِيل ن لْمَسِيح. ثُمَّا وَاخَّا نش ؤُسِيغ-د اَكنِّيو ࢲرغ نِغ غَابغ خَاوم اَتَاف اَخَاوم سْڒغ ڒخْبَار بلِّي ثُوْݣُّوْرم نِيشَان خ يِجّن ن اَرَّاي، ثْخدّْمم فُوْس ذݣ وفُوْس خ سَّبَاب ن لْإِيمَان إِي يدْجَان ذِي لْإِنْجِيل،

أيث-فيليـپـي 3:16

وَلَكِن مِين نسّن عَاذ نِيشَان لَابُد اَذَايس نطّف مْلِيح.

1 أيث-سلونيك 5:13

ؤُشم-اَسن يجّن ن لْقِيمَا ثمْغَر س ڒمْحِبّث نْوم عْلَاحْسَاب ڒْخذْمث نْسن. إِڒِيم عَاوذ ذِي ڒهْنَا اَك وَايَاوْيَا.

2 أيث-سلونيك 2:1

أَمَّا يُوْم نِّي خْمِي د غَا يمظْهَار سِيذِيثْنغ عِيْسَى لْمَسِيح نشِّين اَغَارس نْݣَعّذ. آي أَيثْمَا، نقَّار-اَوم

1 تيموتاوس 5:21

أَقَا عڒْمغ-اَش زَّاث إِ أَربِّـي ذ عِيْسَى لْمَسِيح ذ لْمَلَائِكَاث يتْوَاخْضَرن قَا لَابُد اَذ تݣّذ ثِمسْڒَايِين-أَ بْڒَا مَا ٱذ تݣّذ ڒْفَرْز اَك شَان حَدّ بْڒَا مَا ٱذ تݣّذ عَاوذ س وُوْذمَاون.

2 تيموتاوس 4:1

أَشك وصِّيغ زَّاث إِ أَربِّـي ذ عِيْسَى لْمَسِيح ونِّي إِي غَا يحكْمن خ يِنِّي يدَّرن ذ يِنِّي يمُّوْثن، أَشك وصِّيغ عَاوذ ذِي ڒْمُلْك نّس ذ نْهَار نِّي إِي ذِي د غَا يمظْهَار:

1 بطرس 2:11

آي يمْعِيزّن ينُو، نش قَّارغ-اَوم إِ كنِّيو إِي يدْجَان ذ يعزَّابن ذ يبَرَّانِيْين ذِي دُّنشْت-أَ، بعّْذث زِي شّهَاوَاث نِّي ثِعفَّانِين إِي كنِّيو يتْحَارَابن ضد ن ڒَعْمَار نْوم.

1 بطرس 5:10

أَتَاف اَذ تْوَاعدّْبم شْوَايْت ن ڒْوقْث ڒخْدّنِّي اَكنِّيو يسْريّح أَربِّـي نّغ إِي ذِي يدْجَا مَارَّا اَرْضَا ذ نتَّا إِي ذَاوم د يڒَاغَان غَار لْعَظَمَا نّس وَار يفنِّين شَا ذِي لْمَسِيح. أَكنِّيو يسْبدّ، أَكنِّيو يسجْهذ، أَكنِّيو يݣّ خ دْسَاس.