Yohane 9:34 - MMA SHIYYA

³⁴ Vakaaṛua vakamwia: Iwe vvili wafo woose wawonikia marekoń, nawe kufurie itilosha ise? Vakamwumbuta wooṛo.

Yohane 9:34 ပူးပေါင်းရင်းမြစ်များ

Yohane 9:22

Na kiteveto vasuṛi vamwi vakarera kuri, mfulya veeṛee Vayuda. Amu Vayuda veemmaa irekiana, kwakooya nndu anumbuaa sheeli nKristo, aimwaa eeakaa numba yawo ya iterevia.

Yohane 9:2

Vanalosho vamwi vakamwuṛa veenumbuaa: A le Llosha, ulya andetana kikasha ni i? Ni nndu uu naań ana wasuṛi vamwi kairiwa akee mfu miso?

Luka 18:17

Nkue namuia kya dede: Nndu kwakooya atawariaa umangi lwa Iṛuva sha mwana, aakaa-fo kutu ndi.

Urambuyo lwa Yohane 13:17

amu nndu na kava i atamakii yuṛa kindo ana ikumba kindo kita ulya arie kiringisio kilya kya irina lya ifisi lia ana itaala lya irina lyayo.

Barua ya Yohane ya kararu 1:9

Nndetisiṛia siṛi barua, kake Diotirefe alangie iva wa mbele kari kawo atiwaria ndi.

Barua ya Petiro ya mbele 5:5

Mfo kuro ini vakoo, irikień vasuṛi. Kyasia ini mu woose mukunyiise mu veni na mu veni, fulya Iṛuva aleaa vakuṅinisi, kake valya vakunyiisaa avaliliaa.

Barua ya Vaefeso 2:3

Ifo kari kawo tindeṛua neese ti woose mbele tiikee na malanga a mivili yeru tiiawutiaa mifurie ya mivili yeru na ya makusaṛo eru, tikava vandu vasumani na uumisio lwa Iṛuva sha iwo vengi.

Barua ya Vagalatia 2:15

Ise tikee Vayuda kuuka kimia, nta tikee varekwa vamilie kwa vayavaṛumu ndi.

Barua ya Vakorinto ya mbele 5:13

Kake iwo vakee wooṛo ni Iṛuva avaumisiaa. Somuteń nkasha ulya akee kari kanu.

Yohane 9:40

Na kiindi kya Vafarisayo valya veekee nae ili vandeita kuro vakamwia: A tikee vafu miso neese?

Yohane 9:35

Yesu kaita sheeli vamwumbuta wooṛo. Neeli andekwania nae kamwia: A iwe kukusurie Mwana wa Iṛuva?

Yohane 8:41

Vakamwia: Ise teeriwa waaisiń ndi. Ise toore Vaava umwi, nae ni Iṛuva.

Yohane 6:37

Woose Nde anshiniinga wwo vashaa kwakwa. Na ulya ashaa na kwakwa mmuumbutaa na wooṛo ndi.

Luka 14:11

Amu ulya woose akuṅinisaa ye muni anyiiswaa, na ulya akunyiisaa ye muni aṅiniswaa.

Luka 11:45

Kyasia nndu umwi kari kawo eekee mwaṛia wa mavavaso kaaṛua kamwia: Llosha, kwarera kuro kwatiila neese.

Luka 6:22

Mukee va ngoma ini, ili vandu vamusuaa na ikufukya na ini na imurumaruma na yeeṛa irina lyanu ifo wooṛo sha kindo kiravi kiimba kya Mwana wa nndu.

Barua ya Yohane ya kararu 1:10

Kwa ikyo ili nshaa ninkumburusaa mitanie yamwi ilya atana eetireraa na firero fa ukasha. Ana nta fimfile ndi, ana nta ye muni awariaa vanavamae ndi. Na valya vafurie ivawaria avaimaa na ivauta siṛiń.