Yohane 9:24 - MMA SHIYYA

²⁴ Kyasia vakavaanga nndu ulya eekee mfu miso lya kavili vakamwia: Itikisa Iṛuva! Ise tiishi sheeli nndu to ni nrekwa.

Yohane 9:24 ပူးပေါင်းရင်းမြစ်များ

Yohane 9:16

Kyasia kiindi kya Vafarisayo valya vakanumbua: Nndu to ni nndu aukie kwa Iṛuva ndi, fulya ataindiaa nkonu wa Sabato. Vengi vakanumbua: Kwakooya ni nndu nrekwa, naare amakii itana findo fa maṛiikiso sha ifo? Llyo vakwava makamba avili.

Yohane 19:6

Kyasia vakohani vanini valya na maketi awo ili vandellolia vakaṛoṛongya veereraa: Nkabie nsalabeń, nkabie nsalabeń! Pilato kavaia: Nkurikeń ini mukandenkabia nsalabeń, amu niń llolie ukasha lwamwi ndi.

Barua ya Vakorinto ya kavili 5:21

Amaaṛua uu ateeishii ireko kava nrekwa kiimba kyeru, amu ise tive veni usumani lwa Iṛuva tikuwore nae.

Barua ya Varome 8:3

Amu kilya ivavaso lia liteemakii, fulya liikee iime mmikae ya kivandu, nkyo Iṛuva andekiawutia eerumaa Mwana wamwi kwa fwana ya vvili wa kivandu uwore fikasha na kiimba kya ireko kaumisia ireko fiwarani na vvili.

Yohane 18:30

Vakaaṛua vakamwia: Kifo kitaare nndu uu eekee mutana fikasha, tiimunndee kwafo ndi.

Yohane 16:2

Na kita ifi kyeeri kishaa na ulya woose amuwaa akusaṛe, sheeli kuro llyo iṛundia Iṛuva.

Yohane 14:30

Nta nkireraa neeni firero fiingi ndi. Amu Nnini wa isanga li akee isha. Nae nta awore kindo ashimakii nakyo ndi.

Yohane 8:49

Yesu kaaṛua: Niń noorwa nta mmumuyo nkasha ndi, kake niń nkee iindia Nde yakwa, neeni mukashiruma.

Yohane 8:46

Ni ungau umwi wanu amakii ishivinga na kindo kya mareko nndetana? Kwakooya nkee irera kilya kikee kya dede, nkiki ili mutakee ishikusurań?

Yohane 5:23

naamu woose vaindie Mwana, sheeli vaindiaa Ndee. Na nndu atakee iindia Mwana amakii iindia na Nde ito anrumie ndi.

Luka 19:7

Ili vandu vandelolia kuro, vakaṅṅuṅuria woose vakanumbua: Ameenda numba kwa nndu nrekwa na indeimuya-fo.

Luka 15:2

Na Vafarisayo na vaaria va mitisine vakaṅṅuṅuria vakanumbua: Uu awariaa vandu varekwa na ilya nawo shoonga.

Luka 7:39

Mfarisayo ulya eevaangiee Yesu kwamwi ili andelolia kuro, kakusaṛa ngooń yamwi eenumbuaa: Kifo nndu uu mmwauya fisuku dede, eemanyaa mikae ya nka uu akee imbaana, sheeli mmwaaisi.

Mariko 15:27

Vakansanda na fisoki fivili vakankabia nsalabeń andu emwi nawo, umwi taari ya uko usha na ungi taari ya uko lwamwi umuso.

Yohane 9:25

Kyasia nndu ulya kaaṛua kanumbua: Kwakooya ni nrekwa, niishi ndi. Niń niishi kindo kimwi da, niń niikee mfu miso na alli llolie.

Urambuyo lwa Yohane 11:13

Na saa ilya sheni kikava kirerema kinini kya isanga. Na kyeenga kya ikumi kya muṛi ulya kikafika. Vandu fiku mfungare vakafiya ifo kireremioń kilya. Na iwo vandesaa vakawarwa wweṛei. Vakaindia Iṛuva wa iṛuvewu.