Yohane 9:2 - MMA SHIYYA

² Vanalosho vamwi vakamwuṛa veenumbuaa: A le Llosha, ulya andetana kikasha ni i? Ni nndu uu naań ana wasuṛi vamwi kairiwa akee mfu miso?

Yohane 9:2 ပူးပေါင်းရင်းမြစ်များ

Luka 13:2

Nae kaaṛua kavaia: Mukusaṛie Vagalilaya wo veekee varekwa kita Vagalilaya vengi woose, fulya vandeliswa ukiva kuro?

Yohane 9:34

Vakaaṛua vakamwia: Iwe vvili wafo woose wawonikia marekoń, nawe kufurie itilosha ise? Vakamwumbuta wooṛo.

Mitanie ya varumi 28:4

Ili veni uruka vandelolia shoka ilya iikusheluasheluaa ukoń vakakurera: Kikafura nndu uu ni wwaa vandu. Amu lla kasa andekia nruveń, udede lua lusumani na muwaa lukee imwotoṛa akaa na muu ndi.

Matayo 16:14

Vanalosho vakanumbua: Veefo vanumbua: Ni Yohane mbatisa. Na vengi vakanumbua: Ni Elia. Na vengi vakanumbua: Ni Yeremia ana ni umwi wa vaauya fisuku.

Matayo 23:7

Na iisanwa wandu ifo singiṛeń na ivaangwaa valosha vanini wandu.

Matayo 23:8

Kake ini manya mutavaangwa valosha vanini wandu, amu llosha wanu ni umwi, yye Kristo. Neeni mu woose mukee vana va nka.

Yohane 4:31

Ili kikikee kuro vanalosho vamwi vakantereva vakamwia: Llosha, lyań te!

Yohane 9:1

Nae ili eeiraa andu, kalolia nndu akee mfu miso kuuka miwo-nikień yamwi.