Yohane 9:16 - MMA SHIYYA

¹⁶ Kyasia kiindi kya Vafarisayo valya vakanumbua: Nndu to ni nndu aukie kwa Iṛuva ndi, fulya ataindiaa nkonu wa Sabato. Vengi vakanumbua: Kwakooya ni nndu nrekwa, naare amakii itana findo fa maṛiikiso sha ifo? Llyo vakwava makamba avili.

Yohane 9:16 ပူးပေါင်းရင်းမြစ်များ

Yohane 10:19

Kyasia Vayuda valya vakakwava kari kiimba kya firero filya famwi.

Yohane 7:43

Kyasia vandu vakakufukya kari kiimba kyamwi.

Yohane 7:12

Likava inunua iingi kari ka isyamu lia kiimba kyamwi. Kiindi vakunumbua: Ye ni nndu nsha. Kiindi vakanumbua: Wode, ye aretaa vandu.

Yohane 3:2

Kashea Yesu kyeeri kya kio kamwia: Nndumi, ise tiishi sheeli kukee llosha kuukie kwa Iṛuva, fulya ateefo nndu amakii itana myorusie ilya ya finya iwe kukee itana, kwakooya Iṛuva atakee nae.

Matayo 12:2

Neeli Vafarisayo vandelolya, vakamwia: Llate vanalosho vafo vakee itana findo fitasumani itana nkonu wa Sabato.

Yohane 15:24

Kifo kitaare neendundaa mashoṛa kwawo atandeṛundwa ni nndu ungi kuuka, veevaa na mareko ndi. Kake alli valolie na ishisua vakashisua niń na Nde yakwa.

Yohane 14:11

Nde asaangi nań yye akee iṛunda mashoṛa amwi, ushikusureń sheeli niń nsaangi na Nde na Nde nae kasaanga nań! Na kitaare nkuro shikusureń mwillaa mashoṛa akwa meni amunniinge ikusura.

Yohane 9:24

Kyasia vakavaanga nndu ulya eekee mfu miso lya kavili vakamwia: Itikisa Iṛuva! Ise tiishi sheeli nndu to ni nrekwa.

Yohane 6:52

Kyasia Vayuda vakavingana wo veni na veni veenumbuaa: Nndu uu amakii itiniinga are vvili wamwi tiule?

Yohane 5:36

Kake irambua nkee nalyo niń ni inini kita irambua lya Yohane. Amu mashoṛa alya Nde andeshiniingia mmarisie mmashoṛa wo meni nkee yaṛunda. Wwo akee ishirambua sheeli nNde ashirumie.

Mitanie ya varumi 14:4

Kake wiingi lwa vandu veekee muṛiń vakakwava kavili. Vengi vakakaa taari ya Vayuda na vengi taari ya varumi.

Matayo 12:10

Lia eni kalolya nndu wa uko lutoṛokombye. Nawo vakamwuṛa veenumbuaa: Kisumani ikiṛa nndu nkonu wa Sabato? Amu vakooye mwaanya wa indiinga.

Luka 13:14

Na nsuṛi wa numba ilya ya iterevia katuṛuka, ili Yesu akiṛa nndu nkonu wa Sabato. Kaia vandu valya veeyoo: Iifo mikonu irindaru nndu atanaa mashoṛa nayo ndi? Kyasia mikonu ilya mushe mukiṛwa, manya mutakishe nkonu wa Sabato ndi!

Yohane 2:11

Nkyo kindo kya mbooko Yesu atana kya maṛiikiso kikatanikia kulya muṛiń wa Kana ukee muungoń ulya wa Galilaya. Kamanyisa nakyo unini lwamwi. Na vaseṛo vamwi vakautia-wo inkusura.

Yohane 5:10

Na Vayuda vakaia nndu ulya andekiṛwa: Nnu ni nkonu wa Sabato tee, nawe koore muumu wa ikurika kiraa ndi.

Yohane 7:23

Kyasia kwakooya nndu arinwaa nkonu wa Sabato, amu ivavaso lya Mose litafukywa, nkiki ili ini mwashituṛukia niń, ili naaṛua nndu kava nsha deń nkonu wa Sabato?